Skip to Content

23 ABRIL. Lecturas na Rúa

Mér, 2024-04-24 10:31 — secretaria

Outro ano máis, o 23 de abril, Día Internacional do Libro, fixemos por compartir lecturas co resto da escola e coa veciñanza que quixese escoitar.

Cada titoría escolleu os textos que quería ler, houbo quen remexeu na biblio á procura daquel conto que tanto lle gustara cando aínda era bebé, ensaiou para non trabar nas sílabas e veña!, de paseo pola Vila do Baño para lermos ao aire libre. O día solleiro axudou a que a actividade fose pracenteira, aínda que o nordés ás veces turraba para pasar páxina e acabarmos antes.

Repartímonos en grupos que mesturaban etapas (EI, EP, e ESO) e concentrámonos na Praza das Árbores, no palco da música, no paseo do río, no 3x3, no Convento… Compartimos adiviñas, dramatizacións de contos, poemas rimados, poemas cantados, e mesmo cocoricos e vacas victorias.

Porque non hai mellor libro que aquel que compartimos.

 

Álbum: Curso 23-24 -> Lecturas na Rúa

23 ABRIL. Libros Alterados (Queremos ser... artistas)

Mér, 2024-04-24 10:28 — secretaria

Para conmemorar o día do Libro desde cada aula ,este ano, fixemos unha intervención en libros procedentes da expurgación da Biblioteca para transformalos en obras artísticas.

Aquí vos deixamos unha pequena mostra do que fixeron os/as artistas do CPI.

Álbum: Curso 23-24 -> Libros alterados

Encontro de Badminton (programa XOGADE)

Mér, 2024-04-24 10:27 — secretaria

O día 23 de Abril, en xornada matinal, o alumnado de 3º e 4º da ESO participou nunha Xornada Deportiva de Badminton organizada pola Asociación de Deporte Escolar de A Estrada. Esta xornada enmárcase dentro do programa XOGADE de deporte escolar.

O alumnado do CPI participou nesta xornada con alumnado do IES García Barros, do IES nº 1, CPI Santa Lucía e do Colexio de Lourdes.

Álbum: Curso 23-24 -> Encontro Badminton ESO

DÍA NA EF NA RÚA

Xov, 2024-04-18 08:43 — secretaria

O mércores 17 de abril conmemorouse como cada ano o Día da Educación Física na Rúa promovido polo COLEF de Galicia. A idea da conmemoración desta data é dar a coñecer a importancia da actividade física diaria e a promoción da saúde na escola a través das diferentes sesións da área de Educación Física. Con este obxectivo propuxéronse diferentes actividades en diferentes rúas do concello de Cuntis.

O alumnado de Educación Infantil realizou un percorrido de habilidades motores na Rúa Xosé María Lastra.

O alumnado do 1º ciclo de Educación Primaria combinou o traballo de habilidades motoras básicas e actividades con paracaídas.

O alumnado do 2º ciclo de Educación Primaria xogou ao Twincon na praza da Constitución.

O alumnado do 3º ciclo de Educación Primaria xogou ao Datchball no 3x3 situado na zona do Espadenal.

Aquí tedes unha mostra das actividades realizadas.

Álbum: Curso 23-24 -> DÍA DA EF NA RÚA

Teatro Educación Infantil: Pingüín

Xov, 2024-04-18 08:22 — secretaria

O martes 16 de Abril o alumnado de Educación fixo unha saída a Pontevedra onde foron ao Teatro de A Fundación e viron a obra de teatro Pingüín.

Aquí vos deixamos unha pequena mostra desta saída.

Álbum: Curso 23-24 -> Pingüín (Teatro A Fundación)

Excursión 4º ESO

Mér, 2024-04-17 12:47 — secretaria

Por fin chegou! O destino soñado, a viaxe prometida, as/os compañeiras/os de toda a vida e moitas ganas de exprimir ao máximo a fin dunha etapa. Demasiadas emocións xuntas como para pegar ollo pero as olleiras merecían a pena. E tanto que o mereceron! O pasado 8 de abril aterrizamos en Palma de Mallorca e o bo tempo prometía aventuras irrepetibles: chapuzóns furtivos, mosquitos asasinos, bailes eufóricos, GPS mentireiros, fotos arriscadas e sonecas desubicadas. Ademáis das mil e unha anécdotas que vivimos, tamén visitamos lugares cheos de maxia: as covas do Drach, o castelo de Pera, a catedral de Palma, a praia do Muro, o pobo de Valldemosa, o porto de Sóller, o mirador de Alcudia... Logo de 5 días cheos de aventuras, o venres collemos rumbo á terriña coas maletas a medio cerrar, moitos agasallos por repartir e milleiros de historias que compartir.

Álbum: Curso 23-24 -> Excursión 4º ESO

Canguro matemático

Mér, 2024-04-03 08:56 — secretaria
O pasado xoves 21 de marzo celebrouse o Canguro Matemático, concurso matemático organizado pola Federación Española de Profesores de Matemáticas (FESPM) e dirixido a todo o alumnado de secundaria. Con el preténdese que a xornada dedicada ás probas sexa unha xornada entretida e lúdica e desta forma potenciar o gusto polas matemáticas facendo que o alumnado perda o medo a todo o relacionado con esta materia.
 

Varios alumnos e alumnas de todos os cursos de ESO do noso centro participaron nesta proba. Ademais de disfrutar da xornada e resolver unha serie de retos recibiron un pequeno agasallo e están á espera do diploma de participación e dos resultados. SORTE PARA TODOS E TODAS!

Álbum: Curso 23-24 -> Canguro matemático

Xogos de Cooperación e xogos de sempre. (Centro de día V)

Mér, 2024-04-03 08:52 — secretaria

Como cada mes, este pasado marzo os usuarios e usuarias do centro de día achegáronse ao noso centro para realizar actividades cos distintos cursos. Nesta ocasión tocoulles ao alumnado de 6º de educación Primaria.
A actividade consistía en realizar un traballo conxunto para acadar a meta do xogo con grupos mixtos de maiores e crianzas. Todos pasaron un bo rato disfrutando cos distintos xogos.

Álbum: Curso 23-24 -> Xogos de Cooperación. Xogos de sempre (Centro de día V)

Encontros de clubs de lectura

Mar, 2024-03-12 11:14 — secretaria

Este luns 11 de marzo, boa parte das integrantes dos Clubs de lectura (e escritura) do centro participou nunha saída ao Salón do Libro Infantil e Xuvenil de Pontevedra. 
Por unha parte, participamos no Encontro de Clubs de Lectura que organiza o Salón, xunto con centros de Pontevedra e Poio. Puidemos escoitar ao poeta Lois Pérez, presentamos as nosas lecturas e actividades, coñecemos o traballo dos outros Clubs e participamos nun concurso en que gañamos libros para a nosa biblio. 
Ademais, despois de xantar, no Salón tiveron a ben abrir a exposición un pouco antes da hora para que nós poidesemos facer a visita e ver a nosa colaboración: o kamishibai elaborado polo alumnado do Club de EP. 
Aínda tivemos tempo para dar un paseo pola Illa das Esculturas.

Álbum: Curso 23-24 -> Encontro Clubs de Lectura

8 M:Traballo no que me presta (Quero ser...)

Lun, 2024-03-11 09:15 — secretaria

Como este ano andamos a voltas co que queremos ser, para o 8M propuxémonos, desde as titorías, reflexionar sobre se hai profesións de homes e profesións de mulleres. E pensamos en mulleres da nosa contorna (familia, amizades, veciñanza) que traballen en espazos tradicionalmente masculinizados. 
Con todas elas creamos esta Exposición: TRABALLO NO QUE ME PRESTA, porque as queremos de referentes para sermos o que queiramos ser, sen prexuízos de xénrero. 
A exposición dá a benvida na entrada da escola e andará estes días tamén polos comercios de Cuntis. 
Agradecemos a todas as mulleres participantes a súa colaboración.

Álbum: Curso 23-24 -> 8M- O traballo que me presta
Distribuir contido


by Dr. Radut