CPI Aurelio Marcelino Rey García |

RUBGI NA ESCOLA

Mér, 2019-03-27 08:48 — secretaria

O martes 12 e mércores 13, o alumnado de 6º, 5º e 1º da ESO participou na actividade "Rugbi na escola" impartida por un técnico da Federación Galega de Rugbi.

OS BOLECHAS E OS ELECTRECOS

Ven, 2019-03-08 06:10 — secretaria

O xoves pasado visitaron o centro os bolechas, que nos amosaron como reciclar diferentes aparatos eléctricos e electrónicos. A esta actividade asistiu o alumnado de 2º de Educación Primaria.

Abaixo vos deixamos unha pequena mostra da actividade.

O día 7 de Marzo, e polo gallo da celebración do Día Internacional da muller, o alumnado de 3º, 4º, 5º e 6º de Educación Primaria e o alumnado de ESO asistiron a unha charla dunha deportista olímpica, ca que tivemos a sorte de contar entre o cadro docente, chamada Vanesa Ríal.

Vanesa contounos toda a súa experiencia vital e a súa relación co deporte en xeral e co rugbi en particular.

Abaixo vos deixamos unha pequena mostra da actividade.

Moitas grazas, Vanesa!

CELEBRACIÓN DO ENTROIDO

Ven, 2019-03-08 06:02 — secretaria

O venres 1 de marzo celebramos o entroido no CPI.

En primeiro lugar, desfilamos polas rúas de Cuntis e máis tarde, na praza das árbores, cantamos unhas regueifas, alumnado e profesorado, e un cantar de cegas, onde tratamos diversos temas. Abaixo podedes ver unha mostra desta actividade e fai CLICK AQUÍ para acceder a todas as fotos dispoñibles desta celebración.

Máis tarde no centro, degustamos os doces típicos desta época do ano aportados polas familias.

Logo o alumnado de ESO dirixiuse a realizar o concurso de disfraces e bailes.

1º da ESO A	2º da ESO A	3º da ESO
1º da ESO B	2º da ESO B	4º da ESO

O alumnado de Educación Primaria e Educación Infantil tiveron festa no patio.

3 adxuntos

MENÚ DE MARZO

Lun, 2019-03-04 12:59 — secretaria

A continuación publicamos os menús e dietas do comedor do mes de marzo.

8 adxuntos

OFERTA DE VACANTES PARA O CURSO 2019-2020

Sáb, 2019-03-02 07:06 — secretaria

Podedes consultar a oferta de vacantes para o curso 2019-2020 premendo na imaxe de abaixo.

1 adxunto

ENTROIDO NO CPI

Sáb, 2019-02-23 06:35 — secretaria

Este venres día 1 de Marzo, sempre que o tempo o permita, imos celebrar o Entroido no corazón de Cuntis.

Está previsto desfilar polas rúas da vila e despois facer unha demostración de regueifas na praza das árbores, xa que este ano traballamos como tema transversal de centro: "A tradición oral: De boca a orella". Os disfraces tamén terán relación co tema transversal.

Unha vez rematada as regueifas nos dirixiremos ao cole a degustar doces típicos destas datas e remataremos a xornada cunha festa no patio e cun concurso de bailes e disfraces, no que participará o alumnado de ESO.

Nesta xornada contamos coa colaboración do concello de Cuntis e da A.N.P.A "O Baño".

Podedes consultar os horarios premendo na imaxe.

1 adxunto

PREPARANDO O ENTROIDO (OBRADOIRO DE FAMILIAS)

Xov, 2019-02-21 11:32 — secretaria

Este pasado martes 19 de Febreiro, algunhas familias do alumnado de Educación Infantil participaron nun obradoiro de confección do disfraz de Entroido.

Agradecemos de xeito moi especial a participación destas familias no obradoiro.

Aquí vos deixamos unha pequena mostra desta actividade.

SAÍDA AO GROVE: "O SABOR DA AVENTURA ESTÁ NO MAR"

Mar, 2019-02-19 13:52 — secretaria

O venres 15 de Febreiro o alumnado de 5º e 6º de Educación Infantil participaron nuha saída a O Grove.

Esta saída estaba enmarcada dentro do plan Proxecta "Aliméntate ben", do que son participes o alumnado destes niveis. Na saída visitaron a lonxa, o mercado e por último degustaron unha merenda "mariñeira" que tiña como base os produtos do mar.

Abaixo vos deixamos unha pequena mostra desta actividade.