REITERAMOS OS NOSOS PARABÉNS AO GRUPO DE RAPAZAS DE 3º ESO, "LAS CAMBIACONCIENCIAS" FORMADO POR Laura Pita, Sara Martínez e Judith Rouco de 3º ESO, GAÑADORAS NA FASE AUTONÓMICA DO CONCURSO DA ONCE QUE PASAN DIRECTAMENTE Á FASE NACIONAL NA CATEGORÍA D.

Damos os nosos parabéns ao grupo "LAS CAMBIACONCIENCIAS" (Laura Pita, Sara Martínez e Judith Rouco de 3º ESO) que resultou gañador da fase provincial do Concurso Escolar da ONCE na categoría D, baixo o lema "A cápsula do tempo: a aventura de construir o futuro"os nosos alumno/as imaxinaron como sería a sociedade do mañá en relación á dispacidade e a igualdade de oportunidades..Pasan directamente á fase autonómica e lles desexamos o mellor. Xa por este premio recibirán unha webcam.Adxunto reseña da noticia nos xornais:  Aquí podedes velo vídeo gañador: 

O pasado  sábado día 6 de abril participou a nosa lumna e vosa compañeira Fátima no concurso CANTAFERROL, organizado polo concello de Ferrol para premiar á mellor voz de todos os institutos da comarca.

Foi seleccionada  entre as 30 mellores dun total de setenta e dous participantes, pero finalmente no poido estar entre os quince finalistas.

Dende aquí queremos destacar o seu mérito por participar e animala porque ten unha bonita voz.

Podemos vela co xurado  do Concurso (participantes do concurso "La Voz" de TV5).

O pasado día 2 de abril comezou por 4º ano consecutivo o noso concurso estrela organizado pola coordinadora do EDL, Yolanda Castro.Cada semana, os martes, preséntanse 4 cuestións que poden ser preguntas, adiviñas, un xogo...para resolver e depositar antes do luns seguinte na furna que estará colocada no corredor, e xunto ao listado de equipos participantes e as correspondentes puntuacións.

Podedes ver toda a información no blog do EDL "Tes moita lingua"  no seguinte enderezo:

http://tesmoitalingua.blogspot.com.es/p/pregunton-2013.html

ÁNIMO A TODOS E TODAS E GRAZAS POLA VOSA PARTICIPACIÓN.

O EDL organizou un "Obradoiro de iniciación ao canto e o baile” impartido por Emilio Mesías.  Mediante o baile os alumnos tomaron consciencia do espazo e das partes do seu corpo ademais de traballar e aprender cancións infantís con rítmicas sinxelas acompañadas de bailes, movementos e xogos.
Damos as grazas a Emilio pola desinteresada na  realización deste obradoiro.

Aquí tedes un pequeno vídeo do que foi a actividade:  

Traballo realizado sobre o obradoiro pola nosa Dinamizadora: Yolanda Castro López:

Coincidindo co Día de Rosalía e coa celebración do 150º aniversario da publicación de Cantares Gallegos o alumnado de infantil 5 anos presentouse ao concurso Imaxina Cantares!, organizado pola Secretaría Xeral de Política Lingüística. Este concurso ten como obxectivo que os máis novos poidan gozar da obra rosaliana a través de producións en soporte audiovisual. Con esta iniciativa, o significado dos versos de Cantares Gallegos reinterpretanse nas formas de expresión máis atractivas para os alumnos e alumnas de hoxe, sempre sen perder a esencia que os consagrou como universais. Así, os pequerrechos de infantil de 5 anos dirixidos polas súas profesoras, realizaron un mural sobre Rosalía e recitaron de forma explendida os seus poemas.
Aquí tedes o fermoso resultado de tan bo traballo. 
En hora boa aos pequerrechos e a súa profe. 

Podedes consultar toda a información sobre os Campamentos de Verán organizados pola Xunta de Galicia para rapaces de 9 a 17 anos, no seguinte enlace:http://xuventude.xunta.es/accion-de-veran.html

O xoves, 21 de marzo, realizáronse no noso centro as probas do "XX Concurso Canguro Matemático 2013".

Na presente edición participaron 25 alumnos/as de tódos os niveis de secundaria.

As probas realizáronse dende as 16:15h ata as 17:30h. Durante este tempo o alumnado tivo que facer fronte a 30 preguntas en grao crecente de dificultade.

As probas foron diferentes segundo o nivel ao que pertenza o alumnado.

¡¡¡¡¡MOITA SORTE A TOD@S OS PARTICIPANTES E MOITAS GRAZAS POLO VOSO INTERESE!!!!

O alumnado de 6º de E.P. foi de excursión o pasado día 20 de marzo na que poideron visitar:

1. A Aula da Natureza de Brañas de Valga en Mesía, onde realizaron unha visita guiada cunha monitora moi agradable, Bea. (pola mañá)

2. Visita da Catedral e do Museo do Pobo Galego en Santiago (pola tarde).

Pasaron un día moi divertido.

Podedes visualizar a viaxe na seguinte presentación:

Publícase no DOG do 18 de marzo de 2013 a Orde pola que se convocan axudas para a realización de actividades de formación en linguas estranxeiras no ano 2013, destinadas ao alumnado dos centros docentes sostidos con fondos públicos, en réxime de concorrencia competitiva. O prazo de presentación de solicitudes comeza o día 23 de marzo e remata o día 22 de abril. A información sobre este programa, así como a aplicación "en liña" que se refire na convocatoria, atoparase na páxina web: http://www.edu.xunta.es/axudasle.

O alumnado de 5º de E.P. foi o pasado día 13 de marzo á Coruña e pasouno moi ben.

Xa de camiño na autoestrada vimos un pouco de neve, pero logo tivemos un día moi bo.

No centro cultural ÁGORA escoitamos un concerto didáctico:AS FORMAS DO NOSO FOLCLORE a cargo da Banda Municipal de Coruña.

Logo xantamos e visitamos a Domus.

Pola tarde fomos a Casa das Ciencias ,onde estivemos nunha sesión no PLANETARIO e aprendemos o nome dalgunhas estrelas e constelacións. Gustounos moito.

Déixovos una presentación da viaxe: