O Día 22 de marzo celébrase o "Día Mundial do Control da Calidade da Auga". O curso pasado 20 alumnos de 3º ESO participaron co profesor de física e química, Jorge Gutierrez Maroto.

A información da memoria de actividades realizadas no 2012 pódense visualizar no seguinte enlace:

http://www.dmcca.es/documentum/publicaciones/MEMORIA2012.pdf

O mapa de participantes no 2012 tamén pódese visualizar no seguinte enlace (picade na Coruña e aparece unha ventá do control da auga de Fontelide):

http://dmcca.es/mapa2012grande.html

O vindeiro 22 de marzo tamén vai participar ó alumnado de 4º de ESo co profesor de física e química.

Bo traballo.

O pasado 8 de febreiro tivo lugar a celebración do Entroido e como sempre contamos coa colaboración da ANPA e do Concello. Dende aquí agradecerches a súa desinteresada participación.

O Departamento de Matemáticas realiza a entrega dos premios do concurso " II Semana Problemática" hoxe 15 de febreiro no 2º recreo da ESO.

Agradecer a participación do alumnado que traballou e esforzouse na resolución de cada problema exposto cada día nos seus taboleiros.

Ánimo e a seguir participando.

Hoxe 15 de febreiro, dan inicio, no Pazo de Mariñán en Bergondo, os debates do Parlamento Xove 2013 que continuarán ata mañá, 16 de febreiro, logo dunha extensa etapa de formación iniciada o pasado outubro.

Trátase dunha competición de debate organizada pola Dirección Xeral da Xuventude e do Voluntariado, na que os equipos representantes de centros educativos de toda Galicia empregan a oratoria para defender un determinado posicionamento acerca dun tema proposto pola organización.

Este ano, a temática elixida é “o consumo responsable” na xuventude e os debates preliminares xirarán en torno á seguinte pregunta: “ESTÁ A SERVIR A CRISE ECONÓMICA GLOBAL PARA QUE A XUVENTUDE TOME CONCIENCIA DUN CONSUMO RESPONSABLE?”.

A dificultade da actividade está en que tan só cinco minutos antes de cada encontro dialéctico se dá a coñecer se lles corresponde responder “a favor” ou “en contra” á cuestión formulada pola organización.

Tódolos equipos (formados por un máximo de catro alumnos e un profesor) investigaron durante os pasados meses e agora contrapoñen as súas ideas e datos; dende un punto de vista educativo, traballan tódalas competencias lingüisticas (comprensión e expresión escrita e oral) ao incluirse un premio especial de artigos e outro de dossieres de investigación.

Noso centro estará representado por un grupo de 4 alumnos: Roberto Rivas Couce, Marina García Canedo e Laura Ordóñez López de 4º ESO con Clara Morado Morgado de 3º ESO coordinados polo profesor Xoan Barrio Saa de L. Galega.

Desexámoslles un grande éxito e nosos parabéns polo traballo xa realizado. Adxuntamos fotografía de 3 dos 5 participantes.

A derradeira semana de xaneiro, celebrouse no noso centro o Día da Paz e da non violencia, realizándose varias actividades entre as que queremos destacar:

• A lectura dun conto por parte de todos os alumnos de 6º de E.P." A pomba dona Paz" .Información que pode visualizarse no blog da nosa Biblioteca: http://carabeladeares.blogspot.com.es/

• Un conto que os rapaces e rapazas de 2º ESO B xunto cos de 4º ESO de plástica e música, lles contaron aos pequerrechos de infantil. “O nacemento do dragón”. Información que pode visualizarse no blog de Dinamización Lingüística: http://tesmoitalingua.blogspot.com.es/

  Agradecer o traballo do profesorado e do alumnado que sempre está disposto a colaborar activamente na realiización das actividades propostas.

O vindeiro venres, 8 de febreiro, celebraremos no CPI a festa do Entroido .

• En INFANTIL E PRIMARIA

A festa comezará cun pasarrúas pola vila.

Saíremos do colexio aproximadamente ás 10:30h. continuando por:

• Avenida de Mugardos

• Real

• Praza da igrexa

• Saavedra Meneses.

  A continuación os nenos/as de Infantil regresarán ao colexio e os de Primaria continuarán polas rúas.

  No caso de que chovera suspenderíase o pasarrúas pola vila e o desfile faríase na pista do colexio (11:00h) ao que poderían asistir as familias.

  As 12:15h., xa no colexio, os nenos/as degustarán doces típicos do Entroido grazas a ANPA e ao colexio. Todos os alumnos/as recibirán un paquete de caramelos doados polo Concello.

• En SECUNDARIA

  Haberá clase ata as 11:00h. e a continuación disfrazaranse.

  Ás 11:15h. irán cara o pavillón para realizar as Coreografías.

• SAÍDA

A saída será á 13:30h. (ás 13:25h en infantil). Non haberá comedor.

A Dirección do CPI Conde de Fenosa, adxunta o enderezo da Consellería de Educación onde podedes consultar o regulamento de admisión de alumnado para o vindeiro curso 2013-2104.

http://www.edu.xunta.es/web/node/8858

INSTRUCIÓNS E DOCUMENTACIÓN

• A solicitude (a disposición no centro ou no enderezo anterior da páxina da consellería), deberá ser asinada pola, nai, pai ou representantes legais do alumnado. No caso de separación ou divorcio, polos 2 proxenitores, agás que teña un só a patria potestad con carácter exclusivo mediante resolución xudicial e entregada no centro xunto coa seguinte documentación no prazo establecido.
• A documentación requirida é:

• Volante ou certificado de empadroamento do Concello.
• Fotocopia dos DNIs do alumno (se o ten), da nai, pai (ou titores legais).
• Fotocopia de todas as follas do libro de familia onde conste algunha inscrición.
• Fotocopia da cartilla da Seguridade Social.
• Dúas fotografías de tamaño carné.
• En caso de separación ou divorcio dos proxenitores, sentenza ou convenio regulador,
• En caso de discapacidade física, psíquica ou sensorial, de sobredotación intelectual ou trastornos graves de conduta, documentación das cirscunstancias alegadadas.
• En caso de traslado de centro, certificación de matrícula no centro anterior.

• NOTA: Se nalgún nivel houbese máis solicitudes que prazas ofertadas, reclamarase aos solicitantes a documentación necesaria para baremar as solicitudes.

VACANTES PARA O CURSO 2013-2014

O pasado día 18 de xaneiro tivo lugar no noso centro unha videoconferencia coa Antártida co alumnado de 6ª E.P. e 1º e 2º ESO. Esta videoconferencia é a segunda que ten lugar no noso centro (a primeira  o pasado curso ) cuxo obxectivo e dar a coñecer ao noso alumnado o Proxecto Actiquim sobre investigacións científicas dos ecosistemas mariños do continente antártico, exactamente na base española da Illa Decepción onde atópase un investigador de Ares, Francisco Javier Cristobo Rodríguez (Director do Centro Oceanográfico de Gijón) ao que queremos transmitirlle o noso agradecemento pola súa consideración e mostra de amabilidade así como a súa información do proxecto. Tamén queremos agradecer ao persoal do Exército de Terra da Base Antártica Española "Gabriel del Castillo"que colaborou de forma desinteresada para que esta videoconferencia tivera lugar.

O noso alumnado recibiu previamente esa información, preparada pola nosa profesora Yolanda Castro, o profesorado de ciencias naturais, titores de grupo e, prácticamente toda a hora, estiveron facendo preguntas aos científicos e así desde a  base só adicáronse a contestalas, por certo, moi ben e con moita empatía cara aos rapaces.

PODEDES VISUALIZAR TODA A VIDEOCONFERENCIA NA PÁXINA DE DINAMIZACIÓN LINGÜÍSTICA:

http://tesmoitalingua.blogspot.com.es/

A Dirección do CPI Conde de Fenosa, felicita ao profesorado implicado na presentación do  proxecto :  " Elaboración na ESO dunha guía visual bilingüe do medio intermareal e fluvial con aplicación para dispositivos móbiles: tablets e smartphones" (Jorge Gutierrez Maroto, Luisa Corredoira Gómez e Pilar Molina); que resultou seleccionado por EducaBarrié na convocatoria de proxectos educativos 2012-2013 . 

O obxectivo deste proxecto é promover a investigación directa da natureza que nos rodea e o emprego de novas tecnoloxías no alumnado da ESO dende as áreas de física e química, ciencias da natureza, lingua galega e lingua inglesa, para así elaborar unha guía visual, impresa en papel  que recollerá a información do medio ambiente da contorna do noso centro, e poderase trasladar toda a información a través de dispositivos móbiles (smartphones, tablets e portátiles..) grazas ás aplicacións de lectores QR.

Educabarrié é o espazo de encontro e intercambio de coñecemento dirixido á Comunidade Educativa da Fundación Barrié.

Este proxecto de centro  levarase a cabo durante este curso escolar  grazas a subvención de Educabarrié .

Máis información na web: www.educabarrie.org

ÁNIMO e grazas polo voso traballo e esforzo.

O Departamento de Matemáticas organiza o Concurso "II SEMANA PROBLEMÁTICA" para todo o alumnado de ESO, dende o 28 de xaneiro ata o 1 de febreiro.

Como no pasado curso escolar o concurso consiste:

• Resolver un problema matemático cada día, que aparecerán no taboeiro das aulas do alumnado a 1ª hora da mañá e deberán resolvelo na mesma mañá depositando o resultado na urna que estará na Entrada do centro.
• Depositareis co resultado o Título do problema, o nome e apelidosm curso e grupo do alumno.
• Só a resposta do problema dese día.
• As solucións aos problemas publicaranse ao día seguinte.
• Os premios : Cada día haberá un premio para o gañador/a e o seu nome será publicado á semana seguinte dsa finalización do concurso. Se hai más dun gañador sortearase o premio entre eles.

ANÍMATE E PARTICIPA