A Dirección do CPI As Mirandas felicita a CLARA MAGARIÑOS SAAVEDRA, alumna de 6º de EP por ser a gañadora do "Concurso de Contos Ondas de Ilusións 2016-2017".

O premio é o disfrute de toda a súa clase(16 compañeiros)  e o profesor, Luis Casás, dunha xornada en Kayak e Medioambiente nas Fragas do Eume o venres 16 de xuño.

Toda a información sobre o ben que o pasaron ese día no seguinte enlace:

•  DÍA 16 DE XUÑO-FRAGAS DO EUME

Parabéns a toda a clase porque sabemos que dos 42 contos presentados, 3 desta clase estaban nos 8 primeiros!

Desexamos que disfruten dunha excelente xornada na que a inmersión nas Fragas do Eume sexa moi emotiva, pracenteira e gratificante.

BASES DO CONCURSO

Hoxe  14 de xuño, queremos festexar o DÍA NACIONAL DAS LINGUAS DE SIGNOS ESPAÑOLAS (LSE) e amosar a presenza normalizada da LSE no ámbito educativo, en todos os niveis. Nel participan alumnado xordo e ouvinte, profesorado, intérpretes e mediadores comunicativos que forman parte dos centros educativos de Galicia.

E con motivo do Día Nacional das Linguas de Signos Españolas, no noso cole participamos no concurso "Cantamos con las manos" convocado pola Federación de Asociacións de Persoas Xordas de Galiza (FAXPG).

Grazas a Luísa Lombardero, a nosa intérprete de signos, porque sen ela isto non sería posible.

Este foi o resultado, esperamos que vos guste!!!  E gañamos

O vídeo que o noso cole presentou ao I Concurso  "Cantamos con las manos"convocado pola Federación de Asociacións de Persoas Xordas de Galiza (FAXPG) quedou gañador do mesmo xunto aos centros de Cambre e Guntín. Parabens a todos e todas e en especial á nosa infatigable Luísa Lombardero por ser a alma mater deste proxecto. 

O Departamento de Orientación recomenda a lectura dos seguintes arquivos ao profesorado de secundaria:

• GUÍA BÁSICA SOBRE ASPERGER

• ASPERGER EN SECUNDARIA

• ESTRATEXIAS QUE FUNCIONAN. BRENDA SMITH

• GUÍA ALTAS CAPACIDADES

• TRANSICIÓN DE PRIMARIA A SECUNDARIA

FIN DE SEMANA EN TUI!!!!!

AGAPEMA (Asociación Galega do Profesorado de Educación Matemática) e a APM (Asociación do Profesorado de Matemáticas de Portugal) convocaron a terceira edición de “Matemáticas na Raia”, un concurso de resolución de problemas dirixido ao alumnado de 3º da ESO (9º ano en Portugal) no que o noso alumnado de Matemáticas Académicas de 3ºB participou o 20 de abril. Trátase dun concurso que fomenta o traballo colaborativo, pois os grupos equipos son grupos-clase completos.

Os rapaces fixérono de fábula, e claro, o esforzo trouxo a súa recompensa porque foron os gañadores dos equipos galegos que participaron. E alá nos fomos o 27 de maio a disfrutar do premio:  "Unha fin de semana en Tui" con todos os gastos pagos, onde tiveron (e tivemos, xa que grazas a eles as profes tamén os acompañaron) un “Encontro Matemático” xunto ao equipo gañador de Portugal: xogos entre o alumnado de Galicia e Portugal, actividades para “romper o xeo” (coñecer o máximo número de compañeiros do equipo portugués), formación de equipos mixtos para as probas do fin de semana (equipos con nomes moi familiares: Euclides, Pitágoras, Sofía Kovalevskaya…), roteiro matemático con probas por equipos, visita turística a Valença, actuación dun mago, descenso do Miño en kayak, máis xogos matemáticos de estratexia por equipos,... Non paramos nin un minuto e pasámolo moi ben (sí rapaces, as mates tamén son divertidas...que volo diga 3ºB) e para mostra aquí tedes un pequeno documento gráfico. A ver se nos vemos o ano que ven en Portugal...oxalá!

Con motivo de levar a cabo unha avaliación do proxecto "Dende Ares cara ao mundo" e do traballo por proxectos, en xeral, solicitamos do alumnado e das familias que cubran as seguintes enquisas.

• ENQUISA PARA O ALUMNADO

• ENQUISA PARA AS FAMILIAS

Moitas grazas pola vosa colaboración!!

O traballo colaborativo, cooperativo e por proxectos é unha nova metodoloxía que consideramos favorece a aprendizaxe do alumnado. A participación da familia tamén é moi importante e fundamental, o cal redunda nunha mellora da convivencia e o alumnado síntese o verdadeiro impulsor e protagonista da súa aprendizaxe.

Achégase o gran día, a punto de conseguir o gran reto:

REPRESENTAR UNHA ÓPERA ORIXINAL CREADA POR TODOS ELES!

Durante este ano,formaron as súas compañías e se convirtiron en distintos profesionais das artes escénicas: maquillador@s e encargad@s de vestiario, escenógraf@s e iluminador@s, relacións públicas e documentalistas, intérpretes, compositor@s e dirección de producción e posta en escena ademáis colaborarán coa iniciativa solidaria de #UnaCuraparaAdri. Non o perdas!

Podedes ver outras publicacións como nas notas de prensa da Xunta de Galicia:

No DOG do día 2 de maio de 2018 pubícase a Orde do 9 de maio de 2018 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2018/19.

O prazo de solicitude remata o día 22 de xuño para todo o alumnado (aínda que hai alumnado da ESO que se vaia matricular en setembro ten que solictar os libros e/ou material neste prazo).  Non se recollerán solicitudes fóra de prazo.

INFORMACIÓN RESUMIDA DO CENTRO

Máis información na páxina da Consellería no seguinte enlace:

INFORMACIÓN

No presente curso 2016/2017 dentro do Plan de Formación Permanente do Profesorado dando continuidade á formación do curso pasado “O traballo por proxectos” decidimos pór en práctica a elaboración dun proxecto de centro que parta da biblioteca escolar, e ao que denominamos: “Dende Ares cara ao mundo”.

O obxectivo principal foi elaborar un proxecto de centro conxunto e integralo no currículum, para levar a cabo isto recibimos formación sobre o traballo por proxectos e a súa avaliación.

A idea consiste que, dende a Biblioteca do centro, repartirase una Caixa informativa sobre cada país como punto de partida para o proxecto; país elixido por cada curso/nivel educativo, ben por ter alumnado dese país ou por afinidade.

Trataríase de aplicar a formación recibida o curso pasado, reflectir por escrito os elementos do currículum que se van traballar (estándares, competencias, contidos,…) e elaborar e aplicar métodos de avaliación.

Os países elixidos foron: Antártida, Brasil, Marrocos, China, Reino Unido, Australia, Portugal, Ucraína, Xapón, aínda que despois engadíronse algún máis como Italia e Holanda ( época renacentista), Perú, Suecia e EEUU (representación musical da ESO) que se traballaron ao longo do curso integrándoos no proxecto final.

Ao final de curso, e como produto final, pesamos levar a cabo unha feira:IFeira Dende Ares cara ao mundo.

A feira levouse a cabo o luns, 15 de maio de 2017, tal como estaba previsto e como se pode ver no seguinte vídeo:

Foi un traballo colaborativo no que participaron o alumnado, profesorado e o persoal non docente, e aberto ao público, en xeral, pola tarde. O alumnado de infantil e primaria que traballaron durante o curso todo o relativo a un país determinado fóron os que estiveron na Feira ensinando, amosando o seu traballo con tanta ledicia que foi para eles unha aventura impresionante, e para as familias, profesores e persoal non docente un orgullo de ver tanto talento. Tamén disfrutaron dos coñecementos expostos nos diferentes stands e das actividades realizadas neles. Foi un día, unha feira realmente impresionante en canto a aprendizaxe e o disfrute xeral.

Dende a Dirección queremos agradecer:

• O excelente traballo realizado polo profesorado e persoal non docente do centro así como deste gran alumnado que temos, eles o merecen, son os verdadeiros protagonistas do evento.
• Á Concellería de Turismo de Ares e á Anpa do centro por subvencionar a cubrición da pista do pavillón para poder realizar aí a feira.
• As mostras de cariño recibidas polas familias que se achegaron, tanto á feira como persoalmente ao profesorado e á Dirección!
• A todos os participantes  pola colaboración con #UnhacuraparaAdri, no que se recadaron 601,97 euros (ingresados no banco)

• Ao CFR de Ferrol por animarmos neste proxecto .

• E cómo non, a Javier Cristobo que sempre está disposto a participar e colaborar co que se lle demanda en canto os seus amplos coñecementos sobre a Antártida.

PARABÉNS POR ESE DÍA QUE QUEDARÁ MARCADO NAS NOSAS E VOSAS MENTES!

O alumnado co CPI As Mirandas participou, o pasado día 11 de maio, na gravación nos

asteleiros de Navantia da canción "Chea de vida" da intérprete cedeiresa, Guadi Galego, 

contando coa súa presenza e baixo a dirección de Ramón Bermejo.

Das tres gravacións realizadas neste simbólico espazo, a canción foi tamén

interpretada de forma simultánea en língua de signos por un grupo de

escolares do noso centro, saiu este  vídeo que nos impulsa á celebración do Día das Letras Galegas.

 Dende a Dirección queremos dar os PARABÉNS A TODOS OS ORGANIZADORES(CFR Ferrol) E

ESPECIALMENTE, AOS PARTICIPANTES QUE, GRAZAS AO SEU ESFORZO E

EXCELENTE TRABALLO , OFRECERANNOS UN VIDEOCLIP CHEO DE VIDA.

Esta experiencia contou cun gran número de alumnado (1055) pertencentes aos colexios A

Laxe,Pazos, Isaac Peral e Plurilingüe Jesús Maestro (os catro de Ferrol), Nicolás del Río de

Cedeira, Plurilingüe de Andrade (Pontedeume), San Isidro de Neda, Santiago Apóstolo  

(Mugardos), As Mirandas (156 Ares) e San Sadurniño e os IES Canido e Saturnino Montojo de

Ferrol, Ortigueira, Terra de Trasancos (Narón), Mugardos, Alfonso X O Sabio de Cambre e o

IES Monelos da Coruña.

(Imaxe-reportaxe do Diario de Ferrol-12 de maio de 2017) 

 Imaxe publicada por Guadi Galego nas redes sociais

A gravación, moi ben organizada polo Centro de Formación e Recursos de Ferrol,

dirixido por Manuel Losada coa colaboración,entre outros, do noso asesor José A.

Sordo, xurdiu a raíz do desenvolvemento dun curso de formación do profesorado

sobre os coros como actividade integradora para o alumnado. Resultou moi

emotiva, todo un éxito, permitiu crear un espazo de convivencia e unha 

experiencia inolvidable para todos os participantes.

O obxectivo deste acto é resaltar a música galega estimulando a creación de coros

escolares nos centros educativos. Segundo cita Guadi Galego no Dirario de Ferrol:

“ moi necesaria tendo en conta como está o tema das artes na educación”. Salientou

tamén o acto como un apoio a un sector, o do naval, ao que probablemente estarán

vinculados  familiares de moitos dos rapaces que onte, e por unhas horas, encheron 

de vida a factoría ferrolá. “

 Mentras non chega o día, podedes ver diferentes gravacións do evento nos  seguintes

enlaces:

  ;

ENSAIOS PREVIOS NO NOSO CENTRO COA DIRECCIÓN DE RAMÓN BERMEJO

O día 9 de maio o alumnado de primaria e terceiro e cuarto da ESO reuníronse, baixo a  dirección de

Ramón Bemejo, para ensaiar a canción "Chea de vida". O resultado podedes atopalo no seguinte vídeo (próximamente):

Máis información do eventos nos seguintes enlaces:

Xentileza de Marcos Filgueira Gomis

http://www.gabit.org/gabit/

Publicado por Guadi: 

• https://www.facebook.com/guadi.galego/posts/10208820433330727

 Xornais:

•  http://www.diariodeferrol.com/articulo/ferrol/uns-1000-alumnos-cantaran-guadi-galego-no-estaleiro-navantia/20170506003206188732.html
• http://www.diariodeferrol.com/articulo/ferrol/navantia-abre-hoy-puertas-coro-mil-alumnos-actividad-cfr-ferrol/20170510224508189209.html

• http://www.diariodeferrol.com/articulo/ferrol/reportaxe-mil-voces-unidas-cheas-vida/20170511221439189290.html
• http://www.diariodearousa.com/media/diariodearousa/kiosko/2017/05/12/20170512002247-22.pdf

• http://www.lavozdegalicia.es/noticia/ferrol/ferrol/2017/05/11/mil-alumnos-cantan-junto-guadi-galego-navantia/0003_201705F11C11992.htm

• http://galego.lavozdegalicia.es/video/ferrol/ferrol/2017/05/11/mil-ninos-cantan-coro-navantia/0031_2017055430094394001.htm

• http://www.galiciaartabradigital.com/archivos/157250

• https://www.ferrol360.es/guadi-galego-se-unira-en-navantia-ferrol-a-un-coro-de-1-000-estudiantes-por-las-letras-galegas/

• https://www.ferrol360.es/emocion-en-los-talleres-de-navantia-con-la-actuacion-de-guadi-galego-y-mas-de-mil-estudiantes/

• http://www.elcorreogallego.es/fotos/ecg/alumnos-ferrolterra-interpretan-nun-taller-navantia-chea-vida-guadi-galego/idGaleria-10107/idImagen-1/
• http://www.elcorreogallego.es/galicia/ecg/no-corazon-musical-do-naval/idEdicion-2017-05-12/idNoticia-1054935/

• https://www.cultura.gal/es/nova/32192

• https://www.xunta.gal/notas-de-prensa/-/nova/21048/ovidio-rodeiro-asistiu-gravacion-video-das-letras-galegas-que-participaron-mais

Televisións:

• http://www.crtvg.es/informativos/mil-escolares-ferrolans-gravan-en-navantia-un-video-musical-para-celebrar-as-letras-galegas-2943374

• http://www.crtvg.es/informativos/voces-escolares-inundan-navantia-para-celebrar-as-letras-galegas

Centros:

• https://www.edu.xunta.gal/centros/cpisansadurnino/node/1166
• http://biblospazos.blogspot.com.es/2017/05/e-por-fin-gravamos-chea-de-vida.html
• http://jmaestroferrol.blogspot.com.es/2017/05/ensaio-macrocoro.html

En redes sociais:

• https://www.youtube.com/watch?v=YEbFubGj53c
• https://www.facebook.com/lavozdegalicia/videos/10155238563925758/
• https://twitter.com/Ferrol360/status/862714120319238144
• https://www.facebook.com/Ferrol360/posts/1316894165045531
• https://www.facebook.com/culturactiva.scg/posts/802282266602424
• https://www.facebook.com/LinguaGalega/posts/1132839276821370
• https://www.facebook.com/andres.vizoso.7/posts/1728714500478740
• https://www.facebook.com/seispes/photos/a.265006973588006.64160.259924394096264/1376837995738226/?type=3&theater
• https://www.facebook.com/CulturaGalegaXunta/posts/1014506068681126
• https://www.facebook.com/valentin.garciagomez.7/posts/1354018824679469
• https://www.facebook.com/televisiondegalicia/posts/1397967463596490

E outos moitos ….

Zona de los archivos adjuntos

Vista previa del vídeo Coral: "Chea de vida". 11 Maio 2017 (Navantia-ferrol) de YouTube

Publícanse a listas definitivas de admitidos para o curso 2017-2018 (Son as mesmas que as provisionais ao non haber reclamacións).

• LISTAXE DE ADMITIDOS PARA O CURSO 2017-2018

A formalización da matrícula terá lugar entre o 20 e 30 de xuño para o alumnado de Infantil e Primaria e entre o 25 de xuño e 10 de xullo para o alumnado de Secundaria.