CPI Alcalde Xosé Pichel

O 25 de novembro celebrouse o Dia Interncacional de Loita contra a Violencia de Xénero. No noso centro quixemos recordar esta data e durante esta semana traballouse esta temática a través de varias actividades. Repartíronse lazos morados, traballáronse contos dende a Biblioteca como "Arturo y Clementina" e na megafonía do centro escoitáronse cancións contra a violencia de xénero como "Ella" de Bebe, "Mujer" de Orishas ou "Se acabaron las lágrimas" de Huecco. 

O alumnado de Infantil irá o martes 27 a ver a obra "Pio" de Caramuxo Teatro dentro do Programa Cultural ofertado polo Concello. Podedes coñecer algo máis desta obra premendo na imaxe.

O noso alumnado, que este pasado martes vistou o MUNCYT na Coruña, converteuse no visitante 50000 do Museo. Fomos recibidos polo director do Museo, Ramón Nuñez, que nos entregou diversos agasallos. Podedes ver a noticia neste enlace.

O vindeiro martes 20 de novembro o alumnado de 2º, 3º e 4º de ESO desprazarase ao Edificio de Servizos Múltiples municipal para asistir, ás 11:00 horas, á representación da obra de teatro RRHH - O Método a cargo do grupo O Aturuxo de Melpómene.

As profesoras Begoña de Blas, Carmen Aneiros, Concepción Martínez e Mercedes Queixas acompañarán o alumnado.

Este curso, o centro volve a participar na campaña promovida polo Fondo Galego de Garantía Agraria (FOGGA), "Plan de consumo de froita nas escolas".

Neste trimestre, nos recreos, dende o día 12 ata o 16 de novembro, distribuirase froita entre o alumnado que o desexe.