CPI Alcalde Xosé Pichel |

CELEBRACIÓN DO NADAL EN EDUCACIÓN INFANTIL E PRIMARIA.

Mar, 15/01/2013 - 07:16 — Anónimo

Durante a semana do 17 ó 21 de decembro, o alumnado de Infantil e Primaria organizamos diversas actividades para celebrar o Nadal. Organizamos un Mercado solidario, cantamos panxoliñas, degustamos doces típicos coas familias e recibimos a visita dos Reis Magos.

OBRADOIRO DE POESÍA CON DORES TEMBRÁS

Lun, 14/01/2013 - 07:49 — Anónimo

Dores Tembrás acudíu ao noso centro o xoves 20 de decembro para levar a cabo un Obradoiro de Poesía cos alumnos de 3º e 4º ESO

Os máis pequenos do colexio tamén puideron disfrutar da súa compaña xa que realizou unha presentación do seu libro O peizoque Roque.

Licenciada en Filoloxía Hispánica, Doutorouse en 2008 Coa tese Arquitectura de un desencuentro, sobre a poeta Alejandra Pizarnik, logo de diferentes estadías investigadoras en Suecia, Madrid e Bos Aires. En 2009 publica o seu primeiro poemario, O pouso do fume e en 2012 o libro infanto-xuvenil O peizoque Roque.

Para ver as fotos, premede aquí.

CONFERENCIA-CONCERTO COA MUSICÓLOGA PAULINA CEREMUZYNSKA

Lun, 14/01/2013 - 07:24 — Anónimo

O CPI Alcalde Xosé Pichel contou ca súa presenza o mércores 19 de decembro. Os alumnos/as de 3º e 4º ESO poideron disfrutar dunha charla e concerto con esta gran intérprete.

Estudiou Musicoloxía na Universidade de Varsovia, Canto e Interpretación de Música Medieval na Universidade da Sorbonne en París.

Polaca, residente en Galicia desde hai sete anos, en 2004 realizou, como bolseira do Centro Ramón Piñeiro para a Investigación en Humanidades, un proxecto de trascrición e interpretación das cantigas de Pergamiño Sharrer. Froito dese traballo resultou o disco Cantigas de Amor e de Amigo, a terceira gravación mundial das cantigas profanas do rei Don Denís.
En 2006, gravou o seu segundo disco, E moiro-me de amor, resultado da súa investigación sobre a reconstrución do estilo musical de las cantigas de amigo naqueles casos en que a melodía está perdida, a partir da técnica do contrafactum.

Pódense ver as fotos do encontro premendo aquí.

ENCONTRO COA ESCRITORA MARÍA SOLAR

Lun, 14/01/2013 - 06:24 — Anónimo

Maria Solar visitou aos nosos alumnos de 3º e 4º ESO o martes 18 de decembro, para falarnos da súa obra Meigas de Lupa.

Licenciada en Xornalismo e en Bioloxía e diplomada en Maxisterio, centrou o seu traballo no mundo da comunicación, principalmente na radio e na televisión galega, aínda que tamén colabora en prensa e revistas. É ademais actriz de dobraxe.
Actualmente presenta o espazo cultural diario Zig Zag na TVG.

Como escritora ten publicados os seguintes títulos: Boa sorte, O tempo do revés, O fillo do Pintamonas, Vou ter un irmán!!!, As meigas de Lupa e, máis recentemente, A verdadeira historia da mosca da tele.

Pódense ver as fotos de dito encontro premendo aquí.

VISITA Á COCA-COLA E PATINAXE SOBRE XEO

Mér, 19/12/2012 - 13:01 — Anónimo

Este mércores 19 de decembro o alumnado de 1º e 2º de ESO realizará a seguinte visita.
O de 1º ESO irá patinar de 11:00 a 12:00 á pista de xeo no Coliseum na Coruña, e despóis, se o tempo o permite, farán un percorrido pola ría do Burgo.
O de 2º ESO irá visitar a fábrica de Coca Cola, visita obrigada para participar, un ano máis, no concurso de relatos que a fundación desa empresa organiza. E de 12:00 a 13:00, irán patinar á pista de xeo.

Hora saída do Centro: 9:35

Hora chegada: 14:15.

Profesoras acompañantes: Carmen e Mercedes Garrote (Departamento de Lingua castelá) e Susana e Elena (Departamento de Ed. Física)

ACTIVIDADES NADAL EN SECUNDARIA

Lun, 17/12/2012 - 07:23 — Anónimo

Como remate da 1ª Avaliación, os próximos días 18, 19, 20 e 21 de decembro, levaranse a cabo unha serie de actividades co alumnado de ESO. (Encontro coa escritora María Solar, obradoiro coa poeta Dores Tembrás, charla sobre as fontes de enerxía, conferencia-concerto da musicóloga medieval polaca Paulina Ceremuzynska, cine, Mercadillo solidario .....)

Premede aquí para ver o calendario de todas as actividades.

GAÑADORES DO CONCURSO DE POSTAIS DE NADAL 2012.

Lun, 10/12/2012 - 16:14 — Anónimo

Podedes ver a relación de gañador@s premendo aquí.

12/12/12 ás 12:00 horas

Dom, 09/12/2012 - 16:31 — Anónimo

Ao cumprirse o centenario do nacemento do poeta celanovés Celso Emilio Ferreiro, os alumnos e alumnas do 3º ciclo de Educación Primaria e os alumnos e alumnas de 3º e 4º da ESO, van participar nun recitado público do poema Deitado fronte ao mar, publicado no seu libro Longa noite de pedra.

Dito recitado celebrarase o mércores día 12 de decembro de 2012, ás 12.00 horas.

Esta actividade ven proposta dende a Coordinadora Galega de Equipos de Normalización e Dinamización Lingüística (CGENDL) e será realizada nos diferentes centros educativos de toda Galicia.

10 anos do Prestige

Sáb, 08/12/2012 - 13:42 — Anónimo

O pasado 13 de novembro recordamos o accidente do Prestige. O alumnado elaborou múltiples debuxos plasmando a súa particular visión deste accidente.

SEMANA DE LOITA CONTRA A VIOLENCIA DE XÉNERO

Mér, 28/11/2012 - 18:12 — Anónimo

O 25 de novembro celebrouse o Dia Interncacional de Loita contra a Violencia de Xénero. No noso centro quixemos recordar esta data e durante esta semana traballouse esta temática a través de varias actividades. Repartíronse lazos morados, traballáronse contos dende a Biblioteca como "Arturo y Clementina" e na megafonía do centro escoitáronse cancións contra a violencia de xénero como "Ella" de Bebe, "Mujer" de Orishas ou "Se acabaron las lágrimas" de Huecco.

CPI Alcalde Xosé Pichel