Finalizado o prazo de solicitudes de praza para o curso 2024/2025 infórmase de que nalgúns cursos hai mais solicitudes que prazas polo que é preciso baremar.

En qué cursos hai que baremar?

4º Educación infantil (3 anos).

1º Educación primaria.

Que implica?

Aquelas familias que queiran, poden presentar de xeito voluntario documentación complementaria á que foi adxuntada coa solicitude para xustificar os criterios de baremo alegados nela.

Ademais, no tablón do centro atópase publicada a listaxe de solicitudes a baremar e os números aleatorios que lles corresponden.

Cal é o prazo?

10 días dende o fin de prazo de solicitudes (do martes 2 de abril ata o mércores 10 de abril, ámbolos dous incluidos).

Onde se entrega a documentación?

Presencialmente na administración do centro no horario: Luns a venres 9:30 a 11 e 12:30 a 14 e Luns de 15 a 17.

Tede en conta que o centro permanecerá pechado do 23 de marzo ao 1 de abril (ambos incluidos).

Sempre que se realice a presentación de documentos separadamente da solicitude, deberase indicar o código, o centro docente, o número de rexistro de entrada da solicitude e o número de expediente, se se dispón del.

Qué documentación se pode entregar?

A que aparece no artigo 31 da Orde do 21 de outubro de 2022 pola que se desenvolve o Decreto 13/2022, do 3 de febreiro. Se xa se entregou coa solicitude a documentación acreditativa, non é preciso achegar nada máis.

Importante:

• Non se poden modificar as solicitudes nin alegar criterios que non figuren nelas. 
• As persoas interesadas responsabilizaranse da veracidade dos documentos que presenten. Cando da calidade da copia deriven dúbidas, poderase requirir o cotexo co documento orixinal.
• En todo caso, os documentos deberán ser válidos e eficaces no momento da súa presentación e reflectir a situación persoal e familiar na data de inicio do prazo de presentación de solicitudes, agás a situación económica, que será a do exercicio fiscal anterior en 2 anos ao ano natural da solicitude.

Cando saen las listaxes de admitidos e excluidos?

• Listaxes provisionais: 25 de abril.
• Listaxes definitivas: 15 de maio.

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración

O 1 de marzo comeza o prazo para poder solicitar praza no colexio para o curso 2024/2025.

Quen ten que facer a solicitude de admisión?

As familias que queiran que a súa filla/o comece na escola en setembro de 2024.

Cómo se realiza a solicitude de admisión?

• De xeito manual empregando o formulario en papel. O formulario está dispoñible nos seguintes enlaces: castellano, galego e presencialmente no centro (conserxería e administración).
  
• De xeito telemático, a través da aplicación de admisionalumnado no menú Solicitudes > Admisión > Crear. O procedemento depende de se a solicitude se cobre estando identificado ou non xa que no caso de estar identificado aparecerá a opción de presentar e asinar a solicitude por Sede Electrónica.

Cómo e onde se presentan as solicitudes?

Preferentemente pola Sede Electrónica (con chave365 ou certificado dixital) pero tamén é posible facelo presencialmente no centro solicitado coma primeira opción ou en calquera dos lugares que establece a Lei 39/2015, do 1 de outubro, do Procedemento Administrativo Común.

De facelo de xeito presencial ten que estar debidamente asinado e hai que adxuntar copia do libro de familia e, de ser o caso, copia da sentenza xudicial de separación ou divorcio. O horario de atención na Administración do centro é:

luns a venres: 9:30 - 11:00h e 12:30 - 14:00h 

     luns: 15 - 17h

Cantas prazas vacantes hai no CEIP Plurilingüe Vicente Otero Valcárcel?

A listaxe está dispoñible no taboleiro do centro e na seguinte ligazón.

Cales son os prazos? 

INFO ADMISIÓN

Para dúbidas e consultas:

• Teléfono 881 880 447.
• Correo electrónico: administracion.ceip.vicente.otero@edu.xunta.gal
• Presencialmente en administración no horario:

             luns a venres: 9:30 - 11:00h e 12:30 - 14:00h

             luns: 15 - 17h

Información sobre o procedemento:

Hoxe comeza o prazo de reserva de praza, polo que deixamos aquí a información.

Quen ten que facer a reserva de praza?

As familias de alumnado de 6º de Primaria que queiran que o seu fillo/a acuda ao IES de Carral, o noso centro de adscripción.

Cal é o prazo de reserva de praza?

O prazo para dita solicitude abrangue do 15 de xaneiro ata o 5 de febreiro.

Cómo se realiza a reserva de praza?

• De xeito manual empregando o formulario en papel. O formulario está dispoñible nos seguintes enlaces: castellano, galego.
• De xeito telemático, a través da aplicación de admisionalumnado no menú Solicitudes > Reserva > Crear. O procedemento depende de se a solicitude se cobre estando identificado ou non xa que no caso de estar identificado aparecerá a opción de presentar e asinar a solicitude por Sede Electrónica.

 Cómo e onde se presentan as solicitudes?

Preferentemente pola Sede Electrónica (con chave365 ou certificado dixital) pero tamén é posible facelo presencialmente no noso CEIP (na Administración) ou en calquera dos lugares que establece a Lei 39/2015, do 1 de outubro, do Procedemento Administrativo Común.