Rematamos o segundo trimestre neste mes de marzo no que as nosas particulares “sentinelas” (grupo de alumnado voluntario que colabora co equipo medioambiental) fixo un gran traballo, tanto no referido a cantidade como a calidade do mesmo. E como temos moito que contar, alá vamos!
En primeiro lugar demos continuidade ao reto do mes pasado, neste caso instalando nas aulas uns pequenos avisos que conciencien sobre o aforro enerxético, de maneira que a nosa comunidade educativa sempre o teña un pouco máis presente.
![](/centros/ceipvicenteotero/system/files/u61/Aforra%20auga.png)
Para seguir, remataron coa instalación dos bancais para os máis peques, que mesmo se encargaron de decorar con gran dedicación e quedando un resultado ben fermoso:
![](/centros/ceipvicenteotero/system/files/u61/image0.jpeg)
Ademais instalouse un novo composteiro, achegado polo Consorcio das Mariñas, e estase a traballar na reparación do vello invernadoiro, ao que xa se lle achegou unha nova localización no centro:
![](/centros/ceipvicenteotero/system/files/u61/0ce94ea4-e35d-46f3-928a-d359c3e62aa7.jpg)
E diredes, pois haberá que ir poñendo algo dentro dos bancais non? Claro que si, por iso xa temos unha gran selección de produtos cultivados por nós. A maioría das sementes son ecolóxicas, sen ningún tipo de tratamento, e boa parte delas son de colleita propia.
![](/centros/ceipvicenteotero/system/files/u61/image1_0.jpeg)
![](/centros/ceipvicenteotero/system/files/u61/image2.jpeg)
Teremos excedentes? Claro que si, para toda esa planta farían falla moitas hortas.En breve agardamos podervos contar os nosos plans para eles.
Tamén se recuperou a zona das aromáticas, que agardamos encher de olores e sabores no mes de abril.
![](/centros/ceipvicenteotero/system/files/u61/image4_0.jpeg)
E finalmente preparamos unha zona para a repoboación, que xa comezou a recibir as primeiras árbores que sementamos a comezos de curso.
![](/centros/ceipvicenteotero/system/files/u61/image5.jpeg)
Vaia canto traballaron estas sentinelas no mes de marzo, ben merecen un descanso! Ata pronto!