Preme na imaxe para o acceso ao titorial.

Segundo as instrucións da Consellería de Educación, a dirección do colexio transmite ás familias o seguinte:

• Informaremos dos resultados da 2.ª  avaliación empregando o material de seguimento e observación do alumnado ata o 12 de marzo.
• A publicación das notas desta 2.ª avaliación será a través de abalarMóbil o venres 3 de abril.
• O profesorado continuará enviando a través da aula virtual tarefas para o alumnado ata o 3 de abril, data na que comezan as vacacións de Semana Santa.
• Este curso non se realizará a proba de avaliación diagnóstica en 3.º  nin en 6.º  de Educación Primaria.

Para rematar, damos as grazas ao alumnado, familias e profesorado pola implicación e o esforzo que supón nestes momentos manter a actividade escolar.

       Moito ánimo!

Informamos que as persoas que aínda non teñan descargada a aplicación abalarMóbil, deberán facelo para poder recibir avisos e notificacións.

As instrucións para descargar e usar abalarMóbil poden consultarse neste enlace.

Acceso ás actividades e traballo proposto para cada nivel educativo.

• O  alumnado accederá á aula virtual do centro desde a opción "ENTRAR COMO CONVIDADO".

• Os materiais e actividades irán estando dispoñibles de forma paulatina nos cursos da aula virtual correspondentes ao nivel do que se trate. Revisádeo de forma periódica para verificar se existen cambios ou novas propostas.

• Estas actividades non terán carácter avaliable.

As novas instrucións da Consellería de Educación de 13 de marzo pódense ver neste enlace.

 Neste enlace pódense consultar as medidas adoptadas pola Consellería de Educación, Universidade e Formación

Profesional en todos os centros de ensino, para loitar contra a pandemia covid-19.

O pasado 21 de febreiro o noso colexio encheuse de superheroes e superheroínas seguindo o noso proxecto de biblioteca, que este ano xira en torno ao cine como xa sabedes.

Os personaxes elixidos para os nosos disfraces foron Ladybug, Supermán, Os Incribles e Batman. Acompañounos a asociación ASPANAES vestidos de Flash.

  Aquí podedes vernos ben caracterizados.

  O tempo acompañounos no noso tradicional desfile ata o Concello.

Coa colaboración da ANPA e do Concello, degustamos os deliciosos manxares do Entroido.

E como remate final, asistimos á esperada queima do Entroido. Que divertido!                                                            

O vindeiro luns 9 de marzo comezaremos, no CEIPP Santa María, a desenrolar o Plan de Consumo de Leite Fresco nas Escolas, subvencionado polo Fondo Galego de Garantía Agraria (FOGGA). O Programa ten unha duración de 20 días.