CEIP Plurilingüe San Pedro de Visma |

DÍA DA EDUCACIÓN FÍSICA NA RÚA

Mar, 03/05/2022 - 19:15 — admin

Chegou o 27 de abril e con el unha das citas máis esperadas no colexio, o Día da Educación Física na rúa.

Os nosos olímpicos e olímpicas puxeron a proba a súa resistencia e saíron a camiñar polos espazos verdes da contorna e os parques. O alumnado de primaria fixo unha andaina polo barrio de Visma e o parque Adolfo Suárez, mentres que os pequenos e pequenas de infantil camiñaron polo percorrido do facho olímpico e polo parque dos Mariñeiros.

Ademais, o venres 28 xuntámonos na praza de María Pita preto de 400 escolares de sete colexios de A Coruña para celebrar, promocionar e defender a Educación Física . Os nosos representantes foron os ciclistas da clase de 6ºB de Infantil, que deixaron a todo o mundo marabillado co seu bo facer nas bicicletas.

Álbum: CURSO 2021/2022 -> Día da Educación Física na rúa

FIN DO SEGUNDO TRIMESTRE. AS OLIMPIADAS DE CORDA

Sáb, 23/04/2022 - 15:44 — admin

A fin do segundo trimestre chegou e os nenos e nenas de Visma tiveron que enfrontarse ás Olimpiadas de corda para lograr a medalla de plata e seguir avanzando neste curso olímpico.

Estas Olimpiadas de corda puxeron de manifesto un dos máis importantes valores olímpicos, o compañeirismo.

O alumnado de San Pedro de Visma traballou en equipo para superar dúas probas e conseguir a medalla de plata:

Entre todos os nenos e nenas de cada clase tiveron que superar unha serie de retos de corda: saltar cos ollos pechados, cruzando a corda, saltos con xiro...
Acadar 5.000 saltos entre todos os nenos e nenas en tres minutos. Ah!, non so chegaron a 5.000 saltos, é que deron 18.706.

Parabéns ao equipo de San Pedro de Visma, fúchedes un exemplo de esforzo e traballo en equipo.

Álbum: CURSO 2021/2022 -> Olimpiadas de corda

COÑECENDO OS DEPORTES OLÍMPICOS: A ESCALADA

Dom, 03/04/2022 - 19:05 — admin

O alumnado de 4º de primaria achegouse ao rocódromo de Riazon, e da man de AMI (Agrupación de montañeros independentes) puideron probar un novo deporte olímpico, a escala.

O fixeron xenial unha vez superados os medos iniciais o e o pasaron aínda mellor.

Álbum: CURSO 2021/2022 -> Rocódromo 4º EP

COÑECENDO OS DEPORTES OLÍMPICOS: A VELA

Ven, 25/03/2022 - 17:43 — admin

O alumnado de 5º de Primaria puido coñecer gracias ao programa do Concello de A Coruña, "O Atlántico parte de ti", un novo deporte olímpico, a vela.

Non o fixeron nada mal estes regatistas de Visma.

Preme na imaxe para acceder ao álbum.

Álbum: CURSO 2021/2022 -> O Atlántico parte de ti.

AXUDA PARA UCRAÍNA

Ven, 25/03/2022 - 17:02 — admin

MOITÍSIMAS GRAZAS A TODOS E TODAS!!!

As menciñas doadas por esta comunidade educativa xa están camiño de Ucraína.

Grazas, familias, alumnado e persoal do centro pola vosa xenerosidade e axuda.

CEIP PLURILINGÜE SAN PEDRO DE VISMA

Mér, 16/03/2022 - 15:13 — profe

blogue de profe

8-M. Día da muller.

Mar, 15/03/2022 - 19:23 — admin

Este ano o 8-M en Visma estivo marcado polo deporte, pero sobre todo polas deportistas. As nenas e nenas tiveron a sorte escoitar as experiencias destas mulleres deportista e traballadores galegas:

Jessica Rial: atleta e investigadora.
Paula Medín: fisioterapueta e xogadora de rugby. Particiou coa selección española nos Xogos Olímpicos de Río de Xaneiro de 2016.
Paula Lema: licenciada en INEF, exxogadora de baloncesto, arbitra profesional e enfermeira.
Roción Tomé: loitadora de muay thay.
Isabel Vázquez: entrenadora de fútbol no F.C. Victoria.
Enma Núñez: campiona de Europa de karate na modalidade de katas.
Celia (xogadora de rugby), Paula (judoka), Naira (judoka), Alba (bailarina), Antía (xogadora de hockey) e Ayla (Kung-Fu). As nosas ben queridas alumnas de 5º e 6º de Primaria e deportista.

Moitas gracias a todas, pero sobre todo as nosas alumnas!!!