blogue deprofe

XOGOS CAMIÑO DE SANTIAGO 1º-2º PRIMARIA

Mar, 23/03/2021 - 23:34 — profe

PULSA NA IMAXE E ACCEDE AO LIBRO DOS XOGOS TRADICIONAIS DE SEMENTA CAMIÑO

NORMAS DE ORGANIZACIÓN E FUNCIONAMENTO

Mér, 10/03/2021 - 21:04 — profe

ADMISIÓN DO ALUMNADO PARA O CURSO 2021/22

Dom, 28/02/2021 - 15:05 — profe

Desde o 1 ata o 22 de marzo, ambos incluídos, estará aberto o prazo de presentación de solicitudes de admisión no noso centro para o curso 2021/22.

Que documentación hai que presentar?

Modelo de solicitude debidamente cuberto (ED550B).
Copia do libro de familia ou documentación acreditativa do requisito de idade do alumno/a (DNI, partida de nacemento, padrón municipal…).
No caso de optar a un curso de primaria, deberán achegar a certificación de matrícula do centro de procedencia (certificado oficial do expediente académico).
En caso de separación xudicial ou divorcio, presentarase unha copia do convenio regulador ou da resolución xudicial.

Como se pode presentar a solicitude?

Na secretaría do propio centro.
De xeito telemático, na aplicación “Admisión do alumnado”. É imprescindible contar con certificado dixital ou a chave 365.

No caso de optar pola presentación na secretaría do centro pódese obter o modelo de solicitude dos seguintes xeitos.

No centro educativo.
Descargando a solicitude: versión en galego ou versión en castelán.
Cubrindo o documento dixitalmente na “Aplicación admisión de alumando”.

Prazas ofertadas en 4º de infantil: 50*

* 6 destas prazas están disposición da comisión de escolarización para alumnado con necesidades específicas de apoio educativo (art. 3 da Orde do 12 de marzo de 2013, DOG do 15)

Resumo do calendario do proceso de matrícula.

1 ó 22 de marzo de 2021	Presentación de solicitudes
25 de marzo a 9 de abril	Presentación da documentación acreditativa en caso de ser necesaria a baremación.
Antes do 26 de abril	Publicación no centro da listaxe provisional de admitidos/as e non admitidos/as
Antes do 15 de maio	Publicación no centro das listaxes definitivas de admitido/as e non admitidos/as
Do 20 ao 30 de xuño	Formalización da matrícula

CELEBREMOS A ROSALÍA!

Lun, 22/02/2021 - 23:29 — profe

O vindeiro mércores, 24 de febreiro, celebraremos o Día de Rosalía; festexando o aniversario do seu nacemento.

Dende o EDLG, imos propoñervos unha serie de contidos para que vos acheguedes á nosa autora máis recoñecida.

No seguinte enlace, podedes acceder a un Tik Tak Draw elaborado por unha alumna do Pio X de Ourense. Nel, podemos coñecer a biografía de Rosalía de Castro

https://www.youtube.com/watch?v=5sLT5qSVuWg

Neste outro, para alumnado de Infantil, podemos escoitar un dos seus poemas máis recoñecidos.

https://www.youtube.com/watch?v=oA1a_HjhCd0

Ademais, dende o Portal da Lingua, compártennos un Genial.ly no que podemos aprender máis sobre a autora de Padrón e poñer a proba os nosos coñecementos.

https://view.genial.ly/5ff75e8bc217200ce77cc6d5

Ademais, nos ficheiros adxuntos, deixámosvos unhas unidades didácticas elaboradas polo Seminario Galán co que colabora o noso Centro.

Esperamos que vos sexa de axuda!

4 adxuntos

O alumnado de 1º e 2º de Educación Primaria xa están listos para disputar os Xogos do Camiño de Santiago. Despois da preparación adestrando as Habilidades Motrices Básicas chegou o momento de coñecer, practicar e disfrutar cos xogos tradicionais das comunidades autónomas polas que pasa o Camiño do Norte de Santiago.

Na Xornada 1 practicaremos: Lokotk Bilketa, Zaku Erameta (Carreira de sacos), Carreira de Txingas (Carreira de pesas), Sokatira.

En ficheiros adxuntos podedes descargar esta ficha para colorear.