Hoxe recibimos a visita de Luís, o avó de María, que chegou cun novo galo para o galiñeiro.

  Luís viña preparado, ademais,cunhas tesoiras especiais para as plumas das ás das nosas pitas.

  O avó de María sabe moito sobre galiñas e explicounos que é preciso recortarlle un pouco as plumas da punta das ás para que non escapen voando. (Iso non lles doe nada, é coma ir á perruquería a cortar o pelo).

  Estivemos moi atentos e atentas a todo o proceso e agradecémoslle a Luís o seu traballo e as súas ensinanzas.