Álbum: Educación Infantil 2022-2023 -> SENTINDO O OUTONO EN 5ºB EI
Despois das 2 grandes festas do outono: Samaín e Magosto, os peques de 4 anos B seguimos disfrutando de todo o que nos ofrece esta estación a través dos nosos sentidos.
O inicio desta experiencia está naquela mesa da que vos falaramos hai algún tempo, cando vos presentaramos a NOA e a SARI, dúas amigas moi outonais.
Sentimos o outono frío, quente, liso, suave, rugoso, áspero, duro, brando...; uliunos a limón e a mandarina; soounos o cruxir das follas e o choquelear das noces; vimos cores, formas e tamaños e sóubonos doce como a mazá, a pera, as uvas e o caqui; ácido como o limón, un pouco amargo como as noces, con moito zume como a mandarina e os grans da granada e, tamén, sen nada de zume coma as noces.
Xa vedes cantas cousas! Agora quédanos unha para os vindeiros días e que está relacionada coas nosas espigas. Xa vos contaremos!
