actividades

Grazas á asignación recibida polo recoñecemento ó labor da biblioteca na iniciativa de voluntariado de lectura, o alumnado de 6º que participou neste programa poido desfrutar dun obradoiro de radio escolar.

A actividade desenvolveuse na biblioteca os días 4 e 11 de decembro da man de Sergio Pascual, que explicou os elementos fundamentais da radio (voz, efectos sonoros e silencio), o proceso de elaboración dun programa e a importancia do traballo en equipo. Así mesmo implicou ao alumnado nunhas dinámicas de grupo para traballar o control da voz (respiración, entonación…) e a creación de efectos sonoros.

Este curso solicitamos a entrada no Programa de Biblioteca Creativa, e aquí estamos dando os primeiros pasos no mundo da robótica. A coordinadora deste proxecto, a mestra Beatriz Ponte, foi a encargada de titorizar ó alumnado de 5º EP no seu primeiro contacto cos “Escornabots”

A Consellería de Cultura, Educación e Universidade acaba de publicar unha orde pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial.

Para acceder ó texto completo da orde preman aquí.

Serán beneficiarios:

-O alumnado que resultou beneficiario da axuda para adquirir material escolar.

-O alumnado que non fose beneficiario da axuda para adquirir material escolar pero:

1. Pertence a familias cunha renda per cápita igual ou inferior a 6.000 €

2. Estea matriculado en educación especial cunha discapacidade igual ou superior ao 65% (con independencia da renda da unidade familiar)

Presentación de solicitudes e prazo:

-Non terá que presentar solicitude o alumnado que fose beneficiario da axuda para adquirir material no curso 20/21.

-Presentarán solicitude as familias do alumnado que non presentara a solicitude para material escolar no seu momento.

-As solicitudes presentaranse presencialmente no centro (solicitando cita previa nos horarios de secretaría e dirección) utilizando o anexo I, que poden descargar desde este enlace ou recoller en secretaría.

-Tamén deberán aportar libro de familia ou volante de convivencia (excepcionalmente), anexo II, sentenza xudicial ou convenio regulador (en caso de separación ou divorcio), certificado do grao de discapacidade e documentación xustificativa de violencia de xénero (se é o caso). Toda a documentación reflectirá a situación familiar, persoal e económica a 31 de decembro de 2018.

-O prazo de presentación de solicitudes remata o 27 de novembro de 2020.

Preman, por favor, no enlace que aparece de seguido para saber como celebraremos estas festas.

Samaín e Matosto

Convocamos ás familias do alumnado de primaria a participar nas reunións xerais de titoría que se desenvolverán segundo o calendario que máis abaixo se detalla. Cada unha delas terá lugar na aula da propia titoría.

Para dar cumprimento ó protocolo establecido, só poderá asistir unha persoa por alumno/a. O acceso ó centro será pola porta do edificio da ampliación.

Lembren que deberán asistir sós (sen alumnado) e con máscara.