actividades

O 21 de xuño, data na que remataba o curso, todo o alumnado do centro asistiu a unha sesión de cine. Cine na rúa proxectou "O monstro mariño". Para ver as fotografías preme neste enlace.

Informamos que xa están publicadas as instrucións da Secretaría Xeral Técnica sobre o funcionamento dos comedores escolares no curso 2024-2025. As familias do alumnado usuario deste servizo, deberán cubrir o anexo II (Modelo de autodeclaración) con todos os datos relativos á súa renda (2023), especificando no apartado A) do modelo a cifra do importe que corresponda, no apartado B) os membros da unidade familiar, no apartado C) a renda neta per cápita, e no apartado D) deberán marcar a casilla que corresponda.

Para facilitar o cálculo en función da renda neta per cápita da unidade familiar e do número de menores en idade escolar, a propia Consellería incorporou na súa web unha calculadora á que se pode acceder neste enlacehttps://www.edu.xunta.es/comedores/calculadora.jsp

Lembren que o servizo será gratuíto nos seguintes casos:

1).-Alumnado pertencentes a unidades familiares en situación socioeconómica de exclusión social certificada polos servizos sociais autonómicos ou municipais.

2).-Alumnado en situación de acollemento residencial ou familiar.

3).-Alumnado cun grao de discapacidade declarado igual ou superior ó 33%.

4).-Alumnado pertencentes a unidades familiares vítimas de terrorismo ou violencia de xénero acreditada documentalmente.

5).-Alumnos pertencentes a unidades familiares cunha renda familiar anual neta per cápita igual ou inferior a 7.000,00€.

Tramitación

• O  alumnado usuario levará unha copia do anexo II para cubrir na casa.

• Entrega do anexo II:

Por correo electrónico (ceip.osmuinhos@edu.xunta.gal) ata o 1 de setembro de 2024..

Presencialmente na secretaría do centro desde o mércores 19 de xuño ata o venres 5 de xullo, en horario de secretaría ou dirección.

Lembren que o prazo remata o día 1 de setembro de 2024.

Xa está aberto o prazo de solicitude de participación no fondo solidario de libros de texto (3º e 4º EP), de axudas para adquirir  libros de texto (1º e 2º EP) e material escolar (EP e EE) para o curso 2024-2025. Para ser beneficiario desta axuda é preciso cumprir os seguintes requisitos:

- Ter devolto os libros de texto adquiridos coas axudas do curso 23-24 (agás o alumnado de 1º e 2º EP)

- Ter unha renta per cápita familiar igual ou inferior a 10.000 €. A renda será a do exercicio 2022.

Documentación a achegar:

-Solicitude cuberta preferiblemente por vía electrónica no formulario normalizado (ED330B-anexos I e II) dispoñible a través da sede electrónica da Xunta de Galicia, https://sede.xunta.gal.

No caso de tramitalo a través do centro educativo:

-Solicitude (anexos I e II) que poderán descargar neste enlace, ou recibila a través do alumnado se a solicitan por medio da axenda.

-Entrega da solicitude cuberta. Escaneada e enviada ó correo electrónico do centro (ceip.osmuinhos@edu.xunta.gal). 

En caso de entregala presencialmente, deberán facelo en horario de dirección ou secretaría.

-Copia do libro de familia en que figuren todos os membros da unidade familiar (Se non houbo variacións con respecto ó ano anterior, non é preciso aportar a copia porque xa se dispón dela no centro)

-No caso de non ter libro de familia ou se a situación familiar a 31 de decembro de 2022 non coincide coa actual poderá presentarse sentenza xudicial de separación ou divorcio, ou de ser o caso convenio regulador onde figure a custodia; certificado ou volante de convivencia ou informe dos servizos sociais.

-Certificado acreditativo do grao de discapacidade, se fose o caso, recoñecido por un órgano que non pertenza á Xunta de Galicia.

O prazo para a entrega da documentación será ata o 21 de xuño de 2024.

O alumnado de 5º e 6º de Primaria continúa no Proxecto E-dixgal quedando exento das axudas para a adquisición de libros de texto xa que disporá de libros gratuitos en formato dixital.

Tras a votación celebrada o 19 de febreiro entre as familias sobre a implantación da xornada continuada, os resultados foron os seguintes:

Votos a favor: 46

Votos en contra: 26

Votos nulos: 1

Aínda que máis do 50% das familias maniféstanse de acordo coa xornada continuada, non é posible a súa implantación por non acadar o 58% de votos favorables do total do censo.

Desde o centro agradécese a alta participación das familias neste proceso, amosando así o seu interese pola mellor opción para os seus fillos e fillas.

A última semana do mes de novembro tivemos o pracer de recibir no centro a Sheela Tato, unha muralista que deixou a súa pegada no corredor do 1º andar do colexio. O seu mural, “Muller castrexa”, foi unha iniciativa máis da ANPA O Facho dentro das actividades pola igualdade subvencionadas pola Consellería de Emprego e Igualdade.

Nesta imaxe, que fai alusión ao tema do proxecto documental deste curso (Cultura castrexa), está representada a forza da muller e as distintas razas do mundo utilizando diferentes tonalidades na pel.