Este ano o Salón do Libro infantil e xuvenil de Pontevedra abriu as portas da súa XVII edición baixo o lema "Canta bichería!". Ata alí achegámonos a meirande do alumnado do noso centro para aprender moitas curiosidades sobre moi distintos tipos de animais (salvaxes, domésticos, acuáticos, polares, insectos...) e gozar desta divertida experiencia!

A semana do 7 ao 11 de marzo celebramos a Semana da Prensa e que mellor xeito de facelo que asistindo a unha actividade do Faro na Escola na que participamos na entrevista de 3 emblemáticos deportistas: Chus Lago, Vlado Gudelj e Óscar Pereiro.

Ao longo da semana traballamos tamén sobre distintas noticias relacionadas co noso proxecto anual "Costumes e tradicións galegas" e durante o recreo radiámolas para todo o centro.

Ademais tivemos a oportunidade de consultar diferentes xornais das catro provincias da nosa Comunidade e establecer comparacións entre eles.

Nesta ocasión o noso proxecto anual, Costumes e tradicións galegas, inspirounos para compoñer unhas coplas moi molonas. Escoitádeas!!!

Este ano disfrazámonos de cousas relacionadas co noso Proxecto Anual, "Costumes e Tradicións Galegas", e cada curso tratou de reflexar un anaco da nosa Comunidade: o noso traxe típico, a gastronomía, a fauna, as festas populares, os pintores, os celtas, os peregrinos, a Rondalla... Ao chegar de volta ao cole bailamos e recitamos as nosas coplas. E para rematar degustamos uns ricos postres típicos da nosa terra grazas a colaboración das familias.

Os mariñeiros disfrazábanse de merdeiros (traxe que imitaba a campesiños que recollían restos de peixe para abonar os seus campos) para incordiar á xente restregándolle restos de peixe podre. Por tanto era unha figura que xurdiu da rivalidade entre mariñeiros e labradores.

A vestimenta era unha imitación dos escabicheiros, esaxerando os elementos do traxe e os apeiros máis significativos: camisa branca arremangada, pantalón de pano, polainas, zapatillas brancas ou zocas, chaleco con símbolos astrais ou animais (o sol, a lúa, un burro, un galo, unha galiña…), unha faixa vermella, armado cunha vara e adornado con vexetais, como verduras, cebolas,... máscara rosa, perruca loura e o gorro cunha galiña na cabeza.

Sen dúbida unha foi unha visita moi sorprendente e interesante para todos.