Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022 (DOG 14/10/22).
As persoas que xa foron beneficiarias de axuda para adquiriren material escolar ao abeiro da Orde do 29 de abril de 2022, poderán recoller o vale para adquirir material escolar-ampliación por importe de 25 € adicionais, na secretaría do centro a partir do mércores 19 de outubro.
O vale para adquirir material escolar-ampliación (25 € adicionais), obxecto desta resolución de concesión directa, e o vale para adquirir material escolar (50 €) regulado na Orde do 29 de abril de 2022 son vales independentes e non fraccionables, polo que poderán empregarse os dous nun único establecemento ou cada un deles, polo importe íntegro, en dous establecementos distintos.
