A Consellería de Educación vai a publicar unha orde que contempla axudas de carácter directo ás familias do alumnado beneficiario de bolsas de comedor escolar durante a suspensión do servizo como consecuencia do COVID-19. Vai dirixido ás familias que ostentan a condición de gratuíto e do que por renda familiar resulta pagador dun euro.
É dicir, poderán solicitar estas axudas tan só aquelas familias, usuarias do comedor, que durante o curso escolar pagan 0€ ou 1€ polo servizo.
Axudas que se van percibir: Nos casos de alumnado con gratuidade total: 2,50€. Para o alumnado que paga 1€: 1,50€
Esta axuda cubrirá os seguintes períodos:Marzo: dende o 16 ata o 31 (11 días lectivos). Abril: dende o 1 ata o 3 (3 días lectivos). Si se prolongase outros 15 días cubriría os días lectivos ata o 1 de maio (non incluído por ser festivo)
SOLICITUDES: dendo o 31 de marzo ata o 6 de abril, ambos inclusive.
PRESENTACIÓN: As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365)
As familias que acrediten dificultades para formalizar a solicitude por medios electrónicos poderán solicitar a colaboración do equipo directivo do centro. Para isto deberán enviar un correo electrónico a ceip.ocantel@edu.xunta.es cos seguintes datos:
- Nome , apelidos e DNI ou NIE do pai/nai ou titor
- Condicións de beneficiarios de comedor nas bases de datos da Consellería (é dicir, se pagades un ou cero euros)
- Nome, apelidos e curso dos fillos/fillas
- Número de conta bancaria no que se quere recibir o aboamento da axuda. (tede en conta que sexa conta IBAN, cos vintecatro díxitos)
Estas solicitudes tramitaranse no centro dende o martes 31 ata o venres 3 de abril.
É importante que enviedes os datos á maior brevidade posible, por se fose necesario contactar con vós para algunha cuestión. Asegurádevos que incluídes todos os datos indicados.
No asunto do correo, por favor, escribide, Axudas comedor Covid-19, para poder identificalos dun xeito claro.