A finais de curso 2009-2010 presentouse ante a administración educativa un plan de mellora da biblioteca do centro por parte do equipo da mesma.

A principios do mes de xullo tivemos a enorme satisfación de ver que o nos proxecto era un dos que se aprobaran.

A aprobación supón un orzamento para repoñer libros, para cambiar mobiliario, para mercar equipos informáticos...

Agardamos que tanto os alumnos, alumnas, pais, nais, mestres e mestras saiban aproveitar esta oportunidade para mellorar cada curso os recursos que cada día tratamos de darlle aos nenos e nenas do centro.

Iremos informando das melloras na biblioteca e das distintas actividades que o equipo da mesma irá realizando durante o curso.

MELLORAS 

O Concello de Forcarei, involucrouse plenamente para mellorar as instalacións. De acordo co equipo de biblioteca do centro pintou as paredes, colocou tarima flotante no chan, está a facer parte do mobiliario...