Título | Resumo |
---|---|
BIBLIOTECA MUNICIPAL "LÓPEZ CORTÓN" #LuísaVillalta #LetrasGalegas24 #Radionabiblio #AMI #bescolaresgal #bescolaresgalabertas |
Visitamos ás bibliotecas da vila, Biblioteca Municipal "López Cortón" e a do Ies Punta Candieira para recoller palabras. Son as verbas do noso pobo e con elas imos crear poesía. Poesía para Luisa Villalta e as nosas Letras Galegas, e xa vos dicimos que viaxará lonxe, moi lonxe.
|
CANCIÓNS DA PAZ |
AQUÍ TENDES UN LISTADO DE CANCIÓNS SOBRE A PAZ. ESCOLLEDE A QUE MÁIS VOS GUSTE PARA CANTAR OS VENRES DE XANEIRO NO KARAOKE DA BIBLIOTECA.
|
QUE VES TRAS DA VENTÁ? #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal |
Unha actividade de observación da paisaxe realizada polo alumnado de 1º. A ver tamén se aprende, este é un ollar detido, mirar, reparar no que ves, achar, ver cambios dun día ao seguinte, pois a natureza cambia, hai acción humana... Por exemplo, un dos días apareceu un tractor a tocar na area, ao seguinte o alumnado reparou nos cambios. As árbores dos tarais están nese cambio primaveral, herbas e flores comezando a medrar... O andar rápido, a rutina crea grandes problemas de observación, hoxe máis ca nunca temos que ensinar a ver. Estes pequenos e pequenas naturalistas están aprendendo a observar.
|
SLIME - OBRADOIROS E FALADOIROS DO ALUMNADO #bibliotecacreativa #bescolaresgal #bescolaresgalabertas |
Aldara e Carmen sacaron adiante un novo obradoiro do alumnado. Fixeron o cartaz, a lista da compra, reuniron os produtos, fixeron unha proba e a semana pasada o alumnado apuntado dispúxose a facer un obradoiro de slime.
Saíu todo tan ben que encheron os botes de cristal para xogar co slime creado.
Estamos moi ledos/as de como salvaron os pequenos atrancos que puideron ter duranto o desenvolvemento do obradoiro, correción de activación, pequenos roces pois quería participar máis xente da apuntada,... Ao final, a palabra todo o salva e con acordos e conversa xurdiú o consenso.
Parabéns rapazada!
|
CLUB DE LECTURAS "Chocolate con libros" #Clubsdelectura #bescolaresgal #bescolaresgalabertas |
Os clubs de lectura continúan gozando das palabras, de cada historia e de compartir xuntos as emocións que neles provocan. Última tertulia de "O misterio do fillo de Lúa" de Fina Casalderrey. Marchan con "A verdadeira historia da mosca da tele" de María Solar. De seguro sacará máis dun sorriso!
|
PEZAS SOLTAS TRANSFORMACIÓN #STEAM #poloscreativos #bibliotecacreativa #bescolaresgal #piezassueltas |
Gracias a unha familia agrandamos a cantidade de pezas soltas que tíñamos. Fixemos unha transformación coloreando as pezas e hai un obxectivo. Estas personaxes convertiranse nas protagonistas dunha provocación, que de seguro será de deleite da rapazada. Crear xuntos é un pracer! Este tan só é o comezo!
|
"UNHA HISTORIA DE VOLUNTARIADO EN HONDURAS" POR MIÑO GUERREIRO - BIBLIOTECA HUMANA - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas |
O 20 de xuño ás 16:00 h. Apúntate! Aberto a tódolos públicos. Manda unha mensaxe de whatsapp ao 615143625, pon o título do libro que queres ler e o teu nome e apelido.
|
DÍA INTERNACIONAL DAS LINGUAS |
Dende o Ceip Nicolás del Río, queremos celebrar o día Europeo das Linguas, resaltando a riqueza lingüística e cultural presente na nosa comunidade educativa. Porque todas as linguas contan.
|
EXPOSICIÓN SAMAÍN |
|
LETRAS GALEGAS - LUISA VILLALTA #bescolaresgal #bescolaresgalabertas #letrasgalegas2024 #luisavillalta |
Documentándonos e recreándonos con cousas tan fermosas coma esta. CENTRO DE DOCUMENTACIÓN DE AELG UNHA DUCIA DE PALABRAS NO COMEZO DO SEU ANO DAS LETRAS
|
ASEMBLEAS DA INFANCIA @UNICEFGalicia #Cedeira #bescolaresgal #bescolaresgalabertas |
Despois da primeira reunión de delegadas e delegados das aulas, volvemos a reunirnos para debatir os resultados da primeira reunión. Todo o alumnado está representado e tamén tódolos equipos da escola. CONVOCATORIA
|
BANDA DE GAITAS - RADIOS ESCOLARES #Radionabiblio #bibliotecacreativa #IesPuntaCandieira #bescolaresgal #bescolaresgalabertas |
![]() Dentro do proxecto "Música, Maestro" temos diversas gravacións,
unha delas é a da Banda de Gaitas Robaleira! Aquí temos un pequeno
anaco do seu paso. Unha experiencia compartida coa radio do Ies Punta Candieira.
![]() ![]() ![]() O alumnado tamén aproveitou a visita para coñecer as instalación dos
Ciclos de Formación Profesional e, por suposto, a cafetería!
![]() Agradecer tanto aos informantes da Banda de Gaitas como ao profesorado do Ies,
polo seu recibimento e compartir actividades de tanta importancia.
|
CONTO VAI, CONTO VEN #Lecturascompartidas #bescolaresgal #bescolaresgalabertas |
O alumnado de catro anos leva unhas mochilas viaxeiras os luns, cheas de historias, xogos e risas que voltan á escola os xoves. Cada unha leva un conto e un obxecto relacionado con él.
|
RECOMENDACIÓNS LECTORAS VERÁN #bescolaresgal #bescolaresgalabertas #recomendaciónslectoras #lecturas #libros #cultura |
|
EXPOSICIÓN DE FOTOGRAFÍAS NO MUSEO DO MAR |
|
CARLOS LABRAÑA PARABÉNS! #bescolaresgal #bescolaresgalabertas |
Carlos Labraña, dramaturgo que da nome á nosa biblioteca acaba de recibir un premio nada sinxelo. O primeiro premio estatal dunha obra en galego! Mambrú volveu da guerra unha obra de teatro infantil. A peza reinvindica a importancia da memoria histórica, a través de Xana, a protagonista. Orgullo de escritor e de lingua! A túa biblioteca quere darte os parabéns! Gracias por tanta sensibilidade!
Podedes coller algunhas das súas obras na biblioteca!
|
BIBLIOTECA HUMANA - PROXECTO INTERCENTROS |
As bibliotecas e o Concello de Cedeira unimos os esforzos para dar voz ao pobo porque todas e todos temos algo que contar. A oralidade é parte do noso patrimonio inmaterial, reflexa a nosa identidade cultural e social, a de todas as persoas que conformamos a vila: os de sempre, os que viñeron e os que marcharon, pois todos/as imos deixando pegada e conformando a nosa sociedade.
Este ano o Proxecto intercentros consiste na creación dunha Biblioteca Humana. Un encontro entre lectores e libros humanos, unha experiencia de transmisión oral e cultural. A Biblioteca Humana presenta a oportunidade de 'tomar en préstamo' a persoas co obxectivo de achegalas, valorando as historias, os coñecementos que nos habitan e nos constrúen. Nas Bibliotecas Humanas existentes a xente le persoas, que son prestadas polas bibliotecas, con datas acordadas, durante 10 ou 30 minutos, aproximadamente: os primeiros 20 minutos a persoa/libro conta a súa historia e nos últimos 10 a(s) persoa(s) que escoitan teñen a oportunidade de conversar sobre o escoitado.
Convidamos a todas e cada unha das persoas a tecer redes compartindo a súa experiencia. Tomádevos un tempo para ler a carta.
e despois cubride o formulario.
Posteriormente, con todos os libros humanos voluntarios as bibliotecas brindarán asesoramento para crear a portada do voso libro vivinte e axudarán na creación dun breve resumo do que ides contar, como a sinopse dun libro escrito. Feito isto poderiamos realizar unha xornada de encontros.
|
Experiencias viaxeiras en 5 anos |
Nas aulas de 5 anos retomaron fai pouco unha dinámica moi chula. Cada semana, un par de alumnos ou alumnas leva en préstamo durante uns días para a súa casa unha mochila que contén un conto pero tamén algún material pensado especialmente para completar a experiencia lectora coa familia. Así, a través desta acividade achéganse á lectura e crece a motivación cara os libros e as boas historias. E, por suposto, unha vez a traen de volta e pasan uns días de corentena, a mochila volve a viaxar! |
PROXECTO: CEDEIRA É UNHA VILA! #ABP #ALFIN #AMI #Axenda2030 #aBEtenapalabra #bescolaresgal #bescolaresgalabertas |
O alumnado de 2º de primaria investiga sobre o noso concello, o Estatuto de Autonomía de Galicia e a Constitución Española. A biblioteca Carlos Labraña é un lugar de pesquizas e creacións. O producto final é a creación dun lapbook para recoller toda a información. Posteriormente, aproveitan a celebración da Constitución para visitar o Concello de Cedeira. Alí ven as instalacións, coñecen a persoas que traballan no Concello, preguntan polas súas funcións, sentan na sala de pleno e realizan unha serie de preguntas preparadas na biblioteca. Deste xeito, relacionan contidos aprendidos dun xeito práctico e vivenciado. Materias creados pola mestra Dulce e o blog de amestraCris.
|
A POESÍA TEN A PALABRA #poéticasdiversasnaBE #bescolaresgal #bescolaresgalabertas |
Lectura de poesía escollida polo alumnado. En tempos confusos como os que vivimos, cómpre viaxar polas
métaforas das imaxes e as palabras, asolagar as nosas bibliotecas
de poesía, buscar acubillo en versos reparadores, descubrir
a poética do máis pequeno e próximo...
Hai moitos ollos no mundo,
ollos ledos e baleiros,
pequerrechos, preguiceiros,
ollos tristes e profundos.
Ollos ollando os abrentes,
ollos con olladas frías,
ollos de noites e días,
olladas de ollos doentes.
Ollos claros e marróns,
azuis, negros, verde escuro,
ollos que baten nos muros,
ollos-corisco e limón.
Ollos das pombas feridas,
ollos limpos, meiguiceiros,
ollos que aluman carreiros,
ollos de olladas perdidas.
Hai moitos ollos na terra,
ollos ollando as olladas
doutros ollos e as moradas
de tantos ollos que berran.
Paseniño, paseniño. Antonio García Teijeiro
|
CLUB CONTAMINACIÓN - RADIO EXPERIMENTAL |
OS VAGALUMES REALIZARON UN PROGRAMA DE RADIO COA INTENCIÓN DE DIFUNDIR DIFERENTES MEDIDAS PARA MELLORAR O MEDIO AMBIENTE NA VILA DE CEDEIRA. ESTE PROCESO FOI LENTE E MEDITADO. PRIMEIRO FORMARON GRUPOS CON INTERESES SEMELLANTES. DIARIAMENTE MANTIVERON REUNIÓNS PARA DIALOGAR E CHEGAR A UN CONSENSO SOBRE O QUE QUERÍAN FACER. DESPOIS DUNHAS SEMANAS DE TRABALLO CADA GRUPO TIÑA CLARA A TEMÁTICA E REALIZARON REUNIÓNS COA TITORA PARA TRANSMITIR AS SÚAS IDEAS. POSTERIORMENTE, DECIDIRON COMO TRANSMITILAS E A MEIRANDE MAIORÍA VEU A RADIO EXPERIMENTAL COMO UN MEDIO DE DIFUSIÓN DA INFORMACIÓN QUE CHEGA A MOITA XENTE DA VILA. ASÍ OS GRUPOS CONTINUARON CO SEU TRABALLO, AS IDEAS FORON PASADAS A TEXTO EN PAPEL E LOGO A LIMPO NAS ESCALETAS DE RADIO. SEGUIRON CON ENSAIOS DE VOZ NA BIBLIOTECA CARLOS LABRAÑA, TIÑAN QUE APRENDER A DAR ÉNFASES, ENTONAR, VOCALIZAR E SER MOI COHERENTES CO TEXTO A COMUNICAR. FACER UN PROGRAMA DE RADIO NON É SINXELO, TRANSMITIR E QUE UN PÚBLICO ENTENDA O QUE UN GRUPO PENSA TEN AS SÚAS DIFICULTADES. POUCO A POUCO AS VAN SALVANDO. HAI GRUPOS QUE FIXERON PREGUNTAS AO ALCALDE, PABLO MOREDA, E A ASOC. ARCE (BELÉN) E QUE XA SE REALIZOU A PUBLICACIÓN DA SÚA ENTREVISTA NOUTRA ENTRADA DA BIBLIOTECA. O GRUPO DE MIGUEL, MARINA, ALFONSO E ANDRÉS DECIDIRON CREAR UN CLUB DE CONTAMINACIÓN.
O EQUIPO DE XIÁN E MIRANDA CREEN QUE PROPOÑER MEDIDAS PARA REDUCIR O PLÁSTICO NO CENTRO E NA VILA SERÁ UN MOI BO OBXECTIVO.
O GRUPO DE NOA, SARA E ELENA AMOSARON A SÚA SENSIBILIDADE RECITANDO POESIAS SOBRE O MEDIO AMBIENTE. DESTACAR QUE NOA É A SÚA CREADORA E SORPRENDEU GRATAMENTE ESTA NOVA FACETA. TODOS OS VAGALUMES DAN FONDO AO PROGRAMA RADIOFÓNICO CON DÚAS CANCIÓNS QUE APRENDERON NO PRIMEIRO TRIMESTRE. "QUE CANTEN LOS NIÑOS" DE JOSÉ LUIS PERALES E "CANCIÓN DE LOS RÍOS" DE CANTA Y APRENDE, TRABALLADA NO PROXECTO INTERCENTROS. AQUÍ TEMOS O RESULTADO FINAL! |
VOLUNTARIADO CON INICIATIVA #voluntariadonaBE #bescolaresgal #bescolaresgalabertas |
As funcións do voluntariado son extensas, ter un grupo de alumnado con grandes dotes para a organización e colaboración fan que as tarefas parezan máis sinxelas (non que o sexan). Elas e eles encargáronse de colocar os expositores con novos fondos para o proxecto de flora e fauna "Aprendendo, naturalmente!", a exposición de poesía para o Día de Rosalía, estiveron atentos aos obradoiros que se celebraron durante os recreos, colocaron na CDU, fixeron empréstito e devolución no Meiga, recolleron as enquisas sobre étimos, estiveron pendentes do alumnado que necesitou do seu asesoramento, do espazo argalleiro... Sempre coa supervisión das mestras guías, que saben que estamos sempre para axudalos e acompañalos, pero tamén deixándoos facer. Agradecer o traballo desta mocidade que adica o seu tempo a compartilo cos demáis. Gracias rapazada!
|
AULA SENSORIAL - BACH #LuísaVillalta #LetrasGalegas24 #Radionabiblio #AMI #AulaSensorial #bescolaresgal #bescolaresgalabertas |
Documentándonos sobre Luisa Villalta descobremos que unha das pezas preferidas da autora é de Bach, ningunha crianza o coñece, así que decidimos xuzgar por nós mesmos se a súa música é tan boa como ela afirma. Decidimos que non hai mellor espazo que a aula sensorial, un sitio tranquilo, cheo de luces ténues que axudan a descansar e desconectar. Tentamos chegar a ese punto de relaxación que nos permita esquecer todo e abrazar as notas musicais. Bach gústanos, é música clásica, pero pequenas e pequenos din que parece rock polo rápido que van algunha das pezas. Aínda que aprendemos que a preferida de Luisa é a Partitura nº2 para violín só de J.S. Bach nós non concordamos é gústannos máis outras do autor. Descobrer outras formas de encher a nosa vida e identificar o que nos gusta e o que non; ser quen de transmitilo é unha aprendizaxe emocional que toda crianza ten que desenvolver.
|
"CAMINOS PARA RECONOCER TU TÍTULO UNIVERSITARIO" POR MEY LIN APAC RIVERA - PROGRAMA "LECTURA E FAMILIAS" #LecturaeFamilias #FamiliasnaBE #bescolaresgal #bescolaresgalabertas |
O 26 de maio ás 28:00 horas na Biblioteca Escolar "Carlos Labraña" Aberto a tódolos públicos. Achégate!
Unha experiencia de vida!
|
8 M - MÓNICA E PAMELA LAFUENTE AGRASAR - MULLERES DEPORTISTAS #8M #igualdade #Radionabiblio #bescolaresgal #8M #bibliotecainclusiva #bescolaresgalabertas |
Hoxe a Radio Experimental tivo a visita de dúas fenómenas do deporte. Valeria, Jimena, Carla e Zulema foron as reporteiras que documentaron todos os datos aportados por estas deportista. Elas traballan e estudan en Apader. Adican parte do seu tempo a entrenar duro, con esforzo e constancia, que é como se consiguen as cousas. Foi unha experiencia fermosa tanto para os Vagalumes como para Mónica e Pamela, que viviron en primeira persoa o simulacro de incendios que sucedeu mentres mantíñamos unha animada conversa na aula. Gracias por ensinarnos tanto Pamela e Mónica!
|
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »