Título | Resumo |
---|---|
MANUALIDADES DE ENTROIDO #poloscreativos #bibliotecacreativa #bescolaresgal |
Mestres e alumnado están traballando a esgalla para facer un entroido de Banda Deseñada. Os recursos da Biblioteca Creativa e Polos Creativos botan fume: máquinas de coser, pistolas de silicona, teas, fíos, pinturas, cartóns... Aquí algúns detalles.
|
Tertulias dialóxicas |
Os Vagalumes xa están moi adiantados na lectura de "A increible historia da avoa ganster" de David Wallies.
Os nosos moderadores Miguel (aluno) e Diego (familiar adulto) darán remate á ultima tertulia dialóxica por este libro o luns 9 de marzo.
De seguro aparecerán unha manchea de novas proposta de lectura para dialogar, gozar e debater. Agradecer ás familias a súa implicación. |
CONTACONTOS CON LUCÍA - MARIE CURIE #LecturaeFamilias #FamiliasnaBE #STEAM #poloscreativos #bibliotecacreativa #bescolaresgal |
|
Proxecto SuperReto Digicraft #ALFIN #AMI #ciencia #bibliotecacreativa #bibliotecainclusiva #LIA |
O alumnado de 5º de E.P. participante en Digicraft realizou un proxecto interdisciplinar que vos queren amosar. Viaxaron polo espazo na procura de recursos sostibles e atoparon un planeta novo moi especial.
|
Rosalía de Castro |
Os Vagalumes achegan a biografía de Rosalía baseándose na obra da Fundación Rosalía, de Helena Villar Janeiro e Ánxeles Ferrer. Parabéns rapazada! |
Provocación QUEN VIVE NO BOSQUE? #Infancia #bibliotecacreativa #bibliotecainclusiva #LIA #Lectura #bescolaresgal #bescolaresgalabertas |
Quen vive no bosque?
Baixo esta pregunta xorde un novo espazo de xogo no noso espazo argalleiro. Un espazo para crear, xogar, ler, inventar, provocar, explorar... da man e acompañamento do noso voluntariado todo o alumnado do centro poderá pasar no tempo de lecer. Tamén poden facelo durante titorías ou especialidades coas mestras e os mestres. Podes seguir as instrucións, xogar ou ler. Tedes fondos para acompañar a proposta.
Para quen desexe crear ten os materiais nun apartado da mesa.
Idea do obradoiro extraída de Divertoloxía.
|
O PERIPLO DE PERCEBIÑO #euquedonacasa #bescolaresgalabertas |
Pasaron xa moitos días desde que Percebiño comezou a súa viaxe polo mundo. Nos vosos barquiños de papel vai visitando lugares moi diversos. Se premedes no mapa podedes acompañalo no seu periplo e engadir algún outro destino (máis indicacións aquí).
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
Booktubers -#euquedonacasa |
Inspirados no alumnado de 3º C, da aula de Chus, imos propoñer que vos convirtades en booktubers. Ese libro que estamos lendo, que nos leva a lugares marabillosos, compartámolo con todos e todas! Como? Grava un vídeo de non máis dun minuto, no que digas o título, autor, editorial e moi brevemente de que trata e por que che gusta a ti e o recomendas. Poden participar nenas, nenos e adultos. 1º Paso: Ler o libro. Se non tes ningún, podes mirar nestas ligazóns. Teñen libros en pdf gratuítos. 2º Paso: Realizar un guión escrito do que imos dicir. Revisar ortografía e cohesión (que se entenda o que queremos transmitir). 3º Paso: Ensaiar, isto é como na poesía e no teatro, hai que expresar, esaxerar... 4º Paso: Pedirlle a un adulto un aparello que permita gravar: móbil, ipad, cámara de vídeo... 5º Paso: Gravar e mandalo a calquera destes enderezos, se desexas que o publiquemos. https://facebook.com/bibliotecacarloslabranha/… @beCarlosLabrana biblio.nicolas.del.rio@gmail.com TODO VAI SAÍR BEN! |
CADERNO DE CAMPO EN CANVA #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas |
O alumnado de sexto está deseñando, coa aplicación Canva, un caderno de campo para empregar nas saídas, para investigar a flora ou fauna da contorna. En parella ou en pequenos grupos no ordenador están deseñando normas, plantillas de observación e o que a rapazada considera máis relevante. Un mini proxecto no que se ven implicadas a meirande parte das competencias básicas.
|
FUSA GUILLÉN #bescolaresgal #bescolaresgalabertas #DíaDasEscritoras |
Os Vagalumes de 1º C subiron ben alto a unha escritora da nosa vila, Fusa Guillén (escritora, dramaturga e unha incansable promotora de cultura). Tendo como base a exploración do nome e apelido da escritora, o descompuxeron e descobreron e compuxeron outras palabras, que xuntas fixeron poesía. Tal vez, unha poesía menos rimada ou un tanto absurda. Pero poesía, poesía das verbas, das súas verbas. Quique Vázquez, puxo a súa voz para narrar palabras de Fusa. un anaco dun conto que leva por nome "A caixa crebacabezas xaponesa". Quixeron conmemorar este día non só tendo na memoria a Fusa Guillén, senón tamén, facendo arte, escrito e natural. Servíronse dunha laranxeira con máis de 100 anos de historia que está ao pe do Concello de Cedeira. No alto instalaron as súas poesías, para que voen, para quen desexe lelas, velas ou collelas.
|
Aprendemos cós Bolechas sobre o 112 |
Hoxe a clase de 2ºA traballou sobre o 112 cós Bolechas nunha das salas da nosa biblio, aproveitando as novas gradas!
E ao rematar... un agasallo xenial: dous libriños para seguir coñecendo sobre o servicio tan importante que da o 112 e cómo empregalo!
|
Eu experimento na casa. #EuQuedoNaCasa #bescolaresgalAbertas |
Como facer que o metal flote na auga?
|
OS GAITEIROS DE HAMELÍN #arte #teatro #bibliotecacreativa #bibliotecainclusiva #LIA #bescolaresgal #bescolaresgalabertas #carloslabraña |
A compañía de teatro "Os Vagalumes" de 1º C, presentan a súa peza teatral "Os gaiteiros de Hamelín", escrita por Carlos Labraña. Durante un curso escolar estiveron traballando xuntos, realizaron o atrezzo e os disfraces, nos grupos interactivos con familias, e o 16 de xuño queren compartir con todos vos o resultado. Quedades convidados/as!
|
PROXECTO: CEDEIRA É UNHA VILA! #ABP #ALFIN #AMI #Axenda2030 #aBEtenapalabra #bescolaresgal #bescolaresgalabertas |
O alumnado de 2º de primaria investiga sobre o noso concello, o Estatuto de Autonomía de Galicia e a Constitución Española.
A biblioteca Carlos Labraña é un lugar de pesquizas e creacións. O producto final é a creación dun lapbook para recoller toda a información.
Posteriormente, aproveitan a celebración da Constitución para visitar o Concello de Cedeira. Alí ven as instalacións, coñecen a persoas que traballan no Concello, preguntan polas súas funcións, sentan na sala de pleno e realizan unha serie de preguntas preparadas na biblioteca. Deste xeito, relacionan contidos aprendidos dun xeito práctico e vivenciado.
Materias creados pola mestra Dulce e o blog de amestraCris.
|
BENVIDA CURSO 202 2025! #bescolaresgal #bescolaresgalabertas |
|
Retos argalleiros! |
A ciencia abarca moitos campos e por iso, dentro deste Mes da ciencia en galego, dende a biblioteca Carlos Labraña non quixemos deixar pasar a oportunidade de plantexar un obradoiro de robótica con un material moi chulo da biblioteca creativa: Lego WeDo.
Así, a través de diferentes e variados retos, a rapazada de 3º de Primaria tivo que poñerse mans á obra desenvolvendo habilidades STEAM e a súa capacidade de traballo en pequeno grupo, para poder levar a cabo todas as propostas e podemos dicir que o pasaron en grande! E, para mostra, aquí tendes un pequeno vídeo onde os veredes en acción!
|
FALTAN 6 DÍAS! #EuQuedoNaCasa #bescolaesgalAbertas |
FALTAN 6 DÍAS…
Estes días recibimos un díptico da Asesoría de Bibliotecas Escolares de Galicia, no que se convidaba a celebrar o Día do Libro.
Dende a biblioteca escolar “Carlos Labraña” queremos dar a esta celebración unha importancia especial, porque temos algo moi importante que publicar este ano o 23 de abril…
E pensando todo isto, pasóusenos pola cabeza aquilo de decir cal é o noso libro preferido, se é que temos un…ou varios. Pero non só iso, ás veces a ese libro marabilloso que descubrimos un día por casualidade, adicámoslle unha foto. Seguimos pensando…cantas persoas andan detrás deses libros marabillosos que fotografamos nunha instantánea o Día do Libro? Despois de moito pensar, chegamos a unha conclusión: Non nos valía facer unha foto, e o certo é que non nos chegaba un día de celebración, por iso este ano imos adicar a semana enteira a vindicar algunhas das profesións que están dentro deses libros marabillosos. Así, a vindeira semana faremos un espacio especial no noso blog para aquelas persoas que se adican a escribir, a darlle mil voltas ás súas letras antes de deixalas nun libro e para aqueles ilustradores e ilustradoras que pintan e borran e repintan antes de que as imaxes fagan visible o significado daquelas palabras.
Día a día propoñeremos actividades nas que todos e todas estades convidados a participar. A biblioteca queda na casa, pero abre a súa porta virtual para quen queira entrar. Non tedes que chamar…sodes sempre benvidos… Gracias
|
OBRADOIRO HAMA BEADS #bescolaresgal #BibliotecaCreativa #bescolaresgalabertas |
O alumnado de 2º B tivo o pracer de contar con Almudena e Celia para facer un obradoiro de Hama beads. Pasáronno en grande. Agradecer ás familias a súa colaboración.
|
MAIS NOVIDADES EN FONDOS! #bescolaresgal #bescolaresgalabertas #voluntariadonaBE |
|
A NOVA VIAXE DE PERCEBIÑO #euquedonacasa #bescolaresgalabertas |
A introducción da actividade de hoxe semella un novo capítulo do conto recén publicado. Pois a decir verdade, viaxe o que se dí viaxe entendido como o movemento dun lugar a outro podería ser. E todo isto por arte de maxia da nosa biblioteca escolar e a vosa axuda, por suposto. Entre todos imos facer que Percebiño viaxe por todos os sitios que se vos ocurran. Preguntarédesvos como. Aquí vai a explicación da proposta de hoxe:
1. O primeiro que temos que facer é proporcionarlle ao noso percebe favorito un medio de transporte, que polo que podemos supoñer, no que máis lle presta viaxar pode ser un barco. Xa temos o primeiro paso: construír un barco de papel.
2. Cando teñamos o barco feito, metemos nel a Percebiño, e facémoslle unha foto.
3. O último paso pode ser o máis complicado: decidir onde imos mandar a Percebiño. Premede na imaxe para comezar a tarefa. Se precisades axuda, podedes acceder ao vídeo titorial que atoparedes un pouco máis abaixo. Ao entrar dádelle a EDITAR.
TITORIAL GOOGLE MY MAPS:
Compartide as vosas creacións: https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com |
BANDA DESEÑADA CON RECOMENDACIÓNS LECTORAS OBRADOIRO #Nadal #Cedeira #bibliotecacreativa #bibliotecainclusiva #LecturasRecomendadas #recomendaciónslectoras #UnhaBEenViñetas #mercaencedeira #bescolaresgal #bescolaresgalabertas |
Diego Cheda é o autor dunha divertida tira cómica de Nadal, creada especialmente para nós coas personaxes da nosa biblioteca. Esta banda deseñada foi entregada a todo o alumnado da escola para ler, xogar e decorar. Tras dela marchan para a casa as recomendacións lectoras para as familias. Engadimos un pdf coa banda en cor e en branco e negro para imprimir e tamén, as recomendacións. Se clicades na ligazón accederedes tamén ás recomendacións en Genil.ly que aportan máis información s obre os libros recomendados. Gracias Diego por estar sempre! Sumámonos tamén ás compras responsables. Mercade na vila!
|
XINCANA DÍA DO LIBRO |
Unha das actividades para festexar o Día do Libro foi unha xincana con 6 retos que os alumnos e alumnas de Educación Primaria tiveron que resolver buscando nun plano do centro. As solucións estaban en libros agochados en diferentes zonas marcadas no mapa. Con cada reto, conseguiron unha peza do puzzle para rematar formando unha frase relacionada co Día do Libro.
|
FORMACIÓN EN CREATIVA CON PABLO OTERO #bibliotecacreativa #bibliotecainclusiva #bescolaresgal #bescolaresgalabertas |
O alumnado de 6º de primaria xogou coas palabras. Baixo o lema das bibliotecas escolares "A biblioteca escolar ten a palabra", realizou dúas experiencias creativas co escritor e ilustrador Pablo Otero.
Está actividade está enmarcada na biblioteca creativa, é unha formación para o alumnado que temos que agradecer á asesoría de bibliotecas. Unha experiencia onde se evidencia que a biblioteca escolar acolle todo tipo de linguaxes (oral, artística, escrita...). Este ano afondamos nas verbas e as súas posibilidade estéticas e creativas.
Pablo Otero, estudou na Facultade de Belas Artes de Pontevedra. É disléxico, pero isto en ningún momento foi un impedimento, senón ao contrario, un reto para profundizar no poder creativo das letras, da súa contorna, da súa estética. Podedes consultar na biblioteca diversos libros ilustrados ou escritos polo autor. Unhas fotografías e un vídeo para ilustrar a xornada.
|
EU APRENDO ARTE NA CASA #euquedonacasa #bescolaresgalabertas |
Que vos parece se nos unimos a esa tendencia que anda polas redes na que se representan obras famosas da historia da arte? Uns fan as fotos con portadas de libros, outros con cadros de autores coñecidos… Quen non quixera ser parte da obra de autores como Velázquez ou Sorolla, por exemplo? Dende a Biblioteca da Escola pensamos que esta podería ser unha boa maneira de achegar aos nenos e nenas a obras de pintores da historia da arte. Así que hoxe propoñémosvos que escollades unha obra dun pintor, que vos poñades no lugar dos protagonistas do cadro e fagades a foto para enviar. Os adultos tamén estades convidados a participar nesta actividade cos vosos fillos e fillas, por suposto. Seguro que o pasamos moi ben! Os nenos e as nenas de cinco anos xa teñen a súa galería nas Aulas no Aire. Se queredes ideas, podedes pasar, a entrada é de balde.
Compartide as vosas creacións: https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
NAVEGANTES #voluntariadonaBE #AliciaFreire #FamiliasnaBE #bibliotecacreativa #bibliotecainclusiva #LIA #bescolaresgal #bescolaresgalabertas |
Ledos de compartir coa comunidade educativa, que onte non colleu no Auditorio, o filme de Alicia Freire e a rapazada do voluntariado escolar, esas mociñas e mociños que agasallan co seu tempo libre a outro alumnado. Convidando a ler, organizando andeis, aconsellando xogos, lecturas, axudando a investigar... Gracias Alicia, por ser como es, unha artista de pes a cabeza pero cunha sensibilidade especial. Fuches quen de escoitar á rapazada e facer que a súa palabra tomase decisións! Parabéns por esta fermosa curtametraxe! Preparade panos!
|
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »