Título | Resumo |
---|---|
UNHA ENQUISA MOI ESPECIAL... EN RADIO EXPERIMENTAL! |
TODO O ALUMNADO DO CENTRO TIVO A OPORTUNIDADE DE GOZAR DUN RATIÑO DE CONVERSA CO DRAMATURGO QUE DÁ NOME Á NOSA BIBLIOTECA, CARLOS LABRAÑA. PERSOA ENTRAÑABLE QUE NACEU E MEDROU NA NOSA VILA. PERO PARA SABER MOITO MÁIS PODEDES ESCOITAR O PROGRAMA DE RADIO EXPERIMENTAL, REALIZADO ENTRE O ALUMNADO DE 6º A E OS VAGALUMES DE 3º A. E COMO AS IMAXES VALEN MÁIS CA MIL PALABRAS... TEDES UN VÍDEO PARA VER OS MELLORES MOMENTOS DO DÍA. CARLOS TROUXO UNHA MOREA DE AGASALLOS FERMOSOS: UNHA DAS SÚAS OBRAS DEDICADA ESPECIALMENTE PARA NÓS E UNHA DATA CONFIRMADA PARA REPRESENTAR DÚAS DAS SÚAS OBRAS. GRACIAS CARLOS LABRAÑA ESTAMOS DESEXANDO VOLVER A VERTE!
|
CICLO DAS LENTELLAS #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal |
Amparados no proxecto "Naturalmente, aprendendo!", o alumnado de sexto puxo a xerminar sementes de lentellas. Xa están os suficientemente grandes e as pasaron á horta. Agora engaden titores para guiar ás plantas no seu crecemento.
|
OS NOSOS DESEXOS NA RADIO EXPERIMENTAL #Radionabiblio #Nadal #Cedeira #bibliotecacreativa #bibliotecainclusiva #bescolaresgal #bescolaresgalabertas |
Os desexos desta rapazada viaxan xa nas sacas de paxes, carteiras e carteiros, diríxense ás tres estrelas. Pero quixeron que as ondas da nosa Radio Experimental tamén soaran coas súas verbas. Esta rapazada non pide moitos xoguetes, piden necesidades, dereitos e piden moito para os demáis, porque ninguén pode ser feliz se o que está ao seu carón non o é tamén! Paz, amor e bos desexos para todas e todos!
|
MOCHILAS VIAXEIRAS #Mochilasviaxeiras #FamiliasnaBE #bescolaresgal #bescolaresgalabertas |
As mochilas viaxeiras continúan as súas viaxes polas fogares do noso alumnado.
|
II RUTA INTERXENERACIONAL "Aprendendo, naturalmente!" #FamiliasnaBE #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas |
Iniciamos Abril coa II Ruta Interxeneracional, enmarcada no proxecto "Aprendendo, naturalmente!". Convocamos a toda a comunidade educativa e calquera outra persoa que desexou unirse. O tempo estaba algo nuboso e caían unhas pequenas gotas de choiva. Pero tíñamos diante a dous naturalistas, unhas eminencias, Antonio Martínez Pernas e Rafael López Loureiro, votamos comezar a andaina, non se podía desaproveitar a ocasión. Incluso comentouse que con ese tempo, veríamos cousas que igual non se ollan nun día de sol.
Eles fixeran esa ruta unha semana antes e dixeran que aínda reinaba a invernía na Fraga dos Casás. Con paraugas e chuvasqueiros adentrámonos por unha senda de eucaliptos, pasamos un pinar, para descobrer despois dun pedazo o que detrás se agochaba, unha fermosa Fraga, que en tan só unha semana comezou a florecer. Observamos a mapoula das fragas, Anemone, súa saída indica o inicio da primavera. Ollamos espárragos, castiñeiros... unha fraga limpa e verde. Conversamos do uso que tivo noutros tempos, dos carboeiros que recollían a madeira e a enterraban para queimar e converter en carbón natural, a fraga non estaba soa naqueles tempos, senón que a xente realizaba moitas labores nela. Hoxe eses coidados teñen que basearse en non intervir nela, non levar nin traer especies, usar as sendas, mirar onde pisamos e ollar con atención. Facer que permanezan. Esta é unha pequena mostra da Ruta da Fraga dos Casás. Antonio Martínez Pernas identificou correctamente unha orquidea galega: Ophrys kallaikia que era confundida por outra. Podedes consultar o estudo con profundidade, clicando no nome científico. Foi unha oportunidade marabillosa para conversar e resolver dúbidas, in situ, con dous naturalistas estupendos! Moitas gracias por espallar a vosa sabiduría!
|
DOCUMENTAL "AS LAVANDEIRAS" |
NA HONRA DE TODAS AS QUE DEIXARON UN BRANCO ESPECIAL. AGRADECER ÁS FAMILIAS E AO POBO A TRANSMISIÓN ORAL E O ACOMPAÑAMENTO PARA CONSEGUIR QUE O PATRIMONIO PERMANEZA VIVO. DRAMATIZACIÓN E DOCUMENTAL ELABORADO POLO ALUMNADO: VAGALUMES DE 3ºA E ANTROPOLOXÍA DE 1º DE BACHERELATO XUNTO COAS AVOAS LAVANDEIRAS E AS ATURUXEIRAS DE CEDEIRA. COLABORAN NA MÚSICA: BEATRIZ LEONARDO, ELSA LÓPEZ, FERNANDO VILLAR, MARCOS CASAL, LARA LABRAÑA, ANXO MOREDA E ANDREA LOUREIRO (alumnado de ambos centros) e SILVIA PICOS.
|
DESPEDIDA INTERACTIVOS COAS FAMILIAS |
OS GRUPOS INTERACTIVOS COAS FAMILIAS NA BIBLIOTECA REMATAN POR ESTE CURSO. |
PROXECTO: ROTEIROS EN FAMILIA! #ABP #ALFIN #AMI #bescolaresgal #bescolaresgalabertas |
O alumnado de 2º de primaria continúa poñendo en valor o noso patrimonio. O proxecto "Roteiros en Familia" iniciado o curso pasado, pretende coñecer en profundidade a nosa vila, da man das familias e do profesorado. É unha actividade compartida onde teñen que atopar á mascota da nosa biblioteca, o noso famoso percebe Percebiño! Comezaron enviando unha carta ás familias.
Posteriormente, realizaron na aula virtual un xogo de fuga, onde conseguiron pistas para a localización de Percebiño. No transcorrer do xogo tiñan que documentarse na biblioteca, preguntando a algún avó ou avoa... investigando. Aquí temos a algúns deles na localización. Chegamos a Castro Sarridal!! En breves as súas obras... Parabéns rapazada e familias!
|
POESÍA E BIMBIO CON GERALDINE JONES #DiadeRosalia #FamiliasnaBE #PDI #ciencia #arte #bibliotecacreativa #bibliotecainclusiva #LIA #bescolaresgal #bescolaresgalabertas |
A xornada de bimbio amosou o verdadeiro poder da arte.
O alumnado dirixido por Geraldine Jones e coa guía e acompañamento
dos axudantes da artista e das mestras, foron quen de dominar o material
para convertelo en fermosas estrelas, que logo adobiaron con cintas brancas
e azuis, as de Galicia e de Rosalía. Non esqueceron, non, realizar uns recitados
de poesía para celebrar o seu día, o seu nacemento.
Agradecer a Geraldine Jones e Lugares Comúns este fermoso obradoiro.
|
CONTRA O CAMBIO... EU CAMBIO. E TI? |
AS BIBLIOTECAS ESCOLARES DA VILA CONTINUAMOS A TRABALLAR NO PROXECTO DO MEDIO AMBIENTE. APOSTAMOS POLA RECICLAXE, PERO QUEREMOS DEIXAR CLARO QUE O MÁIS IMPORTANTE É A REDUCCIÓN DO USO DE CERTOS MATERIAIS, POR EXEMPLO O USO DO PLÁSTICO. ASÍ ARGALLAMOS UN CONCURSO PARA TODA A COMUNIDADE EDUCATIVA. OLLADE AS BASES AO FINAL DA ENTRADA.
DENDE A BIBLIOTECA CARLOS LABRAÑA PROPUXEMOS UN OBRADOIRO, TODOS OS VENRES, PARA QUEN DESEXE REALIZAR BOCEXOS E MAQUETAS NA XORNADA DO RECREO.
MOITA SORTE A TODAS E TODOS! |
Booktubers -#euquedonacasa |
Inspirados no alumnado de 3º C, da aula de Chus, imos propoñer que vos convirtades en booktubers. Ese libro que estamos lendo, que nos leva a lugares marabillosos, compartámolo con todos e todas! Como? Grava un vídeo de non máis dun minuto, no que digas o título, autor, editorial e moi brevemente de que trata e por que che gusta a ti e o recomendas. Poden participar nenas, nenos e adultos. 1º Paso: Ler o libro. Se non tes ningún, podes mirar nestas ligazóns. Teñen libros en pdf gratuítos. 2º Paso: Realizar un guión escrito do que imos dicir. Revisar ortografía e cohesión (que se entenda o que queremos transmitir). 3º Paso: Ensaiar, isto é como na poesía e no teatro, hai que expresar, esaxerar... 4º Paso: Pedirlle a un adulto un aparello que permita gravar: móbil, ipad, cámara de vídeo... 5º Paso: Gravar e mandalo a calquera destes enderezos, se desexas que o publiquemos. https://facebook.com/bibliotecacarloslabranha/… @beCarlosLabrana biblio.nicolas.del.rio@gmail.com TODO VAI SAÍR BEN! |
FORMULARIO AVALIACIÓN DA BIBLIOTECA #bescolaresgal #bescolaresgalabertas |
Agradecemos que o alumnado, familias e mestras/es cubran o formulario de avialiación da biblioteca. É un dos xeitos de avaliar o funcionamento, recursos, actividades, espazos... e así poder reflexionar e establecer vías para mellorar. A opinión de todos e cada un é moi valiosa. Gracias!
|
Eu experimento na casa. #EuQuedoNaCasa #bescolaresgalAbertas |
Como facer que o metal flote na auga?
|
A NOVA VIAXE DE PERCEBIÑO #euquedonacasa #bescolaresgalabertas |
A introducción da actividade de hoxe semella un novo capítulo do conto recén publicado. Pois a decir verdade, viaxe o que se dí viaxe entendido como o movemento dun lugar a outro podería ser. E todo isto por arte de maxia da nosa biblioteca escolar e a vosa axuda, por suposto. Entre todos imos facer que Percebiño viaxe por todos os sitios que se vos ocurran. Preguntarédesvos como. Aquí vai a explicación da proposta de hoxe:
1. O primeiro que temos que facer é proporcionarlle ao noso percebe favorito un medio de transporte, que polo que podemos supoñer, no que máis lle presta viaxar pode ser un barco. Xa temos o primeiro paso: construír un barco de papel.
2. Cando teñamos o barco feito, metemos nel a Percebiño, e facémoslle unha foto.
3. O último paso pode ser o máis complicado: decidir onde imos mandar a Percebiño. Premede na imaxe para comezar a tarefa. Se precisades axuda, podedes acceder ao vídeo titorial que atoparedes un pouco máis abaixo. Ao entrar dádelle a EDITAR.
TITORIAL GOOGLE MY MAPS:
Compartide as vosas creacións: https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com |
CREA O TEU OBRADOIRO OU FALADOIRO! #bibliotecainclusiva #Axenda2030 #bescolaresgal #bescolaresgalabertas |
Sabedores do voso potencial, xa o tedes amosado en moitas ocasións, queremos propoñervos que deseñedes os vosos propios obradoiros ou faladoiros. Seguro que sabedes facer algo de marabilla: lettering, unha manualidade, un experimento, un actividade de costura, reciclados... Ou falar, diso tamén temos constancia, pero hai temas dos que sabedes a moreas e quedamos pasmados escoitándovos: un animal, un fenómeno físico, unha lenda, o mar, un conto, a recomendación dun libro... Pasade pola biblioteca e apuntádevos! Vos estamos esperando! Todos temos algo que contar!
|
O PERIPLO DE PERCEBIÑO #euquedonacasa #bescolaresgalabertas |
Pasaron xa moitos días desde que Percebiño comezou a súa viaxe polo mundo. Nos vosos barquiños de papel vai visitando lugares moi diversos. Se premedes no mapa podedes acompañalo no seu periplo e engadir algún outro destino (máis indicacións aquí).
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
SEMANA DO MEDIO AMBIENTE - FLORES #euquedonacasa #bescolaresgalabertas |
Respectar e coidar o medio ambiente resulta máis doado se o coñecemos. Hoxe traemos dúas propostas: un caderno naturalista (5 anos) e plantación de sementes (4 anos).
Un caderno de naturalista na casa? Pois si, empezamos a crear un caderno para que o día que podamos saír a pasear saibamos chamarlles ás cousas que vemos polo seu nome. E por qué? Pois porque a aprendizaxe debe construírse dende o noso entorno máis inmediato. Os nenos e nenas teñen que aprender os nomes das cousas, e con esta actividade pretendemos isto mesmo: coñecer algúns nomes de flores.
Non digas unha árbore, dille "carballo", se che gusta a súa sombra tes que nomealo. Que ten un nome, se che gusta a súa sombra, que non se borre. (Campo, M., 2005)
Fotografías: Rafel López Loureiro
Pois si, amiguiños e amiguiñas... son flores que hai en Cedeira. Cando poidades saír a pasear seguro que atopades algunha delas, e seguro que as ides coidar moito, estamos convencidas de que así será.
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
Benvida biblioteca escolar "Carlos Labraña" |
Benvida dende a "Biblioteca Carlos Labraña" para este novo curso 2020/21. Ola, dende o equipo de dinamización da biblioteca escolar damos a benvida a todo a comunidade educativa do noso centro educativo. Neste curso tan complicado, marcado polas adaptacións ao protocoloco do Covid-19, queremos compartir unas pautas xerais reflexadas no noso protocolo da biblioteca. Un saúdo e vémonos neste blog, no facebook e no twitter da nosa biblioteca. |
HORA DE LER |
Unha das novidades para o presente curso escolar, é a incorporación no horario lectivo de 20 minutos adicados á lectura despois do recreo. Dende a biblioteca xestionamos as bibliotecas de aula dotando ás clases con libros de consulta, literatura infantil, cómics, revistas... Nos tempos que corren, buscamos alternativas para levar a cabo un periodo de lectura en condicións de seguridade adaptándonos ao protocolo xa sexa na aula mantendo as distancias de seguridade e con máscara, ou aproveitando outros espazos do recinto escolar ou do privilexiado entorno do noso centro.
PREME NA IMAXE PARA VER MÁIS FOTOS |
"UNHA HISTORIA DE VOLUNTARIADO EN HONDURAS" POR MIÑO GUERREIRO - BIBLIOTECA HUMANA - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas |
O 20 de xuño ás 16:00 h. Apúntate! Aberto a tódolos públicos. Manda unha mensaxe de whatsapp ao 615143625, pon o título do libro que queres ler e o teu nome e apelido.
|
OBRADOIROS DOS CLUBS #bescolaresgal #bescolaresgalabertas #bibliotecacreativa |
Os dous clubs I love Animals e Sylvanian Families continúan amosando autonomía e bo facer. Organizan, preparan, difunden e levan a cabo toda clase de obradoiros. Esta é unha pequena mostra dos seus traballos.
|
ROTEIRO POR SAN ANTONIO DO CORVEIRO - XEOGRAFÍAS LECTORAS |
O alumnado de 1º de E.P. está coñecendo as parroquias da vila e quere poñer en valor o seu patrimonio. Dado as dificultades para implicar ás familias nas actividades no presente curso escolar, apostou por uns roteiros onde o alumnado e as familias teñen que descubrir onde se atopa agochada a mascota da biblioteca, Percebiño. Esta actividade comeza amosando unha fotografía de Percebiño na aula virtual.
Atopada a fotografía teñen que mandar a súa imaxen coa mascota e ler un QR que contén unhas serie de preguntas que teñen que resolver. Poden usar a bibliografía que desexen das bibliotecas da vila, pero valoramos moito a recollida de información oral das e dos maiores, pois moitos deles atesouran unha documentación que non está escrita.
Esta actividade pretende activar outros xeitos de pasar o tempo, máis saudables e en sincronía coa natureza, dar novas alternativas e recoller a historia, a nosa.
Un mapa da nosa vila, feito polas nenas e os nenos, baseado na beleza do de Zoraida Rodríguez García e na exactitude dos topónimos do Diccionario de Xosé-Álvaro Porto Dapena, recolle todo o proceso busca, recollida de documentación e difusión. A este mapa iránselle engadindo novos roteiros con novos descobrementos. Agradecer a participación de todas as persoas que fixeron posible esta actividade.
|
MATEMÁTICAS NA BIBLIO #bibliotecacreativa #bescolaresgal #bescolaresgalabertas |
A biblioteca non só oferta recursos para a lectura, somos unha biblioteca LÍA, o que a configura como un espazo de aprendizaxe dotado de recursos que favorecen as metodoloxías activas e colaborativas, brindando experiencias de aprendizaxe inclusivas e equitativas. Esta é unha mostra traballando no espazo web Penyagolosa Educa. Unha boa ferramenta para traballar o cálculo.
|
UN DESEXO DE NADAL - RADIO ANUNCIO |
Unha época para estar en familia, pero azoutados por unha pandemia que nos afasta. O alumnado de 1º de primaria: Esquíos, Duendes e Vagalumes queren quentar os corazóns da vila mandando un desexo de Nadal. Canción de fondo: RUDOLPH THE RED NOSED REINDEER CON GAITA!! tocada por Antonio Rodríguez Bustabad E agasallar os oídos das cedeiresas e cedeireses cun programa especial de Nadal, do seu programa "O pregoeiro da Vila". Para a súa realización recolleron documentación nunha ficha: como vivían as festas avoas e avos, familias con comercios e datos, asociacións relacionadas co noso alumnado... É un programa longo para escoitar mentres tomas un chocolate con churros, pretende informar de como serán as festas na nosa vila nestes tempos tan delicados. Mestura entrevistas, anuncios realizados pola rapazada, música e o Nadal de sempre. Agradecemos a colaboración de todas e cada unha das persoas que se brindaron a ofrecernos datos e entrevistas. Por e para Cedeira unha actividade de aprendizaxe e servizo. Que o amor invada o corazón de todas e todos os Discalzos e Discalzas.
Collage dos debuxos do alumnado con fondo dunha fotografía das vistas dende a aula. Programa Canva |
DÍA DA ILUSTRACIÓN |
A ilustración é un medio de comunicación, dende a Prehistoria ven agasallando con datos sobre a forma de vida, gustos, talentos... e hoxe, na era Covid é un medio para coñecer e expresar o noso estado de ánimo e deixar saír todo o que temos dentro.
A ilustración na vida non se pode conmemorar nun día, está presente permanentemente, pero os Vagalumes de 1º C quixeron afondar máis no seu coñecemento.
Escolleron un libro: "Alén. A arte de explorar" de Lièbana Goñi, que ademáis de contar unha fermosa historia, ten unhas ilustracións magníficas e nas súas follas podes atopar retallos de moitas obras de arte. A busca de estas obras e o debate sobre o conto, fixo que foran conscientes de que elas e eles tamén son ilustradores cotiás e por que non replicar esas obras? E nesas están!
Ademáis, están creando quebracabezas das obras traballadas no espazo argalleiro da biblioteca creativa. Esta é a primeira remesa. Pódese cambiar o número de pezas, o fondo... A xogar!!
CLICA EN CADA OBRA: AUTORRETRATO CON MONOS - FRIDA KAHLO A PERSISTENCIA DA MEMORIA - SALVADOR DALÍ LABIRINTO - LEONORA CARRINGTON MATERIAL CREADO PARA USO DO PROFESORADO:
|
- « primeira
- ‹ anterior
- …
- 12
- 13
- 14
- 15
- 16
- 17
- 18
- 19
- 20
- …
- seguinte ›
- última »