Título | Resumo |
---|---|
CARTAZ BIBLIOTECAS ESCOLARES 2021/22 |
A Consellería de Cultura, Educación e Universidade publica o lema e o cartel para as bibliotecas escolares de Galicia de cara a este curso 2021/2022. O lema elixido, A BIBLIOTECA ESCOLAR TEN A PALABRA, quere poñer o foco na palabra e a oralidade.
A imaxe que interpreta este lema proposto para o curso 2021-2022 é obra do ilustrador, escritor, deseñador e artista visual Pablo Otero, que leva xa un tempo colaborando coas bibliotecas escolares en formacións e obradoiros.
Os textos escritos e as producións audiovisuais que ofrece a biblioteca en obras de ficción ou de información axudan o alumnado a medrar donos da linguaxe, a ferramenta que lles abre camiños de pensamento, imaxinación, beleza e coñecemento. Mais tamén, as bibliotecas escolares son espazos sociais de encontro que promoven e facilitan o uso da palabra a través do diálogo, a reflexión, o debate, a exposición, os recitais, a lectura en voz alta, os clubs de lectura… Estas propostas son oportunidade para que o alumnado "tome a palabra" e avance no dominio da linguaxe e da lingua que lle é propia.
Máis aínda, como instrumentos a favor da equidade, as bibliotecas dos centros educativos deben procurar o acceso igualitario ao coñecemento e uso do léxico que garante unha mellor comprensión lectora, toda vez que os expertos nos falan da diferencia abafante entre o número de palabras que contén o léxico do alumnado de infantil en función dos contextos familiares, diferencia que marca xa as posibilidades de éxito fronte á lectura.
Na súa constante e natural evolución, as bibliotecas escolares acolleron a nova oralidade secundaria, que promove a comunicación a través dos medios. Programas como Radio na Biblio, Biblioteca Creativa e Biblioteca Inclusiva, abriron as portas a unha oralidade máis formal en forma de podcasts, audiolibros, espazos de coloquio e expresión, facilitando recursos e oportunidades para a adquisición de habilidades e competencias comunicativas de amplo espectro, pois en tempos de comunicación dixital fanse imprescindibles estas competencias básicas: unha expresión oral rica e coidada e unha interpretación o máis axustada posible dos textos orais dispoñibles.
A Biblioteca Escolar ten a palabra é tamén unha proposta para a recuperación da tradición oral como unha forma de achegar o alumnado ás raíces da cultura na que medra, facilitándolle así as claves para acceder ao rico patrimonio inmaterial galego que ten dereito a coñecer, gozar e darlle continuidade.
|
CLUB DE LECTURA |
A BIBLIOTECA ESCOLAR "CARLOS LABRAÑA" XA TEN UNHA PEQUENA TRAXECTORIA NO CLUB DE LECTURA. PERO ESTE ANO A XUNTA AMPLIOU A CONVOCATORIA A PRIMARIA E POR SUPOSTO IMOS PARTICIPAR! PABLO, CATA, XABIER E BASMA SON OS ENCARGADOS DE PUBLICITALO NA RADIO.
ESCOITA O SEU ANUNCIO!!
SE SODES DE 4º, 5º OU 6º PODEDES APUNTARVOS NAS TÁBOAS QUE ESTÁN XUNTO AO CARTAZ, NO CORCHO DA BIBLIOTECA OU NO DO AREAL.
BENVIDOS AO VOSO CLUB DE LECTURA! |
CONTACONTOS CON KAREN #LecturaeFamilias #FamiliasnaBE #STEAM #poloscreativos #bibliotecacreativa #EscribiraBE #bescolaresgal |
Familias e alumnado comparten tempo de lectura de calidade.
Karen Limderfor, veu agasallar ao alumnado coa lectura
do libro "O dragón Zog" de Julia Donaldson.
Para viaxar só hai que asomarse a unha historia.
Ven á biblioteca escolar e poderás levar libros tan fermosos coma este.
Esta actividade enmárcase dentro da actividade da
Biblioteca Humana/Polos Creativos, dentro do programa "Lectura e familias.
|
FORMACIÓN EN CREATIVA CON PABLO OTERO #bibliotecacreativa #bibliotecainclusiva #bescolaresgal #bescolaresgalabertas |
O alumnado de 6º de primaria xogou coas palabras. Baixo o lema das bibliotecas escolares "A biblioteca escolar ten a palabra", realizou dúas experiencias creativas co escritor e ilustrador Pablo Otero.
Está actividade está enmarcada na biblioteca creativa, é unha formación para o alumnado que temos que agradecer á asesoría de bibliotecas. Unha experiencia onde se evidencia que a biblioteca escolar acolle todo tipo de linguaxes (oral, artística, escrita...). Este ano afondamos nas verbas e as súas posibilidade estéticas e creativas.
Pablo Otero, estudou na Facultade de Belas Artes de Pontevedra. É disléxico, pero isto en ningún momento foi un impedimento, senón ao contrario, un reto para profundizar no poder creativo das letras, da súa contorna, da súa estética. Podedes consultar na biblioteca diversos libros ilustrados ou escritos polo autor. Unhas fotografías e un vídeo para ilustrar a xornada.
|
PROXECTO "MÚSICA, MAESTRO!" - PRIMEIRO B #Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas |
|
Analizando a publicidade! - SEMANA AMI |
Coa intención de facer ao noso alumnado crítico ante o mercado de productos e a súa publicidade, dende a BE Carlos Labraña, creamos un xogo na aplicación Genially para que analicen e sexan máis conscientes á hora de adquirir un producto. Esta actividade está enmarcada dentro da Semana Mundial da Alfabetización Mediática e Informacional proposta pola UNESCO.
Engadimos tamén enlace ao código PAOS (código de corregulación da publicidadede alimentos e bebidas dirixido a menores, prevención da obesidade e da saúde).
|
Percebiño responde... |
É algo coñecido por todos e todas que a Percebiño encántanlle as palabras, as boas historias... e por suposto, as cartas! Por iso, retomamos unha das dinámicas máis especiais: Cartas a Percebiño! É dicir, o lugar onde se xuntan inquedanzas, dúbidas, pequenas historias, anécdotas e moito mais... en formato escrito e cun destinatario moi especial: Percebiño. Como vedes nas imaxes xa funciona a pleno rendimento e sabemos de algúns e algunhas que incluso tiveron xa carta de resposta! Asique para que vos animedes os que aínda non escribichedes... aquí vos deixamos os pasos!
E, por suposto, na escola toda actividade ten a súa razón de ser polo que deixamos adxunto a fundamentación pedagóxica. Non esquezas facer un borrador e logo pasar a carta a limpo. Incluímos un modelo, pero tamén podes apuntarte ou pasar pola biblioteca para coller o formato de carta que máis che guste!
|
"UNHA HISTORIA DE VOLUNTARIADO EN HONDURAS" POR MIÑO GUERREIRO - BIBLIOTECA HUMANA - PROGRAMA "LECTURA E FAMILIAS" #LecturaeFamilias #FamiliasnaBE #aBEtenapalabra #bescolaresgal #bescolaresgalabertas |
O 20 de xuño ás 16:00 h. Apúntate! Aberto a tódolos públicos. Manda unha mensaxe de whatsapp ao 615143625, pon o título do libro que queres ler e o teu nome e apelido.
|
PAXARIÑOS |
Os recreos dan para moito! Xogamos cos paxariños!
|
GRUPOS INTERACTIVOS |
Os Vagalumes continúan cos grupos interactivos (aínda sen poder convidar ás familias) pero co mesmo entusiasmo por aprender, colaborar e compartir o aprendido. A biblioteca, centro de recursos e espazo.
Máis información no anexo |
Retos argalleiros! |
A ciencia abarca moitos campos e por iso, dentro deste Mes da ciencia en galego, dende a biblioteca Carlos Labraña non quixemos deixar pasar a oportunidade de plantexar un obradoiro de robótica con un material moi chulo da biblioteca creativa: Lego WeDo.
Así, a través de diferentes e variados retos, a rapazada de 3º de Primaria tivo que poñerse mans á obra desenvolvendo habilidades STEAM e a súa capacidade de traballo en pequeno grupo, para poder levar a cabo todas as propostas e podemos dicir que o pasaron en grande! E, para mostra, aquí tendes un pequeno vídeo onde os veredes en acción!
|
Volcáns ao noso xeito! |
Hoxe, derradeiro día de este mes da ciencia en galego, vos queremos deixar unha pequena mostra do ben que traballa o alumnado desta escola. Como é obvio, o volcán da Palma entrou nas conversas do día a día das aulas dende o inicio de curso e moitos grupos non quixeron deixar pasar a oportunidade de aproveitar para achegarse a este fenómeno natural e, por suposto, a experimentación tiña que estar presente xa que é un método maravilloso para descubrir o mundo que nos rodea mentres que desenvolvemos o pensamento científico, traballamos en equipo...
Aquí vos deixamos un Genially coa mostra do traballo de diferentes aulas para que as imaxes falen por si mesmas pero xa vos avanzamos que foi unha gran experiencia!
|
OBRADOIROS EN FAMILIA - PROGRAMA "LECTURA E FAMILIAS" #LecturaeFamilias #bescolaresgal #bescolaresgalabertas #FamiliasnaBE |
Toda a comunidade escolar quedades convidados aos obradoiros, que dentro do programa "Lectura e familias", levará a cabo Antón Cortizas. Serán na biblioteca escolar o mércores 31 de maio, ás 17:30 h. Esta actividade pertence ao programa "Lectura e familias" da Asesoria de Bibliotecas Escolares de Galicia.
|
POSTAIS DE NADAL - AMIG@ INVISIBLE #bibliotecacreativa #STEAM #bescolaresgal #bescolaresgalabertas |
Proposta obradoiros de postais.
Hai que poñer moito amor e creatividade.
O destinatario será calquera amig@ do centro.
Estas son algunhas fotos das creacións.
Artistas!! Felices Festas! |
RETO DE PESO - Biblioteca Inclusiva #biblioinclusiva #bescolaresgal |
O voluntariado toma as rendas e leva adiante o obradoiro! Que faríamos sen eles e elas?
Gracias rapazada!
|
RECREOS NA BIBLIO #VoluntariadonabE #bescolaresgal #bescolaresgalabertas |
Gracias á colaboración do voluntariado escolar podemos levar a cabo unha manchea de actividades na biblioteca. Gracias rapazada!
|
PROGRAMANDO CON SCRATCH #MesDaCienciaEnGalego #Ciencia #bescolaresgal #bescolaresgalabertas #poloscreativos |
O alumnado de 5ºA, nas sesións do proxecto competencial, aprenden a programar con Scratch . Comezan cos fondos, son, escoller personaxes e aprenden a deseñar un código para que as personaxes realicen as accións que lles encomendan. Esta linguaxe de programación é moi interesante, pois as habiblidades que o alumnado adquire, posteriormente pódense aplicar a outras linguaxes de programación como Python ou Java.
|
INFORMACIÓN FIABLE E DE CALIDADE #PDI #ALFIN #AMI #ciencia #LIA #bescolaresgal #bescolaresgalabertas |
Sabedores de que moitas aulas xa están inmersas na busca de información do proxecto "Naturalmente, aprendendo!" sobre a flora e fauna da nosa contorna, a biblioteca quere ofrecer ademáis dos fondos bibliográficos,
o blog dun naturalista, mestre xubilado da nosa escola que pode aportar información fiable sobre os bichiños e plantas da nosa vila. O blog é: Ao noroeste do Noroeste e o seu autor Rafael López Loureiro, ao que este venres poderemos escoitar tamén no Museo Mares de Cedeira.
Asi mesmo, temos no pobo un estudante de bioloxía, Álvaro Pérez Pérez, que ten Instagram e Twitter con ampla información sobre a nosa natureza. Convidámosvos a visitar as súas páxinas se queredes investigar.
|
AVALIACIÓN CLUBS DE LECTURA 4º PRIMARIA #Clubsdelectura #bescolaresgal #bescolaresgalabertas |
|
PROXECTO: CEDEIRA É UNHA VILA! #ABP #ALFIN #AMI #Axenda2030 #aBEtenapalabra #bescolaresgal #bescolaresgalabertas |
O alumnado de 2º de primaria investiga sobre o noso concello, o Estatuto de Autonomía de Galicia e a Constitución Española.
A biblioteca Carlos Labraña é un lugar de pesquizas e creacións. O producto final é a creación dun lapbook para recoller toda a información.
Posteriormente, aproveitan a celebración da Constitución para visitar o Concello de Cedeira. Alí ven as instalacións, coñecen a persoas que traballan no Concello, preguntan polas súas funcións, sentan na sala de pleno e realizan unha serie de preguntas preparadas na biblioteca. Deste xeito, relacionan contidos aprendidos dun xeito práctico e vivenciado.
Materias creados pola mestra Dulce e o blog de amestraCris.
|
A BIBLIOTECA ESCOLAR TEN A PALABRA! #Axenda2030 #FamiliasnaBE #bibliotecasescolares #bescolaresgal |
E non será a pandemia quen nola quite! Por este motivo e dadas as novas restriccións, o equipo de biblioteca decidíu establecer un espazo para a conversa, dentro da aula virtual do centro. Neste lugar son ben recibidos todas e todos, a comunidade educativa ao completo: familias, alumnado e mestras/es. Comezaremos con catro foros: dous para os clubes, outro para o voluntariado de biblioteca e outro aberto a toda a comunidade educativa. Agradecemos teñades en conta as normas de uso dos foros e vos identifiquedes con nome e apelido. É imprescindible a lectura e aceptación das normas de uso do foro para entrar en eles. Podedes acceder dende aquí.
|
Finalistas do SuperReto Digicraft #ALFIN #AMI #ciencia #bibliotecacreativa #bibliotecainclusiva #LIA |
O alumnado Digicraft foi finalista do SuperReto e asistiu a un encontro na Cidade da Cultura para amosar o seu proxecto. Parabéns polo traballo!!
|
SOLEDAD FELLOZA NA BILBLIO DO IES - PROGRAMA LECTURA E FAMILIAS - BIBLIOTECA HUMANA #LecturaeFamilias #FamiliasnaBE #aBEtenapalabra #bescolaresgal #bescolaresgalabertas |
O vindeiro luns 20 de xuño, dentro do programa Lectura e Familias e no marco
da elaboración da Biblioteca Humana que se está levando a cabo nas bibliotecas escolares,
agrádanos anunciar a presenza de Soledad Felloza no Ies Punta Candieira.
Esta artista polifacética (actriz, contadora de historias, fotógrafa, escritora...)
sorprenderanos cun taller sobre a lectura.
Porque ler está de moda.
Invitamos ás familias a que acudan ao taller.
Poden comunicalo no WhatsApp indicando o seu nome e poñendo Soledad Felloza
no número 665602142. Turno 1 as 10h e turno 2 as 12h.
|
PROXECTO GRUPOS INTERACTIVOS #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal |
Algunhas das xornadas dos grupos interactivos estiveron adicadas ao proxecto da flora e da fauna. O alumnado co acompañamento das familias, profundizou na lectura c omprensiva da información que aporta o Álbum de Flora e Fauna, ollaron as fotografías de Rafael Loureiro (Calel) que foron de gran axuda para colorear e nomear os debuxos para o Libro que eles están realizando, ordenaron fases do crecemento da planta e da ra, traballaron no caderno de campo... e namentres tamén se fixeron máis ricos, coas aportacións dos adultos e dos seus compañeiros e compañeiras. Está claro que a unha sesión de interactivos, nunca se sae como se entra.
|
PROXECTO: ROTEIROS EN FAMILIA! #ABP #ALFIN #AMI #bescolaresgal #bescolaresgalabertas |
O alumnado de 2º de primaria continúa poñendo en valor o noso patrimonio. O proxecto "Roteiros en Familia" iniciado o curso pasado, pretende coñecer en profundidade a nosa vila, da man das familias e do profesorado. É unha actividade compartida onde teñen que atopar á mascota da nosa biblioteca, o noso famoso percebe Percebiño! Comezaron enviando unha carta ás familias.
Posteriormente, realizaron na aula virtual un xogo de fuga, onde conseguiron pistas para a localización de Percebiño. No transcorrer do xogo tiñan que documentarse na biblioteca, preguntando a algún avó ou avoa... investigando. Aquí temos a algúns deles na localización. Chegamos a Castro Sarridal!! En breves as súas obras... Parabéns rapazada e familias!
|
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- …
- seguinte ›
- última »