O próximo luns 11 de setembro comezarán as clases no CEIP Mosteiro de Caaveiro.

Lembramos que o horario escolar será o seguinte:

- 9.30h a 14.30h xornada lectiva

- 14.30 a 15.30 comedor escolar

- 15.30 saída do transporte 

* Os martes o comedor escolar prolongarase ata as 16.15h, con servizo de transporte a continuación.

 Lembrade que o alumnado de 4º de Infantil (3 anos), conforme á lei, iniciará o período de adaptación seguindo as indicacións feitas pola titora na reunión coas familias.

Recomendamos que o alumnado traía unha pequena merenda saudable para tomar no recreo.

* NOTA: A empresa concesionaria de transporte comunica que as rutas e horarios dos autobuses non sufriron ningún tipo de modificación.

A continuación detállanse os listados de libros e materiais para o curso 2017/2018.

MATERIAL 1º DE PRIMARIA

MATERIAL 2º DE PRIMARIA

MATERIAL 3º DE PRIMARIA

MATERIAL 4º DE PRIMARIA

MATERIAL 5º DE PRIMARIA

MATERIAL 6º DE PRIMARIA

LISTADO DE LIBROS DE TEXTO

LEMBRAMOS QUE 5º E 6º DE PRIMARIA NON PRECISAN MERCAR LIBROS AO ESTAR O NOSO CENTRO DENTRO DO PROGRAMA EDIXGAL.

"Reunidos os equipos directivos dos IES Moncho Valcarce e Castro da Uz, dos CEIP's A Magdalena, Santa María, A Fraga e Mosteiro de Caaveiro de A Capela, manifestamos o noso total desacordo co peche do CPI Monte Caxado, ca redistribución do alumnado de secundaria e coa incertidume creada nos centros da Vila de As Pontes cara ao futuro. Igualmente estamos en desacordo coa supresión dun mestre no Mosteiro de Caaveiro."

  O sábado 27 de maio o alumnado do noso centro, acompañado por tres mestres, asistiron ao XI Encontro de Xogos Tradicionais organizado por Brinquedia.

Como sempre foi un día especial.

Preme en Brinquedia, para ver máis fotos

Con data 22de maio de 2017, publicouse a orde que regula a participación no fondo solidario de libros de texto e onde se convocan as axudas para a adquisición dos libros de texto e material escolar para o curso 2017-18, para todo o alumnado de centros sostidos con fondos públicos.

O FONDO SOLIDARIO está vixente nos cursos en primaria.

As AXUDAS PARA A ADQUISICIÓN DE LIBROS DE TEXTO están destinadas ao alumnado que curse 1º ou 2º de Primaria.

As AXUDAS PARA MATERIAL son para o alumnado de todos os cursos que cumpran as condicións fixadas na devandita orde.

Podedes consultar as bases e a convocatoria no portal da Consellería,

http://www.edu.xunta.gal/portal/node/18988

ou no DOGA correspondente. 

As instancias pódense recoller no centro (unha por cada alumno/a) ou descargar  ANEXO no

enderezo http://edu.xunta.es e presentaranse no centro de novo xunto co resto da documentación para a súa tramitación.

O prazo para presentalas  é  ata o 23 de xuño , aínda que para axilizar os trámites e poder entregar os vales correpondentes canto antes pregámoslles as entreguen na Secretaría do centro  o máis pronto posible neste mes de maio , en horario de 11.10 a 12.00 horas .

O alumnado que o vindeiro curso 2017-2018 curse 1º e 2º de primaria pode solicitar axudas para libros e para material . Os que cursen 3º e 4º poden solicitar participar no fondo solidario e tamén poden pedir a axuda para material . Por último , os/as alumnos/as que vaian cursar 5º e 6º soamente poden solicitar axudas para material , pois ao estar no proxecto EDIXGAL non precisan libros de texto 

Estimadas familias:

A dirección do centro comunícalles  que mañá mércores 22 marzo,  debido a un probable temporal de neve, non se suspenden as clases pero sí o transporte escolar, a partir das 12.00h. Polo tanto, o alumnado que asista ao centro deberá ser recollido, na tarde, polas respectivas familias. O xoves tampouco haberá transporte, no percorrido da mañá.

 Adxuntamos a comunicación da xefatura territorial co aviso para mércores 22 e xoves 23.

A SUSPENSIÓN do TRANSPORTE ESCOLAR por alerta LARANXA, entre as 12:00 horas do día 22 e as 12:00 horas do día 23 de marzo, por acumulación de neve de ata 5 cm de espesor, que afectará as zonas de predición meteorolóxica do Interior da Coruña, do Centro e Sur de Lugo, do Noroeste de Ourense e do Interior de Pontevedra; e entre as 8:00 horas do día 22 e as 12:00 horas do día 23 de marzo, na zona de predición meteorolóxica do Sur de Ourense.

Estean atentos a outros posibles avisos na web.