DÍA DA BIBLIOTECA

Ola a todos e todas e benvidos !!!! 

Este curso ven cheíño de novidades que vos iremos contando,...E, para empezar con bo pé, nada mellor que celebrar o día grande da nosa Biblio...Está MULTILEO, a nosa mascota, ilusionadísima e con moitas gañas de contarvos como celebramos o aniversario o pasado 24 e 25 de Outubro na biblioteca.

Primeiro os colaboradores da biblioteca foron os encargados de facer a actividade “Eu léoche un conto” cos máis novos do cole, os nenos e nenas de 3 anos, a quenes levaron á biblioteca e tamén lles entregaron os seus novos carnés e os exemplares dos Bolechas que nos regalou Sogama para entregar a todo o alumnado de infantil.

Outra das actividades, que realizaron tódolos cursos foi a de “ Recomendo un libro da miña Biblioteca”. Os nen@s escolleron un libro ou conto da Biblio e logo fixeron un debuxo da súa portada e escribiron o título do libro escollido xunto co seu nome. Unha vez que todos remataron a actividade realizóuse unha exposición co resultado do traballo.

MULTILEO está moi contento polo gran traballo que levaron a cabo tódolos alumnos e alumnas e mándalles unha aperta moi grande para cada un deles!!!!