Eventos

Celebrando o noso tradicional Magosto...

Estas son algunhas das actividades que realizamos no Nadal!

Esta semana cumpriremos cos mandadiños do Meco!

Comezamos...

Tal día coma hoxe en 1837 naceu a nosa Rosalía de Castro. Mañá, despois dunha semana traballando sobre ela e coñecéndoa un pouquiño máis, farémoslle, coma todos os anos, unha agarimosa homenaxe. Trasladamos un recuncho da nosa biblioteca ao século XIX e alí sementaremos os seus pensamentos, pensamentos dunha GRAN MULLER, a quen non deberiamos esquecer nunca, nin a ela nin a defensa da nosa lingua, coma ela o fixo. Os nenos/as declamarán algunhas das súas poesías e prantarán un pensamento, unha flor. Os nenos/as serán recibidos por unha "Rosalía" moi especial. Agardamos con ilusión o momento!!!!!! Xa vos contaremos como foi.

Engadimos algunha imaxe máis do que foi esta fermosa actividade

Plantamos pensamentos cos pétalos cheos de versos de Rosalía de Castro.

Quedaron así de chulos!!!

Do luns 21 ao xoves 24 cumprimos cos mandados do Meco, relacionados co tema globalizador

deste curso: "Remexendo no pasado".

O venres 25 disfrazámonos  libremente e repartimos chaolas, batidos e zumes entre as diferentes clases.

Preme na imaxe para ver máis fotografías.

Durante a semana pasada todo o alumnado estivo traballando sobre A PAZ: individualmente, por grupos, por clases,... para conseguir unha actividade  final que realizamos todos xuntos o pasado luns, 7 de febreiro. Foi unha semana moi intensa pero mereceu a pena, e o  luns foi un día moi especial onde nos responsabilizamos e, á vez,  gozamos dunha actividade moi especial, na cal o  alumnado estivo á altura e portouse xenial. Estiveron a gravarnos e, nuns días subiremos o video á web para que as familias tamén podan gozar do traballo dos/as nenos/as. Esta é unha pequena mostra do traballo realizado.

PROCESO DE ADMISIÓN DO ALUMNADO

CURSO 2022-2023

Entre o martes, 1 de marzo e o luns, 21 de marzo de 2021 levarase a cabo a fase de admisión de alumnado en centros docentes sustentados con fondos públicos que imparten ensinanzas de 2º ciclo de Educación Infantil, Educación Primaria, Educación Secundaria Obrigatoria e de Bacharelato, reguladas na Lei 2/2006, do 3 de maio, de educación, para o curso 2021/22.

 O alumnado que xa está matriculado neste centro non ten que facer ningún trámite.

 O alumnado que iniciará a escolarización en 4º de EDUCACIÓN INFANTIL no vindeiro curso 2020/2021 deberá realizar a presentación da solicitude no colexio solicitando cita previa no teléfono 881 88 04 34 ou facéndoo telemáticamente a través da web da Consellería de Educación (admisionalumnado).

 Tanto no caso de presentar a solicitude telemáticamente como no caso de presentala directamente no centro deberá achegarse fotocopia da documentación pertinente:

• DNI da alumna/o en caso de telo.

• DNI proxenitores.

• Libro de familia.

• Se é o caso, documentación xustificativa da solicitude dunha praza para alumnado con necesidades específicas de apoio educativo.

• Certificado oficial do expediente académico se é o caso.

• Sentenza xudicial de separación ou divorcio e/ou convenio regulador onde conste a custodia do menor, de darse o caso.

• No caso de presentar a solicitude persoalmente no centro, ésta estará firmada alomenos por un dos proxenitores.

• No caso de separación ou divorcio será necesaria a sinatura de ambas/os proxenito-ras/es, agás que a patria potestade estea atribuída, con carácter exclusivo, a un deles.

• No suposto de alumnado afectado por situación de violencia de xénero non será exixible o previsto no parágrafo anterior.

• Outra documentación.

Axuda e Normativa relacionada

Impreso de solicitude: GALEGO / CASTELÁN

  Ola, aquí vos deixamos unha pequena testemuña da celebración do Día de Rosalía no noso cole. Subiremos algún video máis sobre a actividade. ESTADE ATENTOS/AS!!!

Este video é un exemplo da actividade que se realizou na nosa biblio. Todos os niveis de EI e de EP pasaron polo rincón de Rosalía a escoitar o que Camaleo e Rosalía lles tiñan que dicir. Eles/as , como agradecemento, declamaron unha das súas poesías e plantaron un pensamento cheo de versos da autora.

Esta semana estamos a celebrar A SEMANA DA PRENSA no noso cole. Entre as actividade que temos programadas para estes días está a visita tan especial que recibimos onte, o xornalista de El Progreso, Xabier Lombardero, estivo con nós explicándonos e aclarándonos  moitas aspectos do xornalismo e dos xornalistas, así como contestando a todas as nosas curiosidades, que foron moitas e moi interesantes. Foi unha velada moi prolífera na que aprendimos e gozamos moito. Oxalá teñamos oportunidades de seguer coñecendo a persoas importantes, que nos sigan aportando.Tamén contamos coa colaboración de  Álvaro Ramil que de xeito voluntario realizou unha reportaxe fotográfica do evento. Moitas grazas aos dous.

O venres 18 O Progreso dedicounos unha páxina do seu Suplemento. Sentímonos moi ledos e importantes. Grazas!!!

Hoxe recibimos no patio de recreo a antigos alumnos/as do cole, que agora están no IES Cabo Ortegal de Cariño. Viñeron encantados/as a recitarnos unhas fermosas poesías. Algún/has dos/as nosos alumnos/as tamén se animaron e declamaron poesías de Rosalía que aprenderan fai unhas semanas,. Foi un momento moi entrañable.

Aquí vos deixamos unhas fotos do que foi a actividade.