Eventos

Select event terms to filter by

Luns Maio 07, 2018

Start: 07/05/2018 00:00

Do 7 ao 10 de maio o alumnado de 6º de EP realizará unha viaxe a Madrid onde visitarán o Museo do Prado, Museo de Cera, Estadio Santiago Bernabéu, Parque do Retiro, Parque Warner, outros lugares emblemáticos da cidade e asistirán ao musical "El rey León" no teatro Lope de Vega.

Preme na imaxe para ollar máis fotos.

Luns Maio 14, 2018

(page)

LISTAXE DEFINITIVA DE ADMITIDOS/AS Á MATRÍCULA-CURSO 2018/19

Start: 14/05/2018 09:43

Mércores Maio 16, 2018

(page)

SEMANA CULTURAL DAS LETRAS GALEGAS

Start: 16/05/2018 00:00

Para rematar a celebración da Semana das Letras Galegas, que este ano homenaxea a Mª Victoria Moreno Márquez, o mércores 16 de maio, celebraremos o noso tradicional festival con diferentes actuacións:

Telediario sobre a vida e obra da autora homenaxeada. (5º A)
Proxección de vídeos: "Eu son científica". (4º A)
Actuación musical. (Asociación Aspromor)
Canción: "Métete baixo o mar” (Educación Infantil)
Canción: "Rap das Letras Galegas”. (2º A)
Proxección: "Xogo de nenos". (Alumnado de E.P)
Teatro: "Ratiños en apuros". (3ºA)
Canción: “Rock do pentagrama” (3º B)

Desexamos que pasedes un intre agradable!!!

Venres Maio 18, 2018

(page)

DÍA NON LECTIVO

Start: 18/05/2018 00:00

O Consello Escolar, atendendo á Orde do calendario escolar para o curso 2017/2018, elixiu como día non lectivo o 18 de maio, polo que non haberá clase. O alumnado reincorporarase ao centro o luns, 21 de maio de 2018.

Martes Maio 22, 2018

(page)

VIAXE DIDÁCTICA EDUCACIÓN INFANTIL

Start: 22/05/2018 00:00

O alumnado de Educación Infantil realizará unha viaxe didáctica a Ferrol para coñecer o Xardín temático sobre a auga, Aquaciencia, e visitar o Parque de Bombeiros .

Xantarán na Área Recreativa de O Castro (Cerdido).

(page)

PARTICIPACIÓN NO FONDO SOLIDARIO DE LIBROS DE TEXTO, AXUDAS PARA LIBROS E AXUDAS PARA MATERIAL ESCOLAR- 2018/19

Start: 22/05/2018 00:29

Desde o día 22 de maio ata o 22 de xuño de 2018 (incluído) estará aberto o prazo para a participación no fondo solidario de libros de texto e solicitude de axudas para a adquisición de libros de texto e material escolar para o curso 2018/ 2019

Esta convocatoria ten tres modalidades:

Participación no fondo solidario de libros de texto: Vai dirixida ao alumnado de 3º e 4º de E. Primaria. Consiste na entrega nunha cantidade de libros de texto segundo o nivel de renda e a dispoñibilidade de libros. As rendas per cápita inferiores a 5.401 euros terán garantida a entrega de 6 libros , as rendas per cápita entre 5.401 e 9.001 euros terán garantida a entrega de 4 libros de texto.

Axuda para a adquisición de libros de texto: Dirixida ao alumnado de 1º e 2º de E.P.

Axudas para material escolar: Para o alumnado de 1º, 2º, 3º, 4º, 5º e 6º de E.P.

As solicitudes poden presentarse utilizando un destes medios:

Aplicación web "Fondolibros" https://www.edu.xunta.es/fondolibros/ , gardando a solicitude e presentándoa no centro ou a través da Sede electrónica da Xunta de Galicia https://sede.xunta.gal/detalle-procedemento?codtram=ED330B
No colexio, imprimindo este formulario ou recollendo un modelo no colexio.

DOCUMENTACIÓN A APORTAR XUNTO COA SOLICITUDE:

A solicitude cuberta e asinada polo/a pai, nai, titor/a do/a alumno/a
Fotocopia do DNI/NIE dos membros da unidade familiar cando non autoricen a consulta telemática.
Fotocopia do libro de familia onde figuren os membros computables da unidade familiar (en caso de non telo, poderase acreditar con: certificado/volante de convivencia, informe dos Servizos Sociais que acredite a situación, sentencia xudicial de separación/ divorcio ou convenio regulador onde conste a custodia do/a menor).
Grao de discapacidade dalgún dos membros da unidade (agás que fose emitido pola Xunta de Galicia, que só se presentará no caso de non autorizar a súa verificación).
Outra documentación que acredite casos de violencia de xénero, incapacitación xudicial con patria potestade prorrogada/rehabilitada...

* A situación familiar e a renda per cápita familiar reflectirá os datos con data a 31 de decembro de 2016.

* Computarán como membros da unidade familiar os/as pais/ nais que teñan a custodia compartida do/a menor e os/as fillos/as menores de idade e/ ou maiores de idade ata os 25 anos que convivan no domicilio familiar.

Máis información: http://www.edu.xunta.gal/portal/node/25042

(page)

AVALIACIÓN INDIVIDUALIZADA DE 3º E.P.

Start: 22/05/2018 14:18

INFORMACIÓN SOBRE AS PROBAS DE AVALIACIÓN INDIVIDUALIZADA (3º E.P.):

Datas de celebración das probas:

23 e 24 de maio de 2018

Información de interese para as familias do alumnado de 3º E.P.:

Durante os días 23 e 24 de maio o alumnado de 3º de educación primaria terá as probas da

avaliación individualizada. Esta avaliación medirá contidos relacionados coa comprensión oral e

escrita, o cálculo e a resolución de problemas matemáticos (competencias en comunicación

lingüística e competencia matemática).

Máis información no seguinte enlace:

http://www.edu.xunta.gal/portal/node/24784 (DOG do 26 de abril de 2018)

Venres Maio 25, 2018

(page)

VIAXE DIDÁCTICA EDUCACIÓN PRIMARIA

Start: 25/05/2018 00:00

O alumnado de 1º, 2, 3º e 4º de EP visitarán a Granxa-Escola Casa do Queixo (Sobrado dos Monxes) onde realizarán múltiples e variadas actividades.

O alumnado de 5º e 6º de EP realizará unha viaxe a Padrón para visitar a Casa Museo de Rosalía, a Riveira para visitar as Dunas de Corrubedo e a Porto do Son para visitar o Castro de Baroña.

(page)

Xornal escolar, maio 2018

Número 71 do xornal escolar "O Espigonciño"