Donas de si

O pasado xoves 19 de Abril, tivemos unha xornada moi especial para conmemorar o "Día internacional das rapazas nas TIC", que é o día 26 de Abril.

O alumnado de 3º,4º,5º e 6º de primaria participou nun taller que, ademáis, está vinculado a dous proxectos que levamos a cabo no centro: "Donas de sí" e "Introducción á robótica na educación primaria".

O Instituto da Muller e para a Igualdade de Oportunidades en colaboración coa Secretaría Xeral de Igualdade ofertaron unha nova edición do seguinte taller: 

Programa Diana:

"Talleres de Programación Creativa na Igualdade". 

Nesta xornada o alumnado estivo a visualizar videos nos que puideron ver os avances tecnolóxicos que foron ocorrendo nos últimos anos no eido da robótica e da programación, así como da man de quen foron producidos, facendo especial fincapé no papel da muller no mundo da informática, programación, robótica e tecnoloxías STEAM, papel que moitas veces é solapado dando a coñecer soamente os logros de figuras do xénero masculino. 

EXPOSICIÓN MULLERES DA CIENCIA

Dentro do proxecto DONAS DE SÍ, e coa finalidade de dar a coñecer a importante labor de diferentes mulleres galegas que traballaron a prol da ciencia presentámosvos a exposición PREMIOS MARÍA JOSEFA WONENBURGER. Esta muller pioneira fixo aportou grandes proxectos no campo das matemáticas.

Coa finalidade de por en valor o traballo desta gran muller creáronse os premios que levan o seu nome, e que se conceden cada ano a unha muller galega que traballa en diversos eidos da ciencia. A través desta exposición puidemos coñecer as achegas destas mulleres galegas da ciencia que seguen a traballar e investiar cada día.

A exposición estivo no Centro dende o 28 de Febreiro ata hoxe, 12 de Marzo, e serviunos para aprender unha morea de cousas do traballo detas importantes mulleres. Aquí vos deixamos unha pequena mostra para que vos tamén poidades aprender cousas interesantes sobre o traballo destas mulleres. ESPERAMOS QUE VOS GUSTE TANTO COMO NOS GUSTOU A NOS

Defensora da lingua galega e do seu pobo, nunha época na que non resultaba fácil, por múltiples motivos.

Defensora dos dereitos das mulleres e en continua crítica á discriminación e ao maltrato de xénero.

Exemplo no mundo da poesía e considerada, xunto con outros autores, precursora da poesía española moderna, e sen dúbida unha das grandes figuras da época do Rexurdimento en Galicia. 

Os seus poemas e obras son de tal transcendencia que son moitos os idiomas aos que foron traducidos: xaponés, alemán, francés ou ruso.

O 24 de Febreiro é o día de Rosalía de Castro, por iso oxe no centro quixemos festexar esta xornada traballando xuntas/os.

Primeiro realizamos unha viaxe pola vida de Rosalía e recitamos pequenos fragmentos da súa obra para a visualización e coñecemento desta figura tan importante na nosa historia. 

Logo realizamos un gran puzzle-mural, onde cada neno e nena puxo o seu gran de area para conseguir entre todas e todos un gran resultado! 

Aquí vos deixamos algunhas das imaxes do día. 

#AbrideAFiestra

"Ela é o refacho que busca abrir as nosas fiestras. 

Un refacho que chega dende o pasado para nos falar do futuro"