CEIP PLURILINGÜE FRIAN-TEIS (VIGO)

O 24 de febreiro festéxase o día de Rosalía de Castro, muller representativa de Galicia e poetisa admirada. No Frian non queríamos deixar pasar a oportunidade de rendirlle homenaxe. Todo o alumnado escribiu o seu poema mais coñecido

"Adeus ríos, adeus fontes" para crear un mural conmemorativo. Quedou moi vistoso e foi un traballo colaborativo de todo o alumnado dende infantil a primaria.

Ademais interpretamos un rap deste mesmo poema , cantado polo alumnado de 6º e que despois foi traballado por todo o alumnado elaborando pictogramas representativos do mesmo. Fixemos un lipdub todos xuntos.

Encantounos o resultado!!!Feliz día de Rosalía!!!!

Coa escusa do día de San Valentín, festexamos o I Certame " Poemar ao amor". Un certame que implica plasmar os nosos sentimentos cara ós diferentes tipos de amor que forman parte das nosas vidas: amigos, pais/nais, avós, a natureza... E así foi como a participación do alumnado do Frian non se fixo esperar . Aquí deixamos unha mostra dos mellores poemas e algúns dos finalistas do certame. Os gañadores poderán recitar o seu poema o día 22 de marzo no que festexaremos o día da Poesía. A súa vez tamén serán publicados no xornal do cole e haberá algunha que outra sorpresa. 

Grazas a todos os alumno/as, grupos  e as familias pola súa participación. Esperámosvos no certame do ano vindeiro!!