Coa entrada do mes de novembro iniciamos o "MES DA CIENCIA". Un mes cheo de actividades, experimentos, obradoiros, فوائد الصبارexposicións... para poder coñecer, gozar e vivir a ciencia.
Pero ademais, aquí vos deixamos unha pequena recopilación de recursos para que na casa poidades seguir investigando en familia.
Este día tan importante no calendario escolar merece unha celebración moi especial e significativa para todos e todas no noso cole, e como non podía ser de outro xeito, celebrámolo facendo actividades ao longo deste semana. Nesta celebración contamos coa presenza de Ledicia Costas e temos que darvos unha gran nova:
“LEDICIA COSTAS É A MADRIÑA DA NOSA BIBLIOTECA ”
O seguinte genially mostra a folla de ruta desta celebración:
O Día das escritorasé unha conmemoración promovida pola Biblioteca Nacional de España onde búscase reivindicar o labor e o legado das autoras a través da historia a partir da lectura de fragmentos representativos das súas obras. A IV edición celébrase este ano 2019 o 14 de outubro baixo o lema “Mulleres, amor e liberdade”. Desde o Frian non quixemos perder a ocasión de visibilizar a obra das escritoras galegas. Por iso ao longo desta semana fixemos exposicións de libros de escritoras galegas e da nosa cidade, escribimos e recitamos fragmentos dos mesmos e fixemos actividades interniveis entre todo o centro.
Aquí deixámosvos unha pequena mostra dos traballos que realizamos e dalgúns vídeos do recitado de fragmentos e poemas que traballou o noso alumnado para esta celebración.
Neste día tan importante, Ledicia Costas, a escritora Viguesa por excelencia, agasallounos cunha das súas últimas obras "Conexión Macarrón" que formará parte da nosa biblioteca como un tesouro para nós.
O luns 30 de setembro dende a "Milla diaria" fixemos un chamamento ao coidado do noso Planeta facendo así a "Milla polo clima". Coas pancartas realizadas a semana anterior, fixemos o percorrido diario facendo visibles os nosos lemas polo coidado do Clima, dento do programa #ODSéateque recentemente temos estrenado no noso colexio.
Ademais esta vez o alumnado de 5º e 6º foron aula por aula recollendo os máis cativos do colexio para facer a Milla todos xuntos. Ao rematar a mesma tivemos sesión fotográfica e colgamos os nosos carteis no patio inferior para compartilos con toda a Comunidade Educativa.