Música

O vindeiro venres 21 de decembro ás 15:30, farase no colexio o festival de Nadal ao que estades convidadas todas as familias. A orde das actuacións será a seguinte:

O pasado 16 de maio celebramos no colexio o Día das Letras Galegas.

Na sesión da tarde, todos os alumnos e alumnas do colexio participaron de diversas formas:

-   Interpretación de obras de teatro.

-   Cancións e bailes acompañados de instrumentos.

-   Actuación do Coro do noso colexio.

Podedes ver as fotos premendo na imaxe de abaixo.

O coro do colexio trasladouse a Vilalba para dar un concerto co gallo do 50 aniversario do CEIP Mato Vizoso da capital chairega.

O alumnado fixo tres pases: Un longo para o alumnado de 4º, 5º e 6º no que interpretou case todo o repertorio co que conta, un curto para o alumnado de infantil e un último para o alumnado de 1º, 2º e 3º. Ao rematar os pequenos cantantes recibiron un agasallo e un diploma por parte do centro vilalbés.

Unha representación do coro tamén subiu ás clases para que lles fixesen unha entrevista para o xornal do colexio.

O venres 6 de abril o noso colexio recibiu a visita dalgúns membros da Escola Municipal de Música de Burela. Estes amosáronnos parte dos instrumentos que utilizan e ofrecéronnos unha mostra do traballo que realizan. Ademais, fixeron aos alumnos e alumnas partícipes da sesión (probando a tocar instrumentos, facendo preguntas...). Podedes ver as fotos premendo na imaxe de abaixo.

O día 21 de decembro celebramos no colexio o Festival de Nadal. Podedes ver as fotos premendo na imaxe de abaixo.