Skip to Content

BOCA-ORELLA: SOLUCINANDO CONFLITOS EN EDUCACIÓN INFANTIL

Dom, 06/05/2018 - 20:11 — admin

O alumnado de Educación Infantil foi formado para que entre eles/as sexan capaces de dialogar e resolver os seus conflitos dun modo pacífico.

Na aula colocouse unha imaxe dunha boca e unha imaxe dunha orella, xunto ás que deben colocarse para, por turnos, falar e escoitar do problema que tiveron.

Todo un éxito, xa que entenderon o funcionamento á prefección e emprégano dun modo moi construtivo.

Arriba eses/as peques!

 

(Ver imaxes na galería)

MEDIACIÓN: SOLUCIONANDO CONFLITOS PACIFICAMENTE

Dom, 06/05/2018 - 20:07 — admin

A mediación é unha estratexia de resolución pacífica de conflitos entre iguais.

Neste proceso, actúan como axentes, mediadores, os alumnos e alumnas de 4º, 5º e 6º de Educación Primaria que así o solicitaron e que foron formados para tal fin.

Na entrada do centro colocouse un buzón onde depositar as solicitudes de mediación e foi acondicionada a aula que servía de almacén para levar a cabo as reunións.

Con esta estratexia buscamos que diminúan os problemas entre o alumnado do centro e que, de surxir, sexan os nenos e nenas capaces de resolvelos.

A traballar!

MANUALIDADES NA RESIDENCIA DE MAIORES

Dom, 06/05/2018 - 19:55 — admin

Para celebrar a chegada da primavera, todos os nenos e nenas do cole foron convidados a participar xunto cos maiores da residencia Querqus a pasar unha divertida mañá realizando manualidades.

Xeracións mesturadas, elaboraron unhas fermosas bolboretas decorativas.

 

(Ver imaxes na galería)

DÍAS NON LECTIVOS NO MES DE MAIO

Dom, 29/04/2018 - 19:56 — admin

No mes de maio non serán lectivos os seguintes días:

- 1 de maio, martes - Festivo Nacional (Día do Traballo).

- 3 de maio, xoves - Festivo Local (Santa Cruz).

- 17 de maio, xoves - Festivo Autonómico (Día das Letras Galegas).

- 18 de maio, venres - Día elixido polo centro.

CELEBRANDO O DÍA DO LIBRO

Dom, 29/04/2018 - 19:43 — admin

O pasado luns día 23 de abril celebrouse o Día do Libro e no cole de Leiro tamén o festexamos ó noso xeito.

Os/as alumnos/as de 4º, 5º e 6º de Educación Primaria léronlle e dramatizáronlle contos ós demáis nenos/as do centro, os cales elixiron e prepararon nos días previos.

Organizáronse en pequenos grupos, elixiron o lugar do patio que quixeron e... ás 11:15 horas en punto... a ler todos/as á vez!

 

(Ver imaxes na galería)

Distribuir contido


by Dr. Radut