CEIP O Couto

O prazo de matrícula (para alumnado xa admitido) é do 20 ao 30 de xuño de 2021 (ambos inclusive).

Podes descargar os impresos de matrícula aquí. 

Ábrese o prazo desde o 21 de maio ao 22 de xuño para solicitar a participación no Fondo Solidario de Libros e nas Axudas para adquirir libros de texto e material escolar. 

Aquí tedes un resumo da información máis importante. 

Consulta completa no DOG de 20 de maio de 2021

Pódese participar desde www.edu.xunta.gal/fondolibros

Anunciamos a publicación das listaxes DEFINITIVAS de admitidos no noso centro para o Curso 2021/2022.

Debido á Lei Orgánica de Protección de Datos as listaxes so se poden consultar no taboleiro de anuncios do Centro, ou ben chamando ao noso teléfono ( 988 - 78 30 60 )

Tamén é posible na propia aplicación da Consellería:

Admisión Alumnado

Se as familias dispoñen de Certificado Dixital, DNI electrónico ou Chave365 poden acceder a todos os datos da súa solicitude. 

Xa temos o vídeo que recolle o Proxecto Homenaxe a  Xela Arias coas familias de Infantil!

É fermoso, emocionante e un recurso educativo de gran valor.

O recitado dura uns 10 minutos máis ou menos, pero o vídeo dura algo máis... non podiamos

deixar pasar todos os agarimos espontáneos, bicos, apertas, miradas e sorrisos cómplices que

acompañaban os vídeos froito do recitado, así que lles puxemos a música incrible de A banda

da Loba e fixemos un  videoclip que vén a continuación.

Mil grazas a todas e todos os que o fixestes posible!

E mil grazas tamén á Banda da Loba pola súa colaboración!

(Lembrade que se vedes o vídeo no computador podedes cambiar a resolución ao abrilo nos axustes de drive e terá maior calidade)

O 23 de abril celebramos o "Día do libro".

Este vídeo que vos presentamos amosa algunhas actividades realizadas durante a semana.

Desexamos que disfrutedes deste día e que a lectura vos acompañe os 365 días do ano.

Anunciamos a publicación das listaxes PROVISIONAIS de admitidos no noso centro para o Curso 2021/2022.

Debido á Lei Orgánica de Protección de Datos as listaxes so se poden consultar no taboleiro de anuncios do Centro, ou ben chamando ao noso teléfono ( 988 - 78 30 60 )

Tamén é posible na propia aplicación da Consellería:

https://edu.xunta.es/admisionalumnado/

Se as familias dispoñen de Certificado Dixital, DNI electrónico ou Chave365 poden acceder a todos os datos da súa solicitude. 

A listaxe DEFINITIVA sairá publicada o 14 de maio. 

A Concellería de Política Social do Concello de Ourense informa que no BOP do día 12 de abril de 2021 saíu publicada a convocatoria para a petición de axudas de libros de educación infantil el comedores escolares para o curso 2021-22.

O prazo de presentación de solicitudes será dende o día 13 de abril ao 3 de maio, ambos os dous incluídos.

As instancias pódense recoller na Oficina de Atención Cidadá (Praza Maior 1), nas oficinas municipais da Rúa Bispo Carrascosa 8 e en todas as UNIS de Benestar Social.

Toda a información destas axudas pódese consultar na Sede electrónica municipal

   RETO CONSEGUIDO !!!!

Noraboa a todos e todas os que formamos parte da comunidade educativa do CEIP "O Couto".

Coa ilusión e esforzo de todos e todas nós, apostando por un futuro e un presente no que a igualdade poida non ser só un reto senón o noso día a día, onde a nosa educación sexa unha educación que garanta os valores de inclusión, de igualdade, de non discriminación e de respeto.

Noraboa,

xuntos, moito mellor.

Rematado o prazo de presentación de solicitudes para as vacantes ofertadas neste centro, informamos que

TODAS AS SOLICITUDES foron ADMITIDAS  e teñen garantida a RESERVA DE PRAZA para o curso 2021-2022 xa que a demanda non superou á oferta e polo tanto NON é necesario BAREMAR. 

Lembramos que o prazo de matrícula comezará o 20 de xuño de 2021.