CEIP O Couto

O pasado día 8 dimos a benvida ao alumnado para este novo curso 2022-23.

Con ilusión e esperanza percibimos como a rapazada tiña ganas de volver a unha normalidade perdida nos últimos meses. 

Desexamos a toda a comunidade educativa un bo curso onde a convivencia e a harmonía sexan a base para todo o demáis. 

A entrega dos libros de texto correspondentes ás axudas de Fondo de Libros terá lugar o vindeiro martes 6 de setembro, cos seguintes horarios.

Os titores de cada grupo, no edificio de Rampa de Sas, entregarán os libros ás familias, previa sinatura de xustificante de entrega.

Nos cursos de 3º e 5º de Educación Primaria non podemos garantir a dispoñibilidade de todos os libros para ese día. Se algunha familia prefire agardar a que estén todos, poderán recollelos unha vez iniciado o curso nas oficinas administrativas de Rampa de Sas.

Se algunha familia ten irmáns en distintos cursos, pode escoller a franxa horaria que prefira.

Lembramos que tamén están dispoñibles os vales para compra de material e/ou libros.

Entradas e Saídas do Alumnado no Curso 2022-2023

EDIFICIO GRECO

Entrada: 9:00h

(As portas abriranse ás 8:55 horas e pecharanse ás 9:05 horas)

Saída: 13:55 (Educación Infantil) e 14:00 (Educación Primaria)

A entrada do alumnado (tanto E.Infantil como E.Primaria) poderá facerse pola cancela grande (portas dos murais) ou pola cancela traseira (entrada pola rúa Dalí).

O alumnado será recollido polo profesorado correspondente.

As familias non accederán ao recinto escolar.

A saída do alumnado (tanto E.Infantil como E.Primaria) farase exclusivamente pola porta principal, sendo entregado polo profesorado correspondente.

O alumnado de 3 anos, durante o período de adaptación, entrará pola porta de entrada principal do colexio no horario establecido, e unha vez rematado o período de adaptación, entrará polas cancelas ao igual que o resto do alumnado.

EDIFICIO SAS

Educación infantil

Entrada: 9:05h

Saída: 13:50h

Co fin de facilitar a entrada do alumnado de Educación infantil ao colexio, pódese facer pola entrada principal de abaixo (preferentemente) ou pola entrada de arriba (rúa das Meigas - aparcadoiro).

No caso de irmáns, a entrada farase pola porta de abaixo e o alumnado de infantil será o que entre no horario do irmán de Ed.Primaria e serán atendidos polo profesorado de garda.

No caso de alumnado que acceda ao centro pola porta superior (aparcadoiro), deberá esperar xunto coa familia (fóra do recinto escolar) a que os seus compañeiros suban para incorporarse á fila.

No período de adaptación de infantil (3 anos), as familias poderán acompañar aos seus fillos e fillas ata a porta da aula tanto nas entradas como nas saídas.

Educación primaria

Entrada: 9:00h

Saída: 14:00h

As entradas e saídas ao colexio do alumnado de Educación Primaria faránse exclusivamente pola cancela de abaixo (porta principal de entrada ao patio).

As portas abriranse ás 8:50 horas

Haberá profesorado na cancela e no patio, responsable do alumnado unha vez que entre no recinto escolar, para organizar a súa incorporación ás filas e posteriormente ás aulas.

As familias non accederán ao recinto escolar.

No momento da saída, o alumnado acompañado do profesorado correspondente será entregado ás familias na porta principal (cancela de abaixo).

Os/as alumnos/as de 5º e 6º de E. Primaria poden sair sós do centro. Para iso deberán traer asinada unha autorización. Este alumnado tamén pode estar autorizado a recoller irmáns pequenos.

Ningún alumno pode sair só do centro sen ditas autorizacións.

No caso de alumnado que teña que esperar a que saian os seus irmáns, será atendido polo profesorado correspondente.

Prégase puntualidade tanto nas entradas como nas saídas do colexio.

En reunión de Consello Escolar mantida o 29 de Xuño do 2022, informouse da nova redistribución do alumnado no curso de 5º de Educación Primaria.

A xustificación pedagóxica que avala os criterios de redistribución pódese consultar no apartado “Documentos do Centro” desta mesma web.

Dita redistribución do alumnado de 5º de Educación Primaria entrará en vigor neste curso académico 2022-2023.

O reagrupamento do alumnado de 3º de Educación Primaria, que supón a mobilidade do alumnado de edificio Greco ao edificio Sas, seguirá os criterios que xa estaban en vigor nos anteriores cursos.

Estimadas familias, o vindeiro luns 5 de setembro ás 16:30h no edificio de Rampa de Sas, teremos unha reunión informativa sobre o período de adaptación para o alumnado de Educación Infantil de 3 anos (alumnado matriculado no edificio de Sas e alumnado matriculado no edificio Greco).

Ao rematar, as titoras dos cursos correspondentes xuntaranse coas familias para tratar aspectos relacionados co curso.

Estamos pendentes de que as editoriais e librerías nos faciliten todos os libros. A día de hoxe, 31 de agosto, non están completos os lotes de libros.

A nosa intención é entregalos antes de comezar as clases. Anunciaremos pola web e por Abalar, data e hora de entrega en canto teñamos confirmación das librerías.

Lembrade tamén que desde o día 1, en horario de 9h a 14h xa estará aberta a secretaría do centro para recollida de vales, entrega de documentación e outras consultas. Ou ben podedes chamar ao noso teléfono, 988783060.

Grazas pola vosa colaboración, e desexámosvos un bo comezo a todos e todas!!!!

Rematado o período de reclamacións, publicamos a Listaxe DEFINITIVA das axudas do Fondo de Libros e de Material Escolar para o curso 2022-23.

Pódese consultar en Sede Electrónica (se fixechedes a solicitude por esta vía), nos taboleiros interiores do colexio e vía telefónica no noso teléfono (988-783060) - Horario de 10h a 13h - 

Os vales de axudas pódense recoller ata o 22 de xullo (inclusive) ou ben na primeira semana de setembro. Os vales non caducan ata abril de 2023. 

Os libros de préstamo serán entregados polos titores de cada curso nos primeiros días de setembro. 

Lembramos que o colexio permanecerá pechado do 26 de xullo ao 31 de agosto (inclusive). 

Publicadas as listaxes PROVISIONAIS para axudas do Fondo de Libros para o curso 2022-2023

Pódense consultar nos taboleiros interiores do noso Centro ou chamando ao 988 - 783060

Para a consulta telefónica será preciso algún dato identificativo, como o DNI dalgún proxenitor. 

Ábrese un período de reclamacións, que se pode presentar nas oficinas administrativas de Rampa de Sas en horario de 10h a 13h.

En breve publicaremos a listaxe definitiva. As datas para recoller os vales para libros e material son do 8 ao 22 de xullo inclusive. 

Os vales que non se recollan neste período e os libros de préstamo serán entregados na primeira semana de setembro. 

O alumnado de Sexto de Primaria, que promociona a ESO, pode recoller nas oficinas o Historial Académico de Educación Primaria e as Credenciais da Sección Bilingüe.  

Horario de oficina: De 10 horas a 13 horas. Abrimos do 1 ao 22 de xullo (inclusive) 

Está aberto o prazo de matrícula para alumnado xa admitido no proceso de admisión do pasado mes de marzo.

O prazo vai do 20 ao 30 de xuño, ambos inclusive.

E a documentación tense que presentar nas oficinas administrativas do colexio en Rampa de Sas s/n, en horario de 9h a 14h (días laborables). 

Podes descargala para imprimir aquí:

Documentación de matrícula

Anexo III - 1