O pasado xoves, día 26 de outubro o alumnado de 6º EP  visitou o CAFI (Centro de Formación e Innovación Educativa) onde tiñamos previsto facer unha videoconferencia cun grupo de alumnos de idades similares da Escola Galicia de Montevideo (Uruguay). Finalmente, non foi posible facela nese momento por problemas técnicos, pero os nen@s de 6º EP grabaron un vídeo de presentación para enviarllo aos nosos novos amigos uruguaios. Premede no enlace para velo. 

PRESENTACIÓN 6º EP

Para despedir o curso e aprender moitas cousas das abellas, achegámonos á localidade de Portodemouros, no concello de Arzúa. O alumnado de 3º e 4º de Ed. Primaria visitou o Museo Vivinte do Mel "O Enredo do Abelleiro". Vestímonos de apicultores, observamos ás abellas, vimos os panais, envasamos mel, fixemos velas, xogamos e ata demos un paseo ata o encoro de Portodemouros. Foi un día ben completiño. 

VER FOTOS NA GALERÍA

Os alumn@s de 6º EP, coa inestimable colaboración do mestre de Ed. Musical, Manuel del Rey, fixeron unha curtametraxe sobre a coñecida obra de Carlos Casares A galiña azul. Premede na imaxe para ver o vídeo.

O pasado 22 de maio, os alumn@s de Ed. Infantil foron de excursión de fin de curso a FERVENZAventura (Silleda). Tiveron diversos obradoiros : fixeron pan, plantaron leitugas e viron animais de granxa. Foi un día xenial  

VER FOTOS NA GALERÍA

Os alumnos de 1º e 2º EP asistiron a unha sesión de contacontos na Fundación Sargadelos. Son actividades realizadas co gallo da XVII Campaña de Animación a Lectura, posta en marcha polo Concello de Santiago coa colaboración da Ed. Kalandraka.

VER FOTOS NA GALERÍA