O pasado venres rematamos o 1º trimestre co Festival de Nadal e cunha boa chocolatada. Despois das celebracións familiares destes días seguro que desfrutaredes coas actuacións dos nenos e nenas de Ed. Infantil e Primaria. Para velas, premede nos seguintes enlaces:

VER FOTOS NA GALERÍA

EI 3 anos - Lúa                                      EI 4 anos - Na casa da miña avoa.   

EI 5 anos - Xa me tardan ...                  EI 5 anos & 4º -  Christmas for kids.  

1º EP - Twinkle little star.                      2º EP - Decembro: Nadal.   

3º EP - Santa Claus is coming ...         4º EP -  O meu Nadal perfecto.

5º EP - Hecho con tus sueños.            5º EP -  Rudolph, the  red-nosed ...   

6º A EP - Te regalo.                               6º A EP -  Christmas is all around.   

6º B EP - We wish you ...                      6º B EP -  A percusión do Nadal.   

                        6º A & B EP - TEATRO + REMATE    

O pasado 12 de decembro os escolares de 1º e 2º de EP foron á sede da SGAE para asistir á proxección en galego da película Copito de nieve. Esta película achéganos valores como o respecto aos animais, amizade e tolerancia coas diferencias. Despois da proxección participaron nun debate sobre estes asuntos. Foi toda unha experiencia.

A semana pasada, celebramos o Magosto como cada curso ao chegar estas datas. Malia que o tempo non acompañou, pasamos unha tarde ben entretida cantando cancións, realizando xogos con castañas e, por suposto, degustando as castañas asadas que nos preparou José. 

VER FOTOS NA GALERÍA

O pasado martes 5 de novembro acudimos, co alumnado de 3º e 4º de Ed. Primaria, ao Centro Galego de Arte Contemporáneo (CGAC) para asistir a un concerto didáctico titulado Un profundo misterio. A actividade tratou sobre a influencia da noite e a natureza en famosos compositores de música clásica como Debussy ou Brahms.

O pasado xoves 24 de outubro os nenos e nenas de 1º e 2º de Ed. Primaria asistiron ao espectáculo musical Animalia, que tivo lugar no Auditorio de Galicia. Na súa posta en escena, as personaxes Pico e Pata recrearon sons e ritmos populares coa axuda da Banda Municipal de Música do Concello de Santiago. Premede no enlace para ver o vídeo.

VER VÍDEO EN YOUTUBE