CEIP Arquitecto Casas Novoa | Santiago de Compostela

CONTACONTOS - Ed. INFANTIL

Lun, 04/10/2017 - 23:04 — admin

O Concello de Santiago puxo en marcha a XVII Campaña de Animación á Lectura, coa colaboración de Kalandra e a Fundación Sargadelos. Alí acudiron os nenos e nenas de Ed. Infantil do noso colexio para asistir a unha sesión de contacontos que fixo as delicias do alumnado.

VER FOTOS NA GALERÍA

EDUCACIÓN VIAL - 4 anos

Ven, 04/07/2017 - 22:28 — admin

O alumnado de 5º curso de Ed. Infantil (4 anos) asistiu a unha charla sobre Seguridade Vial, impartida por axentes da Policía Local do Concello de Santiago de Compostela. Ademais, tiveron a oportunidade de levar á práctica todo o aprendido nun circuito moi divertido.

VER FOTOS NA GALERÍA

OURENSE & CANÓNS DO SIL - 5º e 6º EP

Lun, 04/03/2017 - 21:44 — admin

Os alumnos de 5º e 6º EP estiveron en Ourense facendo un roteiro sobre Carlos Casares, escritor homenaxeado en 2017 no Día das Letras Galegas. Ademais, viaxaron en catamarán polos Canóns do rio Sil. Unha viaxe ben completa!!!!

FOTOS NA GALERÍA

DÍA DA POESÍA

Xov, 03/30/2017 - 21:45 — admin

A partir do 21 de marzo celebramos na Biblioteca o Día Mundial da Poesía. Entre outras actividades, aproveitamos a hora de ler para que fosen os pequenos quenes recitaran poesía aos alumnos maiores.

O luns 20, 2º EP recitou a poesía "Emilia Pardo Bazán" (Carmen Gil) a 6º EP.

O martes 21, 1º EP recitou "Os soños na gaiola" (Manuel María) a 5º EP.

O mércores 22, o alumnado de 5 anos recitou "Era un niño que soñaba" (Antonio Machado) a 4º EP.

O xoves 23, a clase de 4 anos recitou "Caracol" (Manuel María) a 3ºA.

Finalmente, o día 24, o alumnado de 3 anos recitou "Mi carita redondita" (Gloria Fuertes) a 3ºB.

Foi unha semana bastante poética, sen dúbida

FESTEXAMOS O ENTROIDO

Lun, 03/13/2017 - 23:15 — admin

Celebramos o Entroido na Sionlla, con cancións, máscaras, desfile de disfraces e sobre todo moita troula. O alumnad@ tamén puido degustar doces típicos destas festas cun delicoso chocolate. Así, calquera!

DESFILE DE ENTROIDO VER FOTOS NA GALERÍA

DÍA DE ROSALÍA

Lun, 02/27/2017 - 23:39 — admin

Recentemente celebramos no colexio o Día de Rosalía, para honrar a Rosalía de Castro, figura senlleira da nosa literatura en galego e tamén en castelán. Pensamos que o mellor homenaxe que lle podiamos facer sería ler e recitar os seus poemas e puxémonos mans á obra. Premede na imaxe para ver o resultado.

ENTROIDANZAS con PESDELÁN

Mér, 02/22/2017 - 23:48 — admin

Os rapaces e rapazas de 3º e 4º de Primaria participaron na actividade Entroidanzas desenvolvida polo grupo Pesdelán. Foi unha actividade moi divertida onde o alumnado puido bailar con cancións de Entroido de diferentes lugares do mundo.

VER FOTOS NA GALERÍA

SEGURIDADE VIAL

Dom, 02/19/2017 - 23:45 — admin

Os alumnos e alumnas de 6º EP foron ao recinto feiral de Amio para realizar prácticas de Seguridade Vial, dentro do programa do concello "Móvete seguro con Moito Olliño". Xa se sabe que o movemento demóstrase andando ... ou, neste caso, pedaleando. Premede no enlace para ver as fotos.

VER FOTOS NA GALERÍA

DÍA ESCOLAR POLA PAZ

Ven, 02/03/2017 - 23:59 — admin

Nesta pasada semana celebramos o Día Escolar pola Paz o día 30 de xaneiro, co gallo do aniversario da morte de Mahatma Gandhi, gran loitador a prol da paz e a non violencia. Premendo no enlace, poderedes ver algunhas reflexións do noso alumnado ao respecto e as actividades desenvolvidas.

REFLEXIÓNS POLA PAZ