Coa chegada da primavera, celebramos no CEIP Arquitecto Casas Novoa o Día da Árbore (Día Internacional dos Bosques, realmente). O persoal de xardinaría do Concello de Santiago instruiu aos alumnos de 5º e 6º de Ed. Primaria para plantar árbores froteiras e arbustos que encherán de vida o patio do noso centro. 

VER FOTOS NA GALERÍA

O alumnado de 5º curso de Ed. Infantil (4 anos) asistiu a unha charla sobre Seguridade Vial, impartida por axentes da Policía Local do Concello de Santiago de Compostela. Ademais, tiveron a oportunidade de levar á práctica todo o aprendido nun circuito moi divertido.

VER FOTOS NA GALERÍA

A partir do 21 de marzo celebramos na Biblioteca o Día Mundial da Poesía. Entre outras actividades, aproveitamos a hora de ler para que fosen os pequenos quenes recitaran poesía aos alumnos maiores.

O luns 20, 2º EP recitou a poesía "Emilia Pardo Bazán" (Carmen Gil) a 6º EP.

O martes 21, 1º EP recitou "Os soños na gaiola" (Manuel María) a 5º EP.

O mércores 22, o alumnado de 5 anos recitou "Era un niño que soñaba" (Antonio Machado) a 4º EP.

O xoves 23, a clase de 4 anos recitou "Caracol" (Manuel María) a 3ºA.

Finalmente, o día 24, o alumnado de 3 anos recitou "Mi carita redondita" (Gloria Fuertes) a 3ºB.

Foi unha semana bastante poética, sen dúbida 

Recentemente celebramos no colexio o Día de Rosalía, para honrar a Rosalía de Castro, figura senlleira da nosa literatura en galego e tamén en castelán. Pensamos que o mellor homenaxe que lle podiamos facer sería ler e recitar os seus poemas e puxémonos mans á obra. Premede na imaxe para ver o resultado.

Os alumnos e alumnas de 6º EP foron ao recinto feiral de Amio para realizar prácticas de Seguridade Vial, dentro do programa do concello "Móvete seguro con Moito Olliño". Xa se sabe que o movemento demóstrase andando ... ou, neste caso, pedaleando.  Premede no enlace para ver as fotos.  

VER FOTOS NA GALERÍA