Radio Televisión Española lanzou recentemente EDU CLAN una ferramenta educativa organizada por idades con diferentes contidos de Ed. Infantil e Primaria. Premede aquí.
O pasado día 6 de marzo, o alumnado de 6°A e 6ºB acudiu ao Centro de Interpretación de Parques e Xardíns situado no parque de Belvís para observar a biodiversidade animal e vexetal da zona de Compostela. Despois de repasar os tipos invertebrados que hai, construíron un hotel de insectos que xa quedou instalado no noso colexio. Foi ata unha experiencia e ata tivemos bo tempo!
Hoxe, as nenas e nenos de 3º e 4º de Primaria acudiron ao Teatro Principal para presenciar a obra de teatro Aguratrat, baseada no libro "Esio Trot" de Roald Dahl, un dos escritores senlleiros no eido da literatura infantil e xuvenil. A devandita obra foi posta en escena pola compañía teatral Pérez y Fernández.
Que mellor maneira de celebrar o Día de Rosalía que cunha canción baseada na obra da nosa escritora máis senlleira. Seica na clase de Música dan ... o DÓ de peito !!
Por outra banda, o Equipo de Biblioteca e o Equipo de Dinamización da Lingua Galega tamén celebraron o Día de Rosalía cun recitado de poemas de Rosalía. Quedou moi ben!!!!
Celebramos o Entroido neste ano 2020 no noso colexio cun desfile temático relacionado co mar, cunha selección musical moi axeitada. Queredes velo? Pois, premede nos enlaces !!
Neste ano 2020, empezou a rodar a campaña polo medio ambiente, impulsada polo Equipo de Biblioteca. Como xa sabedes, trátase de non traer plástico nas merendas os venres de cada semana. Como vedes, aínda hai que mellorar, pero estámolo a conseguir. Lembrade!!! É un pequeno paso para a nosa merenda, pero un gran salto para o noso planeta.
Como cada 30 de xaneiro celebramos no colexio o Día Escolar da Paz e da Non Violencia. Nesta ocasión, as nenas e nenos de Ed. Infantil e Primaria prepararon un baile e formaron no patio o símbolo da paz. Premede nos enlaces para ver o vídeo e as fotos.
