O venres 7 de xuño visitamos o parque zoolóxico Marcelle Natureza co alumnado de 5º e 6º de Primaria. Foi un día moi intenso, malia que caese algunha chuvieira de cando en vez. Así e todo, viron moitos animais, fixeron tiro con arco e tiveron un día de convivencia xenial. Pulsade no enlace para ver as fotos.

 VER FOTOS NA GALERÍA

Despedimos a semana pasada coa celebración do Festival das Letras Galegas. Neste ano 2019, o homenaxeado foi o escritor pontevedrés Antón Fraguas. Tivemos un amplo repertorio con cantigas, poemas, regueifas, teatro e moitos premios. Premede nos enlaces para ver as actuacións !

4º EP - Catro vellos mariñeiros               3º & 5º EP - Alalá do canteiro   

3º EP - Entrevista a Antón Fraguas        4º_5º_6º EP - Teatro: A tía Lambida

5º A - Poemas                                          2º_5º A_6º EP - Regueifa & cantiga     

Entrega de premios  

O pasado venres celebramos no colexio o Día do Libro. Como xa é tradición nos últimos anos, o Equipo de Biblioteca organizou un mercado de troco de libros usados. Que mellor celebración que darlles aos libros unha segunda vida para que alguén máis o poida desfrutar. Este ano a nosa moeda de cambio, o Sionllo, está adicado a Antón Fraguas, que será homenaxeado no Día das Letras Galegas.

VER FOTOS NA GALERÍA

O mércores 27 de marzo tivemos pola tarde una actividade organizada polo Equipo de Biblioteca. Visitounos a escritora Teresa González Costa, autora do libro titulado A filla do ladrón de bicicletas, que están a ler os alumnos de 5º e 6º do Club de Lectura. Foi unha charla moi amena, logo houbo firma de libros e rematamos cun pequeno agasallo.

O pasado venres celebramos o Día de Rosalía recitando un fragmento dun poema de Rosalía chamado Miña santiña. Premede no enlace para ver o vídeo.

VER VÍDEO en YOUTUBE