Secretaría, Admisión e matriculación, Documentos organizativos, Libros de texto, Impresos, Novas

Con data 8/06/2016, as familias recibirán información, a través do seus fillos/as, relativa á solicitude de comedor para o curso 2016/2017.

Para mís información, prema en 

Impreso de autodeclaración 

Ao abeiro da instrución 1/2016 da Secretaria Xeral Técnica da Consellería de Cultura, Educación e O.U ,informase do seguinte:

Número de prazas concedidas: 252

Para a selección de usuarios establécese a orde seguinte de preferencia:

1. Alumnado usuario no curso anterior salvo que variasen as súas circunstancias.

2. Alumnado usuario lexítimo do servizo do transporte escolar.

3. Alumnado en situación de exclusión social ou con discapacidade igual ou superior ao 33%, certificadas polos servizos sociais ou municipais correspondentes.

4. Familia numerosa, acreditado co correspondente título ou carné expedido para o efecto. 

5. Conciliación familiar e laboral.

Se ambos os pais traballan e non poden atender ao seu fillo/a na hora de comer, remitimos a normativa que establece a Consellería para este curso:

Alumnado fillo de pais e nais, titores legais ou acolledores familiares, traballadores ambos os dous con incompatibilidade dos seus horarios laborais co horario de saída do seu fillo/a ao mediodía, acreditada documentalmente, mediante documento expedido para o efecto polas/os respectivos empregadoras/ores, xunto cunha copia dos contratos de traballo, polas altas censuais iniciais ante a Axencia Estatal de Administración Tributaria e as modificacións posteriores  e altas na Tesourería Xeral da Seguridade Social no réxime correspondente, de habelas e polas certificacións expedidas polas xefaturas de persoal correspondentes.

6. Alumnado escolarizado fóra da área de influencia.

7. Persoal docente e non docente que preste servizos no centro e non colabore nos labores de atencióna ao alumnado.

Puntos 3, 4 e 5: estas circunstancias deben ser acreditadas xunto coa solicitude. É necesario traer copia e orixinal

Taxas de comedor 2015/2016

As familias que teñan que aboar as taxas de comedor do mes de xuño deberán recoller as mesmas na Secretaría do centro os días 27 e 28 de xuño, aboar as mesmas e entregar na Secretaría do centro o resgardo de abono antes do 8 de xullo.

Colaboradores/as comedor 2016/2017

ANUNCIO DE APERTURA DO PRAZO DE ADMISIÓN  COMO COLABORADORES VOLUNTARIOS NASTAREFAS DE ATENCIÓN E APOIO AO ALUMNADO USUARIO DO COMEDOR ESCOLAR DURANTE O CURSO 2016/17.

As nais, os pais, os/as titores/a legais e os/as acolledores/as familiares do alumnado deste centro de ensino, que desexen, ao longo do curso 2016-2017, colaborar de xeito altruísta nas tarefas de atención e apoio aos escolares usuarios do comedor escolar.

O prazo para presentar solicitudes permanecerá inicialmente aberto ata o día 22 de xuño de 2016 ata o 11 de setembro de 2016, podéndose reabrir un novo prazo, de ser o caso, ata o 21 de decembro de 2016. 

O  modelo de solicitude pode recollerse na Secretaría do centro ou descargalo no seguinte enlace

A Orde do 27 de abril de 2016 (DOG do 16 de maio) regula as distintas modalidades de gratuidade solidaria de libros de texto para o vindeiro curso 2016-2017: a participación no fondo solidario, as axudas para adquirir libros de texto e as axudas para adquirir material escolar.

INFORMACIÓN IMPORTANTE

1. Todas as familias do alumnado de 3º,4º,5º e 6º de E. Primaria poderán solicitar acollerse ao FONDO SOLIDARIO DE LIBROS DE TEXTO  (banco de libros) regulado na Orde do 27 de abril
2. As familias do alumnado de 1º e 2º de E. Primaria, que non superen os 9000€ de renda per cápita no ano 2014, poderán solicitar as AXUDAS PARA A ADQUISIÓN DE LIBROS DE TEXTO (vale) reguladas na mesma Orde.
3. Todas as familias do alumnado de 1º, 2º, 3º, 4º, 5º e 6º de E. Primaria que non superen os 5400€ de renda per cápita no ano 2014 poderán solicitar as AXUDAS PARA A ADQUISICIÓN DE MATERIAL ESCOLAR (vale) reguladas na Orde do 27 de abril.

Nesta convocatoria presentarase unha única solicitude para todos os irmáns matriculados no mesmo centro

Prazo de presentación de solicitudes: do 18 de maio ao 23 de xuño (ámbolos dous inclusive) 

Impreso de solicitude das axudas: 

MOI IMPORTANTE: tanto para solicitar as axudas como para acollerse ao fondo solidario é obrigatorio devolver no centro os libros mercados con cargo ao vale e utilizados no presente curso, agás o alumnado de 1º e 2º de E. Primaria por non ser reutilizables.

Para máis información preguntar na secretaría do centro

Comunícase á comunidade escolar do cambio de nº de teléfono deste centro educativo, as liñas en funcionamento son as seguintes: 

• 988788456
• 988788455
• FAX: 988788457

CUESTIONARIO DE RECOLLIDA DE DATOS SOBRE A CONVIVENCIA ESCOLAR

No marco de mellora da convivencia escolar que promove o Decreto 8/2015 do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar, realízase unha recollida de datos masiva que ten por obxecto detectar cal é o clima escolar da nosa comunidade e guiar as accións de mellora que cumpran.

As familias que desexen participar poderán cubrir o cuestionario mediante unha ferramenta informática en liña, de xeito automatizado e totalmente anónimo.

Cada familia cubrirá un único cuestionario independentemente do número de fillos/as escolarizados no centro.

Para poder acceder a dita aplicación, cada familia recibirá unha clave que será entregada, polo centro educativo, en sobre pechado. O código só se poderá utilizar unha vez. En caso de ter algún problema con el ou precisar un novo, poderá poñerse en contacto coa dirección do centro e se lle facilitará outro novo.

A súa opinión é moi importante e valiosa para mellorar a convivencia escolar polo que lle solicitamos que preste atención e responda con responsabilidade.

O enlace para acceder á aplicación e onde debe teclear a clave ou código é o seguinte:

https://edu.xunta.es/convfamil

Prazo límite: 30 de novembro de 2015

O cuestionario está dispoñible tamén para:

Profesorado: https://edu.xunta.es/convdoce

Alumnado de 5º e 6º: https://edu.xunta.es/convobrig

CONVOCATORIA: Orde do 6 de novembro de 2015 (DOG 10 de novembro) de axudas para adquisición de material escolar http://www.edu.xunta.es/portal/node/17558

• BENEFICIARIOS: alumnos de educación primaria e educación especial que non solicitaran a convocada no mes de setembro.
• PRAZO DE PRESENTACIÓN DE SOLICITUDES: do 11 de novembro ao 21 de novembro (ambos os dous incluídos).
• LUGAR DE RECOLLIDA E PRESENTACIÓN DE SOLICITUDES: Secretaria do Centro.
• CONTÍA DAS AXUDAS: 50 €
• Renda per cápita familiar no ano 2013 sexa igual ou inferior a 5.400 €.
• ADQUISICIÓN DO MATERIAL: Ata o 30 de novembro de 2015.
• DOCUMENTACIÓN A APORTAR (Fotocopia e orixinal para cotexar):

• Copia do DNI ou NIE dos membros computables da unidade familiar, se non autorizan a consulta telemática na solicitude.
• Fotocopia do libro de familia con tódolos membros ou documento que acredite os membros da unidade familiar. Se hai algunha situación distinta (separacións, divorcio, etc..) deberá presentar, ademais, documentación xustificativa (situación familiar a 31 de decembro de 2013)
• No caso de discapacidade do/a alumno/a, do solicitante ou dalgún dos membros da unidade familiar incluídos na solicitude deberá presentarse un dos seguintes documentos que acrediten esta circunstancia en 31 de decembro de 2013; certificado emitido polo órgano competente do grao de discapacidade cunha porcentaxe igual ou superior ao 33% resolución da S.S. da condición de pensionista por incapacidade permanente nos graos de total, absoluta ou grande invalidez ou documentación acreditativa de pensionista de clases pasivas (pensión de xubilación ou retiro por incapacidade permanente para o servizo ou inutilidade).
• Declaración da Renda das Persoas Físicas do ano 2013 ou, na falta desta, o certificado tributario de imputacións dos membros computables da unidade familiar distintos da persoa solicitante, cando non autoricen a consulta telemática na solicitude.

Aclaratoria: Esta axuda poden solicitala as familias dos alumnos/as de educación primaria e educación especial, que reunindo os demais requisitos, non a presentaran no mes de setembro.