CEIP Cabada Vázquez

No CEIP Cabada Vázquez celebramos o entroido con moita ilusión. Nas últimas semanas creamos disfraces, partindo do lema da nosa biblioteca escolar deste curso: "PRÓXIMA MISIÓN: SEN PLÁSTICOS", buscando materiais que se puideran reciclar e utilizamos a temática do mar.

O alumnado e o profesorado participou de diferentes formas: cantando, bailando, regueifando despois dunha camiñata ata o pobo, para promocionar o noso PROXECTO DEPORTIVO DE CENTRO (PDC: XOGADE e Móvete +)

Ademais contamos coa colaboración das familias que nos acompañaron durante o desfile e nos deleitaron cunhas regueifas.

Foi un día especial que compartimos en familia toda a comunidade educativa.

O 1 de febreiro participou o alumnado clasificado na competición de "Campo a través" provincial, celebrada no parque de Castrelos, en Vigo.

O alumnado foi acompañado polas súas familias e a mestra de EF.

Rematamos o 2019 con moita marcha! Bailando, tocando e cantando.

TALLER DE BAILE E DE MÚSICA UNIDOS

FESTIVAL DE NADAL

O CEIP Cabada Vázquez intenta concienciar á comunidade educativa da prevención, detección e actuación en Contra a Violencia de Xénero,  por iso está a realizar diversas actividades relacionadas con esta temática como son: a creación de lemas que se colocaron nos chanzos da escaleira do colexio, crear e cantar unha canción en contra da violencia de xénero, contacontos, ...

CANCIÓN CONTRA A VIOLENCIA DE XÉNERO

LEMAS CONTRA A VIOLENCIA DE XÉNERO

ULA LÚA? CONTACONTOS CON CELTIA FIGUEIRAS

O 5 de decembro o alumnado de 2º a 6º de Educación Primaria participou na competición zonal de campo a través, celebrada na praia fluvial de Liñares. Esta actividade forma parte do PDC (Proxecto Deportivo do noso Centro) e está dentro do Plan Proxecta - XOGADE.

A maioría do alumnado participou correndo pero algunhas alumnas e alumnos fixeron de reportaxes (entrevistas, fotografías, vídeos), xa que arredor do deporte existen diferentes figuras: deportistas, entrenadoras, fisioterapeutas, reporteiras deportivas,...

O 30 de novembro celebramos o magosto e o Samaín a nivel de centro. Na planificación das actividades tivemos en conta que participamos no PLAN PROXECTA con XOGADE e Móvete +. Comezamos a xornada escolar con diferentes talleres entre eles un de baile e despois do recreo realizamos xogos.

Foi unha xornada diferente coa que aprendemos con actividades lúdicas e centradas nos intereses do alumnado.

Nota: No blog da biblioteca pódense ver fotos dos diferentes talleres http://www.edu.xunta.gal/centros/ceipcabadavazquez/node/682