Here is a new video of some students in Fifth Grade singing a classbook song. Enjoy it!

Aquí podedes atopar un novo vídeo de algúns alumnos e alumnas de 5º cantando unha canción do seu libro de texto. Desexamos que lles guste.

http://www.box.net/shared/lnty0zjbox

Se pinchas no seguinte enlace poderás escoitar o programa número 28 de Radio Faladora a nosa Radio Escolar:

http://www.box.net/shared/1rc9c4dlth

Se pinchas no seguinte enlace poderás escoitar o programa número 26 de Radio Faladora, a nosa Radio Escolar:

http://www.box.net/shared/b9t1gn95fa

Este venres 5 de xuño de 2009 estiveron no noso colexio algúns mestres/as músicos do Conservatorio de Ponteareas, facendo unha presentación dos diversos instrumentos para o noso alumnado e aproveitando para interpretar algunhas pezas moi coñecidas polo alumnado.

A actividade resultou verdadeiramente interesante e amena para os alumnos e alumnas, que tamén cantaron a coro algunhas das cancións.

De sobras é coñecida a tradición musical de Ponteareas, terra de grandes músicos, polo que seguramente algúns dos asistentes a esta actividade se dedicará á música.

De seguido podedes ver algunhas imaxes desta actividade.

RADIO FALADORA

Hoxe, 5 de xuño, o noso colexio participaba na emisión do programa que  Pontenasondas organiza cada ano. Hoxe retransmitían en directo  dende a Universidade de Vigo e a través  da súa páxina web. Este ano o lema era "Tesouros Vivos", coa finalidade de recoller a nosa tradición oral.

O colexio participa cun programa de radio gravado, o que se correspondeu coa nosa emisión especial do día do acto das Letras Galegas.

No ficehiro adxunto detállase a nota enviada ao colexio dende a organización de pontenasondas, para seguir a mencionada emisión.

ACTIVIDADES DE AULA

Na aula de Infantil de 4 anos A, neste trimestre, estiveron facendo traballos sobre a obra de teatro adaptada"Os tres porquiños" organizada por Caixanova, en Vigo.

Tamén plantaron sementes, e agasallaron as familias cada alumno e alumna coa súa planta.

MOI BEN POLOS SEUS TRABALLOS!!

FESTA NA BIBLIOTECA

Hoxe, na hora do recreo, celebrouse a festa de remate de curso na nosa Biblioteca, previa convocatoria a semana pasada a través da súa mascota Popi.

O dinamizador da Biblioteca, xunto coa súa mascota e algunha axudante, organizou unha festa para todo o alumnado, con música e comilona. Pois a biblioteca pecha as súas portas até o vindeiro curso.

Primeiro tiveron  a festa de despedida de curso os rapaces e rapazas de E. Infantil, na hora do seu recreo. Estes rapaces e rapazas fixerono de xeito moi ordenado.

Logo chegoulle o turno aos rapaces e rapazas de Primaria no seu recreo, estaban moi inquedos e non lles daba chegado a hora de que os deixaran pasar.

A festa, como se pode ver na galería de imaxes, resultou todo un éxito. Agardamos que no vindeiro curso estes rapaces e rapazas sigan con tantas ganas de vires a visitar a Biblioteca e a súa mascota, Popi. E....LER MOOOOITO!

MOI BOAS VACACIÓNS!! E NON VOS ESQUEZADES DE LER!!

COS LIBROS PODEMOS VIVIR GRANDES AVENTURAS!!

="0" ismap="ismap" />

Este martes 2 de xuño estiveron no noso colexio os alumnos e alumnas das escolas de Pías e Ribadetea para coñecernos. Estiveron compartindo algunhas actividades co noso alumnado de E. Infantil e mostrámoslle o colexio, rematando a festa co xantar no comedor.

Tentamos así que coñeza o que será o seu novo colexio e que cando veñan para el non o estranen moito.

EXPOSICIÓN INSTRUMENTOS MÚSICA

Durante o terceiro trimestre levouse a cabo unha exposición de instrumentos musicais, realizados polos alumnos e alumnas coa axudas das familias e a dirección da mestra de música. Na exposición participaron todos os alumnos e alumnas dende E. Infantil ata o derradeiro nivel de E. Primaria. Esta fíxose nos corredores do edificio de E. Primaria.

A continuación aparece unha galería de imaxes onde se mostran estes traballos. MOITAS FELICITACIÓNS A TODOS E TODAS!!, pola colaboración e traballo. Por suposto tamén para a mestra pola organización e dirección desta actividade.

EQUIPOS 2º TRIMESTRE

Co gallo de dinamizar e fomentar o uso da nosa lingua, ao longo do curso veñen funcionando uns Equipos de traballos con alumnos e alumnas de 6º de E. Primaria, estes equipos encarganse de facer de locutores no programa de radio escolar semanal e a edición do noso  xornal de cada trimestre.