CURSO 4ºA 4ºB
24 OUTUBRO – CAZA DO TESOURO POLO ANIVERSARIO DE PAPIRUS!
Enviado por Ainhoa Suarez o Mér, 26/10/2022 - 18:19
O pasado luns celebrouse o DÍA DAS BIBLIOTECAS ESCOLARES, día no que celebramos tamén O ANIVERSARIO DE PAPIRUS, a mascota do noso cole.
Con tal motivo, e aproveitando o proxecto anual de lectura MOITO MÁIS QUE XOGO, esta semana o alumnado de 3º e 4º levou a cabo unha CAZA DO TESOURO na biblioteca, que deseguido vos explicamos.
Os equipos de traballo distribuíronse polo espazo. Cada equipo tivo que resolver 5 probas: sopas de letras, labirintos, enigmas, 7 erros e agudeza visual. Con cada proba realizada correctamente, gañaban unha palabra, e con todas esas palabras formaban unha pista para atopar unha chave agochada nun dos libros da biblio!
Non foi tarefa fácil, xa que temos moitos libros… Ademais, cada equipo atopou unha chave, pero non todas abrían o ARMARIO SEGREDO.
Cando conseguiron abrilo, atoparon 3 CAIXAS MÁXICAS, que gardaban no interior 3 fantásticos premios. Pero había outro problema… tampouco era nada doado abrir aquelas caixas, e só tiñan un minuto e medio!
Finalmente, foron quen de abrir algunha delas, e obtiveron a súa recompensa: MÁIS TEMPO DE PATIO!!! Nas fotos podedes ver o ben que o pasaron con este xogo.
VISITA A NATURNOVA
Enviado por Amalia Omil o Dom, 23/10/2022 - 13:52O pasado venres, 21 de outubro, o alumnado de terceiro, visitamos NATURNOVA, en Vigo. A visita estivo enmarcada entro do proxecto que estamos realizando sobre o UNIVERSO.
Alí percorramos a sala do Universo, a Vía Láctea e o Sistema Solar. Despois fomos a outra sobre o noso planeta Terra e coñecemos os elementos que a integran e posteriormente como o Ser Humano se relaciona co planeta, como utiliza os recursos, como afecta a contorna ao usalos, e como, actualmente, trata de solucionar os problemas que lle creou. Pero o que máis nos gustou foi o submarino, un simulador que nos levou visitar o fondo das nosas rías.
Aproveitamos que estabamos nas instalacións de Afundación para realizar unha visita guiada pola sala de arte onde había unha exposición de pintura dun coleccionista cubano.
Fixemos tamén un obradoiro de robótica.
No seguinte vídeo poderedes comprobar o ben que o pasamos e todo o que aprendemos e fixemos.
Encantounos esta saída!
18 DE OUTUBRO - DÍA DAS ESCRITORAS
Enviado por Ainhoa Suarez o Dom, 23/10/2022 - 12:35O 18 de outubro celébrase o DÍA DAS ESCRITORAS. Con tal motivo, esta semana acudimos á biblioteca para realizar unha actividade sobre este tema.
Previamente preparamos unha selección de libros infantís escritos por mulleres, que foron expostos nun lugar visible, tal como vedes nas fotografías. Unha vez feito isto podíamos poñernos mans á obra!
O alumnado repartiuse en equipos de traballo polos recunchos da biblioteca para levar a cabo unha FICHA DE INVESTIGACIÓN. O primeiro que tiveron que facer foi escoller 3 dos libros expostos. Despois cubriron algúns datos importantes sobre os mesmos, coma o nome da autora, o título, a editorial…
Por último, reproduciron o “tejuelo”, a etiqueta de catalogación que nos indica onde colocar cada exemplar e o máis importante, para que idades está indicado, para así saber cales son os recomendados para os distintos cursos.
INAUGURAMOS A BIBLIO!
Enviado por Ainhoa Suarez o Dom, 16/10/2022 - 22:03
Este mes abrimos a biblioteca do centro. Con tal motivo, comezamos a ir unha hora á semana para facer os nosos préstamos de libros.
Ademais, puidemos empregar tódolos recunchos que temos alí, e que durante os cursos anteriores non puidemos usar por mor da COVID.
Aquí podedes ver o ben que o pasaron os nenos e nenas de 3º cos disfraces, os xogos, na zona de plástica….
Como sabedes, estades convidados a vir visitala tódolos días da semana (excepto os martes), de 16:00 a 18:00.
Un saúdo!
A MAXIA DE SAMUEL MORENO
Enviado por Amalia Omil o Dom, 16/10/2022 - 14:03O pasado venres, 14 de outubro, o alumnado de terceiro e cuarto tivemos a sorte de seren invitadxs polo Concello de Bueu ao espectáculo de maxia de Samuel Moreno no Centro Social do Mar.
Este ilusionista galego deuse a coñecer no concurso Got Talent, onde quedeu finalista. O mago conquistounos co seu estilo de maxia e o seu sentido do humor.
Noa Fazanes tivo a sorte de ser a súa axudante en algún momento do espectáculo.
A profe Ainhoa tamén subíu ao escenario e non puido evitar botar algunha gargallada ante as ocurrencias de Samuel.
Se queredes saber máis sobre este espectáculo clicade en : XORNAL DE BUEU
REUNIÓN DE PRINCIPIO DE CURSO COAS FAMILIAS DE TERCEIRO
Enviado por Amalia Omil o Mar, 27/09/2022 - 21:52Como prometimos na reunión, deixamos aquí a presentación con toda a información da xuntanza de hoxe.
SOMOS FINALISTAS DO FIC BUEU!
Enviado por Ainhoa Suarez o Lun, 26/09/2022 - 18:47Este venres asistimos á GALA ESCOLAS celebrada no Centro Social do Mar durante o FIC BUEU. O motivo foi a nosa nominación pola curta que fixemos o ano pasado: “OSO ATRAPABOLBORETAS”.
PARABÉNS a todo o alumnado de 3º polo traballo realizado! Noraboa tamén ao profesorado participante, especialmente á profe MARTA, que foi quen levou o peso deste proxecto. Podedes ver de novo a nosa curta facendo clic na seguinte foto.
A continuación, algunhas fotografías da Gala.
Por último, podedes ver a retransmisión da mesma no seguinte enlace.
BENVIDA AO CURSO 2022/ 2023
Enviado por Amalia Omil o Mér, 21/09/2022 - 19:58O alumnado de 3º dámoslle a benvida ao novo curso escolar!
Nestas páxinas iremos compartindo difrentes actividades, saídas, festas ou conmemoracións.
E non hai mellor maneira de empezar que a asistencia ao FICBUEU, para ver unha selección de curtas coas que desfrutamos moitísimo.
Ao rematar, xa nas nosas aulas, votamos a nosa preferida que resultou ser:
" URSA- THE SONG OF THE NOTHERN LIGHTS"
CONCERTO DE FIN DE CURSO 50 ANIVERSARIO.
Enviado por Anónimo o Xov, 30/06/2022 - 00:32O pasado 17 de xuño, o alumnado de 4º B celebrou un concerto de fin de curso, para conmemorar o 50 aniversario do CEIPP A Pedra, e celebrar o final deste curso 2021-2022 que remata xa.
Pasámolo xenial, e foi unha xornada diferente onde poidemos gozar da música e do que aprenderon este ano na aula de música co profe Lorenzo, pois ademáis de tocar a frauta tod@s xuntos, tamén cantaron a canción de "Aniversario", e cada un deles puido tocar e interpretar a canción que quixo e que con moito cariño preparou para ese día. Tocaron o teclado, a guitarra eléctrica, a pandeireta, a guitarra española, a frauta, e alugúns e algunhas o presentaron co micrófono. E por suposto non pudo faltar o cartel do concerto e o público.
Espero que tod@s gozaran moitísimo desta xornada. Grazas polo concertazo!!!
VISITA AO MUSEO MASSÓ: A MULLER E O MAR
Enviado por Amalia Omil o Dom, 19/06/2022 - 21:50Como mola este fin de curso! Di a nosa mestra que nos estamos desquitando de tantas restriccións por culpa da COVID.
Este venres, tocounos ir ao Musseo Massó da nosa vila. Xa foramos moitas veces, pero nesta quenda faláronnos do traballo da muller no mar. David foi o encargado de concienciarnos do valor da labor do xénero feminino.
Si que é verdade que as mulleres mariñeiras non son habituais, pero tan pronto como os barcos se achegaban á terra, eran elas as que se metían no mar e cargaban o peixe nas patelas e o transportaban ás salgas, ás fábricas, ás prazas de abastos ou ás lonxas. Tamén eran elas, maioritariamente , as que traballaban nas conserveiras ou nas salgas, ou as que se encargaban de vendelo. Outro traballo importante era o das redeiras, que se encargaban de reparar os aparellos en condicións moi duras.
Demos un pequeno percorrido polo Museo no que puidemos ver fotos, claras testemuñas da discriminación da muller dentro da fábrica de Massó. Tivemos ocasión de poñer sobre as nosas cabezas as patelas e non vos podedes imaxinar canto pesaban e iso que estaban baleiras.
Aproveitamos a saída e visitamos ás redeiras que estaban en plena faena dentro da súa nave situada no peirao. Contáronnos que agora as condicións son mellores porque poden traballar baixo teito pero que antes traballaban na intemperie, suxeitas ás inclemencias do tempo atmosférico. Tamén explicaron que aprenderon este oficio das súas nais, avoas ou tías e que non hai moita xente nova que queira traballar aí.
Rematamos o día merendando e xogando na praia.
A isto se lle chama desfrutar da nosa vila mariñeira!
Ollade o vídeo!
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »
![CURSO 4ºA 4ºB Distribuir contido](/centros/ceipapedra/misc/feed.png)