A idea é que o alumnado traia un xoguete usado pero en boas condicións e levará a cambio un libro en galego, usado pero en boas condicións, dos fondos da biblioteca do centro e das aulas. Os xoguetes repartiranse entre a oficina de Voluntariado de Ames e Cáritas de Bertamiráns, ca idea de que as nenas e nenos das familias máis desfavorecidas tamén poidan ter un agasallo de Nadal e, ao mesmo tempo, fomentar entre o noso alumnado o gusto pola lectura e facelos partícipes da importancia de compartir e de ser solidarios.
A organización para este troco será do seguinte xeito:
a.- En Educación Infantil: As titoras e titores xestionarán directamente o troco. O alumnado entregará o xoguete ao seu titor/a na aula e a mestra/e entregaranlles a cambio un libro.
b.- En Educación Primaria: Farase na entrada principal do centro de primaria, dentro, ao lado das escaleiras centrais. Durante o recreo o alumnado pasará polo posto de troco, que estará atendido por profesorado do centro pertencente ao equipo de dinamización da lingua galega.
Animádevos a colaborar aportando xoguetes durante os días 18, 19, e 20 de decembro.
Enmarcada nas actuacións do Plan Director para a Convivencia e a Mellora da Seguridade nos Centros Educativos e os seus contornos, proxecto que posibilita que especialistas das Forzas e Corpos de Seguridade do Estado poidan dirixirse á comunidade educativa para informar sobre os recursos policiais e fomentar que alumnado, profesorado e pais e nais coñezan de primeira man ou seus dereitos e deberes, para desta maneira tratar de mellorar a convivencia de todos e todas. O programa, que se desenvolve en colaboración coa Xunta de Galicia, responde a unha das principais liñas de actuación do Goberno e da súa Delegación, como é ou impulso da educación en valores e a importancia da prevención e información como elementos fundamentais para a mellora da sociedade.
A proposta inclúe aspectos tan relevantes como o acoso escolar, os riscos asociados ao uso das redes sociais; e ao consumo de estupefacientes e alcol; a violencia nos centros educativos, os abusos e agresións sexuais e a violencia sobre a muller; malos tratos no ámbito familiar; comportamentosracistas e xenófobos e a discriminación por razón de sexo ou raza, entre outros.
Os membros da XUNTA ELECTORAL encargada da organización e supervisión do procedemento de elección dos membros do Consello Escolar proceden á proclamación das candidatas elixidas nas votacións de representantes de nais e pais ao consello escolar do centro:
Dª Elena Pérez Pereira, que obtivo 25 votos.
Dª Montserrat Capelo Sande, que obtivo 22 votos.
Dª Silvia López Ben, que obtivo 15 votos.
De acordo co artigo 51 do Decreto 92/1988, do 28 de abril, contra a presente proclamación de candidatos elixidos poderase presentar por un prazo de 15 días reclamación perante a Xefatura Territorial da Consellería de Educación e Ordenación Universitaria. A resolución desta poñerá fin á vía administrativa.
Os alumnos e alumnas de 3º visitaron as exposicións feitas no colexio sobre os dereitos dos nenos e as nenas e contra a violencia de xénero onde estaban os carteis realizados polos seus compañeiros de 6º.
O pasado 20 foi o Día dos dereitos dos Nenose para conmemoralo o Equipo de Convivencia do centro xunto co Equipo de Dinamización da Biblioteca prepararon unha serie de actividades e montaron un recanto no segundo andar polo que foron pasando os alumnos. Espuxéronse libros sobre o tema dos fondos da Biblioteca.
Con esta actividade, a exposición dos zapatos e os carteis sobre a violencia de xénero, máis a porta violeta de Rozalén que fixeron os de relixión, os alumnos do centro reflexionaron ao longo da semana sobre dereitos, violencia, igualdade e xustiza social.
Para conmemorar o 25 de novembro, os alumnos e alumnas de 6º fixeron carteis para reflexionar sobre a violencia de xénero. Está no segundo andar rodeando unha exposición que nos invita a intentar poñernos nos zapatos das mulleres maltratadas... Premede na imaxe de abaixo para ler e reflexionar como fixeron eles.
VIOLENCIA DE XÉNERO
"O Día Contra á violencia de xénero celebrase o día 25 de Novembro en todo o mundo para manifestarse e para denunciar polo maltrato físico a unha muller.
Empezouse a manifestar no ano 1981 en conmemoración a as tres mulleres agredidas (Patricia, Minerva é María Teresa)
Converteuse nun problema estrutural sobre as mulleres que (non valían nada) contra os homes.
Prodúcese por un problema social, tanto pode ser doméstico ou público en diferentes ocasiones: física, sexual, psicolóxica, económica, cultural e outras mais.
Varios grupos de primaria, e os maiores de infantil, asistiron á proxección dunhas curtametraxes internacionais no festival internacional de cine infantil CINEMA CRIANZA. Este é o segundo festival que se celebra en Ames, para promover o gusto polo cine, a capacidade crítica e a alfabetización audivisual entre os rapaces. Despois, os maiores fixeron unha valoración das curtas vistas que podedes ler no PDF adxunto.
Resumo feito por Gabriela López:
O RETRATO DE ELIKA. Trataba sobre unha rapaza pequena que expoñía na súa clase o país da súa nai, Irán.
INSPIRACIÓN. Un neno que lle gustaba moito o parkourpero tiña unha dificultadeporque non tiña 4 dedos dunha man pero mostroulles as persoasque todo e posible se te o propoñes
A VOZ DE NARGES. Unha nena de Irán quería cantar na mesquita mais só podían os homes, a ela non lle importou e fixo o que pudo para parecerse a un neno e ao finalcantou.
O PRINCIPIÑO. Cando somos pequenos a os nenos solen regalarlles coches e as nenas bonecas, pero en Suecia mostráronos que no só as boneca son para nenas ou os coches para nenos
FHEDI. Adicir verdade esta foi a miña curtametraxe favorita , trata sobre un neno que na escola fanlle acoso escolar mais el non llo di a ninguén ,pasa o tempo e empezaron a sair os moratóns , golpes , material roto...... E el seguía sen dicir nada .
Neste ano dedicado a Don Antonio Fraguas Fraguas, non podíamos deixar de lado os xogos populares. O EDNL do centro organizou esta actividade de xogos populares. Están realizados en madeira por Cándido Mascato. "Os xogos Populares no Grove", que así é como se presentan, son unha colección que inclúe elementos de lanzamento, habilidade e taboleiro que garantizan a diversión e o entretemento e fomentan a cultura popular. Aprendimos a valorar outro tipo de xogos sinxelos que se saen dos comerciais.