O día 1 de outubro celebrouse o Día dos maiores e no noso cole fixemos uns murais por aulas nos que os nosos rapaces reflexaron o que son os avós para eles. Estes traballos enviámolos ó centro de maiores de Guntín que os recibiron encantados.
O día 1 de outubro celebrouse o Día dos maiores e no noso cole fixemos uns murais por aulas nos que os nosos rapaces reflexaron o que son os avós para eles. Estes traballos enviámolos ó centro de maiores de Guntín que os recibiron encantados.
Adicamos o mes de maio ás Letras Galegas. O día 13 de maio contamos coa actuación de Magín Blanco: " O que levamos nas maletas". O alumnado disfrutou de cancións no patio do cole en galego. Igualmente a través do mateiral da Primavera das Letras, do Seminario Galán e do material creado pola mestra Mila, coñecemos o autor homenaxeado: Florencio Delgado Gurriarán. O alumnado realizou traballos durante todo o mes. Por último o 20 de maio realizamos unha videoconferencia con Lucia Gómez, autora do libro adaptado a pictogramas da colección lectura fácil da Editorial Galaxia: Un legado infindo; onde lle fixemos preguntas e ela recitou algún dos poemas de Florencio que máis lle gustaron. Coma sempre, grazas a todos pola vosa colaboración e en especial a Lucía e Magín por traer maxia ao noso cole.
Hoxe o alumnado de Peiteado coa mestra Rocio, en prácticas da USC, e con Julia e Paula foron ao cole de Nadela a contar un conto creado por Rocio para o noso centro: A abella Ana e a primavera.
Os alumnos de Infantil e 1°, 2° e 3° de Primaria disfrutaron do conto contado polo alumnado e dalgunha actividade lúdica sobre o mesmo . Grazas ao cole de Nadela por esa gran acollida.
Para celebrar as Letras Galegas, neste mes de maio, contamos con algunhas ligazóns importantes das que podedes disfrutar e coñecer ao noso autor homenaxeado.
Dende o Plan Proxecta: Protexemos os animais tamén festexamos o Día de Rosalía.
O día 30 de novembro contamos no centro con Ana Carreira, a través dos Equipos de Dinamización da Lingua Galega na actividade Correlingua. Contounos contos infantís e xuvenís en galego. Ademáis contamos co agasallo dunha mochila moi Correlingua.
O venres 25, traballamos co Equipo de Biblioteca o día contra a violencia de xénero. Ese día a aula 1 e 3 traballaron un conto en galego: As princesas pequenas tamén soltan peidos. Gran traballo.
Durante a semana do Magosto fixemos distintas tarefas: manualidades, xogos e comer castañas asadas. Todo o alumnado do cole participou nas distintas actividades, sempre atendendo o protocolo Covid.
Como ben sadedes esta è a semana na que celebramos o Magosto no cole, as protagonistas do magosto son as castañas, que antiguamente eran símbolo dun valor tan preciado como è a AMIZADE, as nenas da Aula 5 decoraron unhas castañas con pintura e meteronas en bolsitas que apareceron por sorpresa ao longo de esta semana polas aulas, para brindar a súa AMIZADE a todos os seus compañeiros do cole.
O 18 de novembro, en colaboración co Equipo de Biblioteca e Actividades Extraescolares, e para seguir a celebrar o Magosto, contamos coa actuación de Paco Nogueiras co seu libro cd Extras!, grazas a rede cultural da Deputación de Lugo. Un gran día de festa no noso centro.
Xunta de Galicia - Consellería de Cultura, Educación e Ordenación Universitaria, 2017 |