Recoñecemento de obras Creative Commons

Kalexanderson. En Flickr. CC BY 2.0

 

É imprescindible atribuir os recursos que usemos aos seus lexítimos propietarios. Segundo de onde tomemos os recursos ou dependendo do tipo de recurso deberemos citar a súa fonte orixinal. Vexamos como é a cousa.

Todas as licenzas Creative Commons requiren dar crédito ao autor das obras utilizadas. Aínda que o autor non especificase unha forma particular de como debes citalo isto non significa que non debas facelo. Simplemente significa que has de intentar facelo da mellor forma que poidas considerando a información que posúes. Normalmente isto implica cinco cousas:

• Se o traballo contén algunha información sobre o copyright incluída polo autor debes deixala intacta ou reproducila dunha forma razoable considerando o medio no que a estás a reproducir.

• Citar o nome do autor, nome en pantalla, identificación de usuario, etc. Se estás a publicar en Internet, é aconsellable enlazar o nome da persoa á páxina do seu perfil, da súa galería, do seu canal.
  

• Citar o título do traballo (se existe). Se estás a publicar en Internet é conveniente enlazalo ao traballo orixinal.

• Citar a licenza Creative Commons baixo a que está o traballo. Se estás a publicar en Internet é conveniente enlazalo á páxina da devandita licenza dentro da web de Creative Commons

• Se estás a facer unha obra derivada ou unha adaptación ou tradución, ademais do anterior, debes explicitar que a túa obra é un traballo derivado. Por exemplo: "Isto é unha tradución de (traballo orixinal) por (autor)"

Realmente, en caso de que o autor estableza requirimentos adicionais só pode obrigar a:

• Que o traballo se atribúa a certo nome, pseudónimo ou mesmo algunha organización.

• Que o asocies a unha URL particular.