Xornada escolaTAC (secundaria e bacharelato)

O vindeiro sábado 3 de decembro terá lugar na Escola Galega de Administración Pública (EGAP) en Santiago de Compostela a terceira edición de escolaTAC, dirixida a profesorado de secundaria e bacharelato.

A través de obradoiros, o profesorado terá a oportunidade de experimentar diferentes formas de traballo integrando medios tecnolóxicos e novas tendencias metodolóxicas: o proxecto de hardware libre Arduino; a impresión 3D;  experiencias e retos co robot mBot Ranger; o enfoque “aula invertida"; a xestión de aulas virtuais con Google Classroom e as ferramentas G Suite; o portafolios dixital; a integración da teoría das intelixencias múltiples e o seu impacto nos obxectivos e procesos de ensinanza-aprendizaxe; e a creación audiovisual con aplicacións móbiles.