Novas

Este curso queremos formar a un equipo de mediadores e mediadoras co fin de mellorar a convivencia  e así axudar á prevención dos conflitos introducindo no centro as técnicas de mediación e resolución pacífica destes.

Para elo queremos formar a un grupo de 16  alumnas e alumnos capaces de escoitar e axudar  a outras persoas, un grupo formado  en técnicas de mediación e resolución de conflitos.

Hoxe foi a primeira sesión de formación, na que participaron alumnado e profesorado do centro, coordinados por Hafdallah Menni.

 Hoxe tocou coñecernos e sentirnos parte dun equipo.

Galería de fotos

  A formación continuará  ao longo de 5 sesións máis que terá lugar nas seguintes datas:

2ª sesión, martes 22 de novembro

3ª sesión, martes 29 de novembro

4ª sesión, martes 13 de decembro

5ª sesión, martes 20 de decembro

6ª e última sesión, martes 10 de xaneiro.

Dende o IES de Soutomaior queremos comunicar o noso compromiso para que a xestión dos residuos que se xeran no centro sexa o máis eficaz posible. Para coseguir isto, tanto o profesorado como o alumnado temos a obriga de separalos, depositando cada peza de lixo no contedor correspondente, contribuindo así a minimización do impacto que xera a tremenda cantidade de basura que descartamos día a día.

Para que ista aprendizaxe sea o máis efectiva posible, animamos ás familias a participar dende os fogares, conseguindo así entre todos vivir nun planeta máis limpo e transmitir á xuventude valores vitais para o seu futuro.

Adxuntamos nesta entrada o documento elaborado polo Departamento de Bioloxía, co que informamos a profesores e alumnos de como realizar ista labor correctamente.

Cómpre rematar sinalando que o mellor residuo é aquel que non se produce.

Algúns dos contedores do centro

Mañá terá lugar unha nova sesión da Escola de Familias de Soutomaior. A cita será ás 18:30 na Aula de Usos Múltiples do IES e está aberta a todas as familias que se inscriban a través deste formulario.

Neste novo encontro, baixo o título "Da rabecha ao portazo", abordaremos que entendemos por conflito, cales son as súas fases e traballaremos sobre a relevancia do compoñente emocional do mesmo. Así mesmo, falaremos de tipos de conflito e das actitudes persoais para afrontalos e finalizaremos cun caso práctico para representar o explicado.

Publicada a convocatoria para a distribución de máscaras (Orde do 28 de outubro de 2021 - Código ED330E).

Instrucións básicas: acceso ao resumo da convocatoria premendo aquí.

Prazo de presentación das solicitudes: do 15 de novembro ao 26 de novembro de 2021 (ambos inclusive).

Alumnado beneficiario:

- Alumnado que fose beneficiario da axuda para adquirir material escolar (50€) neste curso 2021-22.

- Alumnado que non fose beneficiario da axuda por diferentes circunstancias, pero:

• Pertenza a familias cunha renda per cápita igual ou inferior 6.000€.
• Estea matriculado en Educación Especial, ou suxeito a tutela ou garda da Xunta de Galicia ou teña unha discapacidade igual o superior ao 65%, con independencia da renda da unidade familiar.

Procedemento:

- O alumnado beneficiario do punto 1 non ten que presentar solicitude.

- O alumnado recollido no punto 2 debe presentar a seguinte documentación do procedemento ED330E na secretaría do centro.

Documentación:

- As persoas interesadas deberán achegar coa solicitude (Anexo I) a seguinte documentación:

• Anexo II (comprobación de datos dos membros computables da unidade familiar).
• Copia do libro de familia ou documento equivalente, onde figuren o/a alumno/a e os demais membros computables da unidade familiar.
  
• No caso de separación ou divorcio, ademais deberase achegar a sentenza xudicial e/ou convenio regulador onde conste a atribución da custodia do/a menor.
• Excepcionalmente, poderase acreditar o número de membros computables utilizando algún dos seguintes medios: Certificado de volante de convivencia e Informe dos servizos sociais ou do órgano equivalente do concello onde resida a familia.